БАШҠОРТ ТЕЛЕ

УҠЫТЫУСЫҺЫ РӘСӘЙ КИМӘЛЕНДӘГЕ

КОНКУРСТА ЕҢДЕ

Ошо көндәрҙә Мәскәүҙә "Рәсәй халыҡтары туған телдәрен уҡытыуҙың иң яҡшы педагогик тәжрибәләре" Бөтә Рәсәй конкурсы үтте. Унда Башҡортостан данын Өфөнөң 2-се шифахана мәктәп-интернатының башҡорт теле һәм әҙәбиәте уҡытыусыһы Мирас Ишдәүләтов (һүрәттә) яҡланы һәм "Туған телде уҡытыу методикаһы һәм практикаһы" номинацияһында I урын яуланы. Конкурс барышы, тәьҫораттары тураһында Мирас Рәшит улының үҙенән һораштыҡ.

уйлыға - уй
ТАҒЫ ЛА БИТЛЕКҺЕҘ БИТҺЕҘҘӘР ХАҠЫНДА

Ә бөгөн иһә, үҙ ҡурсаланыу осоро бушатылғандан һуң бөтөнләй туғарылды халыҡ: магазинда, дауаханала булһын йәки транспорттамы - элементар тәртип ҡағиҙәләрен үтәүҙән баш тартыусылар - аҙым һайын...

ир-егет ҡолағына
ҮҘЕҢДЕКЕ - ҮҘЕҢДЕКЕ БУЛЫР ЙӘКИ БУЙҘАҠТАРҒА ӘЙТЕР ҺҮҘ

Изге Ҡөрьән-Кәримдә буйҙаҡлыҡ хупланмай. Ғүмер бер генә мәртәбә бирелгәнлеге хаҡында ла иҫеңә төшөрөп китәйем, ҡустым. Ҡарт көнөмдә барып йәшәргә "ҡарттар йорто" бар әле, тип үҙеңде тынысландыраһың да ул...

ырыуың кем?
ЙЫЛАН ЫРЫУЫНАН, БОРОНҒО БАШҠОРТ ЗАТЫНАН БЕҘ

Был урында төрки халыҡтарының иң күп һанлыһы - осман төрөктәре дәүләтен төҙөгән каи ҡәбиләһенең төрөк тарихындағы ролен, уның юлбашсыһы, полководецы Эртугрулдың фәһемле яҙмышын хәтергә алып була. Әйткәндәй, Башҡортостан автономияһына нигеҙ һалыусыларҙың иң абруйлыларынан булған Ә.-З.Вәлиди Туған үҙенең "Хәтирәләр" китабында үҙ ырыуының ҡайлыларға ҡарауы хаҡында яҙып үтә.

ҡыҙыҡлы әңгәмә
РЕДАКЦИЯЛАРҒА ШЫЛТЫРАТМАЙҘАР, КИЛМӘЙҘӘРМЕ?
Тимәк, хәбәрселәр ҡыҙыҡлы мәҡәләләр ижад итә белмәй.

Иртәнге туғыҙҙан киске сәғәт бишкә тиклем генә журналист булып эшләү һеҙҙән һөнәрмән яһай алмаясаҡ. Һеҙ ялда ла, өйҙә лә, ҡунаҡта ла, телевизор ҡарап ултырғанда ла эҙләнеп, ҡыҙыҡһынып, күҙәтеп йөрөргә өйрәнегеҙ.

Лена ХӘЙРУЛЛИНА
ХЫЯЛЫЙ

Апайыбыҙҙың бәхетенән өлөш алып, уның йылыһында йылынып, ҡот, йәмгә ҡойоноп йәшәп ятҡан бер көндө Зилә апайыбыҙ эшкә килмәне лә ҡуйҙы. Уның урынына өсөнсө ҡаттан берәүҙе төшөрөп ултырттылар.

үҙ өйөмдә - үҙ көйөм
ҠАЛАНЫ МАҠТА ЛА, АУЫЛДА ЙӘШӘ...

Мал аҫрайбыҙ, баҡсабыҙҙа бил бөгәбеҙ, шуға ла итһеҙ, майһыҙ, картуф-йәшелсәһеҙ ултырғаныбыҙ булманы, шөкөр. Түләүҙәрҙе лә ваҡытында түләйбеҙ, балаларыбыҙ ҙа башҡалар араһында кәм-хур булманы.

һабаҡтар
ЗАМАН ИКЕНСЕ, ЛӘКИН ТӘРБИӘ МӘКТӘБЕ ИКЕНСЕ БУЛА АЛАМЫ?

Әле ҡустым минән рөхсәт һорап, һыу буйына китте. Оҙаҡламай әсәйем дә ҡайтты. Йөҙө асыулы. Нимә булды икән? Ул да булмай, ишек алдына ҡустым да килеп инде. "Ҡайҙа аҡса?" тип һорай әсәйем ҡустымдан. Ә мин әсәйемә ҡарайым, ниндәй аҡса таптыра ул?