Оҡшаш урман, тауҙар тәңгәленән
Башҡортостан сиген үткәндә,
Тотош донъя ҡапыл балҡып китә
Барса йәмдәр бында күскәндәй.
Был тупраҡҡа һеңгән халҡым моңо,
Батырҙарҙың эҙе уйылған,
Ямғыр ғына түгел, ул халҡымдың
Күҙ йәштәре менән йыуылған.
Бында торналарға, бөркөттәргә
Халҡым рухы барып ҡушылған,
Үҙ туғанын аяй белмәгәндәр
Саҡ менән Суҡ тигән ҡош булған.
Елдәрендә ҡурай тауышы бар,
Ауазы бар унда ҡумыҙҙың,
Айға менеп баҫҡан Зөһрә ҡыҙы,
Үләнендә - тәме ҡымыҙҙың.
Һәр бер йылға тарих булып аға,
Йөрәк тибеп ҡуя һулҡылдап,
Уҡтың һыуы аша сыҡҡан саҡта
Уҡтай сая һаман тулҡындар.
Был тәбиғәт - башҡорт бейеүендә,
Был тәбиғәт - башҡорт көйөндә,
Күпме гүзәллек һәм мөһабәтлек,
Башҡортостан, һинең йөҙөңдә!

был айҙа
ЯҠШЫ ҺҮҘ ЯУ ҠАЙТАРҒАН

Телен һанлаған - илен дә һанлай, телен һатмаҫ ҡына илен дә һатмаҫ. Ватанды һаҡлаусылар көнөндә ошо һүҙҙәргә айырым баҫым яһау кәрәктер. Бөгөн ҡоралдан бигерәк, иң башта солох көсөнә эйә аҡыллы һүҙ алдан йөрөргә тейеш.

ил-йорт хәбәрҙәре
ЯҢЫ ҺӨНӘР: ӘСӘЙ-ТӘРБИӘСЕ

Әсә кеше декрет ялында саҡта уҡ ғаилә балалар баҡсаһын аса ала. Ғаилә баҡсаһы асырға теләге булған әсәләр, тәрбиәсе булараҡ белемде камиллаштырыу курстары үтәләр, методик ярҙам алалар.

тарих ярсыҡтары
ТОЛСТОЙҘЫҢ БАШҠОРТТАРҘА БУЛҒАНЫ, БӘЙГЕ ОЙОШТОРҒАНЫ

Өзләү тауышы саф һәм моңло. Бына ул өзләүен тамамланы. Һуңғы ауаздарын өзләгәндә, әллә һулышы, әллә һағышы күкрәген ярып килеп сыға һымаҡ. Был моң барыһын да ныҡ тәьҫирләндерә.

диалог
ҮҘЕҢДЕ ЛӘ ЯРАТЫРҒА ӨЙРӘН – ШУЛ САҠТА БАШҠАЛАР ҘА ҺИНЕ ЯРАТЫР...

Хатта бөгөн дә күптәр психолог менән психиатрҙы бутай. Бындайҙарға ябай ғына бер миҫал: йоҡоһоҙлоҡтан йонсоған кешегә психиатр дарыу яҙып бирәсәк, ә психолог йоҡоһоҙлоҡҡа алып килгән сәбәптәрҙе таба.

афарин!
МӨНӘЖӘТСЕЛӘР ТӨРКӨМ БУЛЫП БЕРЛӘШТЕ

Хәҙер мөнәжәт йырлаусылар бихисап. Был бик мәслихәт хәл. Сөнки башҡорт борон-борондан дини һәм әхлаҡи тәрбиәне кеше аңына мөнәжәт ярҙамында һеңдерә барған. Көйләп уҡылған был һүҙҙәр аңға тиҙерәк барып еткән, тиҙ иҫтә ҡалған.

хазиналарыбыҙ
ҠЫҘЫҢА ҺАНДЫҠ ӘҘЕРЛӘНЕҢМЕ?

Нимә бар икән унда, тигән һорау тыуа торғайны бала саҡта өләсәйҙең йоҙаҡлы, серле һандығын күргән һайын. Борон тирмәләрҙең дә иң түренә һандыҡ ҡунаҡлаған бит.