Һеҙ һүрәттә күргән был һыҙмалар - "Шүлгәнташ мәмерйәһе" тарихи-мәҙәни музей-ҡурсаулығы проекттары. Музей-ҡурсаулыҡ быйылғы йыл башынан үҙ эшен башланы. Ә уны төҙөү идеяһы бынан бер нисә йыл элек үк йәмәғәтселек иғтибарына еткерелгәйне.

2016 йылда музей-ҡурсаулыҡтың проекты эшләнде, әле ул проект дәүләт экспертизаһына тапшырылды. Ағымдағы йылда төҙөлөш эштәре башланыр тип көтөлә. Проект "Йөҙ йыллыҡҡа - йөҙ объект" программаһы сиктәрендә тормошҡа ашырыла. Әлеге көндә Шүлгәнташ мәмерйәһендәге һүрәтле залдар туристар өсөн ябыҡ булғанлыҡтан, мәмерйәләге һүрәттәрҙе, хатта шул һүрәттәр төшөрөлгән стена өлөштәрен мәмерйәнән ситтә урынлашҡан музейҙа бар тулылығында тергеҙеп, туристарға тәҡдим итеү маҡсатында төҙөлә лә инде был комплекс.
Тағы бер маҡсат: ошо заманса музей коплексы төҙөмәй тороп, ЮНЕСКО-ның профиль комитеты белгестәре мәмерйәне ойошманың Бөтә донъя ҡомартҡылары исемлегенә индермәйәсәк. Күсермәләр эшләүҙе халыҡ-ара белгес, Францияның күсермәләр рәссамы, Chauvet мәмерйәһе экспозицияларын эшләүсе Ален Далис үҙе етәкләйәсәк. Шулай итеп, Шүлгәнташыбыҙҙың тарихи мираҫын килер быуындарға ҡалдырыу һәм донъяға танытыу маҡсатында мәмерйә һынлы мәмерйәне затлы, зиннәтле, заманса музей комплексына һыйҙырмаҡсыбыҙ.

Фәүзил МАЛИКОВ,
"Шүлгәнташ мәмерйәһе" тарихи-мәҙәни музей-ҡурсаулығы директоры вазифаһын башҡарыусы.

арҙаҡлы шәхестәребеҙ
ЗӘБИХУЛЛА ИСҠУЖИН. УНЫҢ ШӘЖӘРӘҺЕ ТУРАҺЫНДА ҺҮҘҘЕ ДАУАМ ИТЕП

Документтарға ярашлы, Мәҡсүт Асҡар улы 1735-1740 йылдарҙағы башҡорт ихтилалы етәкселәренең береһе, Күҫәп Солтанғолов менән берлектә башҡорттоң азатлығы өсөн көрәшеп, Мәҡсүт батыр исеме менән тарихҡа ингән.

башҡорт ғаиләһе
БАЛАҢДЫ ТӘРБИӘЛӘМӘ, ҮҘЕҢДЕ ТӘРБИӘЛӘ БАЛАҢ БИТ БАРЫБЕР ҺИҢӘ ОҠШАЯСАҠ

Һин ул кешене һайлап алғанһың, унан балалар тапҡанһың, бергә йәшәгең килә икән - яманлама. Унан ғына ул яҡшы булып китә лә алмай. Нимәлер килеп сыҡмаған осраҡта ла уға ышаныуыңды белдер. Был ир кешегә яуаплылыҡ һала.

күңел мөһөрө
ЫСЫН ҠУРАЙСЫ ИКӘНҺЕҢ, ҠЫНЫҢДА ҮЛӘН ҠУРАЙ ЙӨРӨТ

Башҡорт ҡурайы - үлән ҡурай! Шуға ла Йомабай ағай үҙе менән төбө-тамыры менән алынған үлән ҡурайҙы бөтөн ғәм алдында ҡырҡып, яһап, башҡорт моңон таратҡан Парижда. Шуға аңлы рәүештә үҙ асылыбыҙҙан тайпылмайыҡ.

ил-йорт хәбәрҙәре
ТУҠ БУЙҘАРЫНА СӘФӘР

Баймаҡтарға ырымбурҙарҙан өйрәнәһе тәжрибәләр ҙә бар ине. Әйтәйек, унда төҙөкләндереү мәсьәләһенә етди иғтибар бүленә, ауылдар, урамдар таҙа һәм архитектура яғынан төплө уйланылған булыуы менән айырылып тора.