БСТ телеканалында "Башҡорт телен өйрәнәм" тигән эксперименталь проект тамамланды. Ул октябрҙән декабргә тиклем реалити-шоу форматында үтте.
Проектта ҡатнашыусылар - Өфө ҡалаһынан стоматолог Тимур, Нефтекаманан йәш эшҡыуар, әзербайжан Аладдин, БДУ аспиранты Ирина, йәш журналист Софья, ӨДАТУ аспиранты, музыкант, Мадагаскарҙа тыуған Селестин Жульен башҡорт телен өйрәнде.
Аҡмулла исемендәге БДПУ студенты, башҡорт телен өйрәнеүҙең үҙенсәлекле методикаһын төҙөүсе Вячеслав Чернев үҙен уҡытыусы ролендә һынаны. Ҡатнашыусыларҙың береһе - Аладдин Самедов проект барышында БДУ-ның Нефтекама филиалында репетитор менән шөғөлләнде, дәреслектәр буйынса грамматика өйрәнде. Республика халҡына ул "Урал батыр" эпосын әзербайжан теленә тәржемә итеүе менән билдәле.
Проект етәксеһе Зөлфиә Рәхмәтуллина әйтеүенсә, "Башҡорт телен өйрәнәм" проекты тамашасыларҙа ҙур ҡыҙыҡһыныу уятҡан. "Туған телде пропагандалауға өлөш индереүҙән тыш, ул милләт-ара бәйләнештәрҙе лә нығытты, сөнки ҡатнашыусылар төрлө милләттән ине. Улар башҡорт теле менән үҙ туған теле, шулай уҡ мәҙәниәттәр араһында уртаҡлыҡтар күреп ҡыуанды. 2015 йылда проект дауам итәсәк", - ти журналист.
Телевидение тарафынан ойошторолған был проект "Мираҫ" Ғаиләгә ярҙам итеү, әсәлек һәм балалыҡты яҡлау хәйриә фонды (етәксеһе - РФ Дәүләт Думаһы депутаты Сәлиә Мырҙабаева) ярҙамында тормошҡа ашырылды.
КИРЕ СЫҒЫРҒА
|
Никотин менән мауығыусыларҙың ҡылығы хаттин ашты, хатта һуңғы ваҡытта ҡалаларҙа йәмәғәт урындарында, парктарҙа кальян тарта башлағайнылар. БР Дәүләт Йыйылышы-Ҡоролтай депутаттары тартмаған кешеләрҙең мәнфәғәтен, һаулығын һаҡлау маҡсатында бындай күренештәрҙе сикләү, йәғни транспорт туҡталыштарында, парктарҙа, асыҡ һауала үткәрелгән төрлө саралар мәлендә тәмәке тартыуҙы тыйған закон ҡабул итте. Был хәбәр һеҙҙе шатландырамы?
БАШҠОРТ ТЕЛЕН СИТТӘР ӨЙРӘТӘ ҺӘМ ӨЙРӘНӘ
