УРАЛ БАТЫРҘЫҢ ӘЙТКӘНЕ:
Улдарым, тыңлаң, һеҙгә әйтәм,
Бигерәк, илем, һиңә әйтәм:
Батыр, батыр булһаң да,
Батыр беләкле тыуһаң да,
Илдә йөрөп, ил күрмәй,
Тубығыңдан ҡан кисмәй,
Йөрәгең батыр булалмаҫ.
Яуызға юлдаш булмағыҙ,
Кәңәшһеҙ эш ҡылмағыҙ.
Уландарым, һеҙгә әйтәм:
Мин әрсегән еремдә
Кешегә байман табығыҙ:
Яуҙа булһа, баш булып,
Кешегә ил ҡороғоҙ,
Данлы батыр булығыҙ.
|
Олоно оло тейегеҙ,
Кәңәш алып йөрөгөҙ;
Кесене кесе тейегеҙ,
Кәңәш биреп йөрөгөҙ.
Күҙенә сүп төшөрҙәй,
Күҙһеҙ булып ҡалырҙай
Еҫерҙәрҙең алдында
Күҙенә керпек булығыҙ...
...Барығыҙға шуны әйтәм:
Яҡшылыҡ булһын атығыҙ,
Кеше булһын затығыҙ;
Яманға юл ҡуймағыҙ,
Яҡшынан баш тартмағыҙ!
|
"Урал батыр" эпосын яттан һөйләүсе йәш сәсәндәрҙең XVI республика конкурсы еңеүсеһе - Салауат районы Әлкә урта мәктәбе уҡыусыһы Илнар Зарипов.
афарин!
ЯҠШЫЛЫҠ БУЛҺЫН АТЫҒЫҘ...
йәки "Урал батыр" эпосының башҡорт асылын булдырғаны
Сәсән булған ерҙә һүҙ ҡала, ти халыҡ аҡылы. Ошо көндәрҙә, ниһайәт, республика райондары буйлап сәйәхәт итеп, киренән Бөрйән районына әйләнеп ҡайтыусы "Урал батыр" эпосын башҡарыусы балаларҙың республика ярышынан һуң ниндәй һүҙ ҡалыуын үҙ ҡолағыбыҙ менән ишетеп, һеҙгә лә еткерергә булдыҡ, хөрмәтле гәзит уҡыусылар.
килешмәйем!
ҠАҒИҘӘЛӘР ҺАНҒА ҺУҒЫЛМАЙ...
Бар ғәйепте мәктәпкә, уҡытыусыға, тел ғалимдарына япһарыу дөрөҫ түгел. Башҡорт телен уҡытыу буйынса методика иҫкергән икән, оло ғалимдарыбыҙҙың китаптары оҡшамай икән - яҙығыҙ һуң яңы методик ҡулланмалар!
... ғәҙәттәре күркәм
ХАТАЛАРҘАН ЙӨҘӨҢ ҠЫҘАРМАҺЫН, ӨФӨМ!
Хакимиәттәрҙең бүлектәрендә эшләгән һәм дәүләт башҡорт телен белгән хеҙмәткәрҙәр булыу-булмауына ла иғтибар иттек. Эшкә ҡабул иткәндә хеҙмәткәрҙең дәүләт телдәрендә аралаша алыу-алмауына ла иғтибар йүнәлтелһен ине.
тарихи хәҡиҡәт
ҠОШ СӨЙӨП ҺУНАР ИТЕҮ
Халҡыбыҙҙың боронғо һунар төрө менән тарих фәндәре кандидаты Мирза Ғизетдин улы МУЛЛАҒОЛОВ таныштыра.
монолог
БАШҠОРТОСТАНДЫҢ БЕР ҠАНАТЫ - АЗИЯЛА,
икенсе ҡанаты Европала ҡағына бит...
Ниндәй милләттән булыуыңа ҡарамаҫтан, һин тиң хоҡуҡлы һәм башҡалар менән тиң. Сөнки халыҡтың бөйөклөгө уның һаны менән билдәләнмәй, эшләгән эштәре менән баһалана.
мөғжизәле донъя
ПАРАЛЛЕЛЬ ДОНЪЯ...
уйҙырма түгел
Элегерәк параллель донъя тураһында һөйләүселәрҙә параноя билдәләре күреп, психиатрик дауаханаға һалып та ҡуйырҙар ине. Шулай ҙа ғалимдар, кеше беҙҙе уратып алған донъяның бер процентын генә күрергә һәләтле, тигәнде таный хәҙер.
афарин!
ЭСТОНИЯ ИҪЛӘЙ САЛАУАТТЫ!
Быйыл Башҡортостан ғына түгел, милли батырыбыҙ Салауат Юлаев һуңғы көндәрен үткәргән алыҫ Эстония ере лә уның 260 йыллыҡ юбилейын билдәләй.
|
