Ошо көндәрҙә Японияның баш ҡалаһы Токиола уҙған Олимпия уйындарында яҡташтарыбыҙ - рапирасылар Аделина Заһиҙуллина һәм Тимур Сафин еңеү яулап, Өфөгә ҡайтты. Аэропортта уларҙы Башҡортостандың спорт министры Руслан Хәбибов, тренерҙары, яҡындары һәм көйәрмәндәре ҡаршы алды.

Олимпиадала Рәсәй йыйылма командалары составында сығыш яһаған башҡорт спортсылары француз командаларын еңде. Илдең ҡатын-ҡыҙҙар йыйылма командаһында сығыш яһаусы Аделина Заһиҙуллина, Лариса Коробейникова, Инна Дериглазова, Марта Мартьянова алтын миҙал яуланы. Ә бына Владислав Мыльников, Антон һәм Кирилл Бородачев, Башҡортотан рапирасыһы Тимур Сафиндан торған ир-егеттәр командаһы икенсе урынға лайыҡ булды.
Әйткәндәй, Аделина Заһиҙуллинаға 28 йәш, ул Рәсәйҙең атҡаҙанған спорт мастеры, рапира менән алышыу буйынса ике тапҡыр донъя һәм Европа чемпионы, төрлө чемпионаттарҙа Рәсәй Кубоктары еңеүсеһе. Уның беренсе тренеры Ольга Шагаева булған, 2015 йылда Рәсәй йыйылма командаһына ингәс, Рәсәйҙең атҡаҙанған тренеры Егор Попов етәкселегендә шөғөлләнә. Ә бына Тимур Сафин быға тиклем 2016 йылда Рио-де-Жанейрола уҙғарылған Олимпиаданың чемпионы һәм призеры булған, ул да Рәсәйҙең атҡаҙанған спорт мастеры, донъя һәм Европа ярыштары еңеүсеһе. Тимур Сафин Ташкентта тыуған һәм ата-әсәһе менән Өфөгә күсеп килгәс, фехтование менән ҡыҙыҡһынып китә. Тәүҙә 19-сы Махсус балалар-үҫмерҙәр олимпия резервы мәктәбе тәрбиәләнеүсеһе була һәм тренер Фәрит Арыҫланов ҡулы аҫтында шөғөлләнә, әле ул Лира Грушина етәкселегендә оҫталығын арттырыуын дауам итә.

уйлыға - уй
БАШҠОРТ ТЕЛЕНЕҢ КӨСӨ

Ғөмүмән, бала ысын мәғәнәһендә тәрбиәле һәм белемле булһын өсөн ул әсә телендә уҡытылған синыфта уҡырға тейеш. Сөнки унда милләттең милли мөхите урынлаша, йәғни "уңдырышлы тупраҡ" барлыҡҡа килә.

Ғәлим ХИСАМОВ
ФРАНЦУЗ ЯУЫ (2-се бүлек)

Был йола бик борондан килә. Кәрәк-кәрәкмәгәнгә артыҡ ҡан ҡоймаҫ өсөн уйлап сығарылған ул. Ике яҡтан да батыр сығарып һуғыштыралар ҙа, кемдеке еңә - шул еңелгәндең сардарына һуғышта еңелгән һымаҡ шарттар ҡуя.

көлкөфө
БАШЫМДЫ ӨТӨП БИР ӘЛЕ…

Беҙ, малайҙар, уҡытыусының беҙҙе "атырға алып китеп барғанын" күҙ алдына килтереп, рәхәтләнеп көлөшәбеҙ. "Нишләп көләһегеҙ һуң?" - тип ғәжәпләнә башта военрук. Бер аҙҙан, Салауаттың һорауының "елеген" аңлап ҡалып, үҙе лә "тәгәрәп йөрөп" көлөргә тотона…

диалог
БАЛАЛАРЫҢДЫ ТУҒАН ТЕЛДӘН МӘХРҮМ ИТМӘ, АТАЙ-ӘСӘЙ!

Бөгөн закон буйынса ата-әсәләр белем биреү учреждениеларында туған телде һайларға хоҡуҡлы һәм улар үҙҙәренең хоҡуҡтарын ғариза аша белдерергә тейеш. Әммә күбеһе ошо хоҡуҡтан баш тарта.