АСҠЫНДА
ШӘЖӘРӘ БАЙРАМЫ
ГӨРЛӘНЕ
Республика көнө асҡындар өсөн үтә лә иҫтәлекле үтте. Беренсенән, ул райондың - 90, Асҡын ауылының 390 йыллығы менән тап килде. Икенсенән, был көндә Асҡын районында республика Шәжәрә байрамы гөрләне, милләттәштәрҙе, ҡан-ҡәрҙәштәрҙе осраштырҙы, берләштерҙе, быуындар сылбырын нығытты, тарихи тамырҙарҙы тергеҙҙе. Илһөйәрлек, толерантлыҡ һәм татыулыҡҡа әйҙәгән сара быуындар араһындағы бәйләнеште нығытты.
Һеҙ һүрәттә күргән Асҡын 2-се урта мәктәбенең VI класс уҡыусыһы Камилла Сәлмәнова ла ата-әсәһе ярҙамында туғандарҙы барлап, нәҫел тамырҙарын 11-се быуынға тиклем өйрәнеп, Шәжәрә ағасын төҙөгән. Байрамда ул атай-әсәйҙәре, туғандары уратыуында дәртләнеп ошо нәҫел ағасы менән таныштырҙы. Билдәләүенсә, был эш менән тырыш ҡыҙ башланғыс кластарҙа уҡығанда уҡ, Алмаз ағаһына эйәреп, ҡыҙыҡһына башлай. Йәш быуындың шулай ҙур дәрт менән шәжәрәләрен өйрәнеүе, ата-олатайҙарының фотографияларын, нәҫелендәге боронғо ҡомартҡыларҙы, хәтирәләрҙе барлауы әйтеп бөткөһөҙ баһаға эйә. Бында быуындар күсәгилешлеге, нәҫел намыҫын һаҡлау нигеҙе, атай-олатайҙарға ҡарата ихтирам сағыла.
Дауамын уҡырға
ишара
ТАБИПТАР ҘА КЕШЕ АҢЛАРЛЫҠ ТЕЛДӘ ҺӨЙЛӘШҺЕН!
Табип һөнәрен һайлаған йәштәрҙең башҡорт телен белеү-белмәүенә әһәмиәт бирергә кәрәк. Һәр төрлө сирҙәрҙең башҡортса аталышын да белеү мотлаҡ. Юғиһә, беҙ хәҙер гриптың - киҙеү икәнен дә онотоп барабыҙ бит.
...ғәҙәттәре күркәм
МИЛЛӘТТӘШТӘРГӘ БАШҠОРТСА КИТАПТАР ЕБӘРЕЛДЕ
Быйыл "Рәсәй милләте берҙәмлеген һәм БР халыҡтарының этномәҙәни үҫешен нығытыу" Дәүләт программаһының "Башҡорт халҡының этник үҙенсәлеген үҫтереү һәм һаҡлау" программа өлөшөн бойомға ашырыу сиктәрендә башҡорттар йәшәгән төбәктәрҙәге китапханаларҙы үҙәкләштереп тулыландырыу буйынса сараларҙы тормошҡа ашырыу өсөн Ә.-З.Вәлиди исемендәге БР милли китапханаһына бер миллион һум аҡса бүленгәйне.
ырыуың кем?
ТӘРӘН ТАМЫРЛЫ БАШҠОРТБОҘ - ГӘРӘЙ БУЛА ЫРЫУЫБЫҘ
Гәрәй ырыуының иң күркәм ир-уҙамандары Алтын Урҙа дәүләтендә башҡорт үҙаллылығы хәрәкәте башында булып, башҡорт аристократияһын Джучи олоҫо хандарына һыр бирмәҫкә, үҙ мәнфәғәттәренә тоғро ҡалырға өндәй.
диалог
БАШҠОРТ ҠАТЫН-ҠЫҘЫНЫҢ КЕЙЕМЕ – ТӨРКИ ХАЛЫҠТАРЫНЫҢ КЕЙЕМДӘРЕ АРАҺЫНДА ИҢ ЙӨКМӘТКЕЛЕҺЕ
Фән эшмәкәре кейемде фәнни яҡтан иҫбат итһен, фотограф һәр төрлө документаль һәм заман һүрәттәренән дөйөм картина булдырһын, шулай уҡ тегеү цехы, технологтары һәм кейем дизайнеры мотлаҡ кәрәк...
Миләүшә ҠАҺАРМАНОВА
ТЕЛЕФОН
Шулай күңелле генә тамамланды төшкө аштары. Ҡарты мунса яҡты, бер дәртләнгәндә урамын да көрәп инде. Уның был ҡыланыштарын тәҙрә аша күҙәтеп йөрөгән Сәйҙә телефон аша аралашҡан теге ир тураһында уйланы.
тормош күренештәре
АҠТҮШ ФӘЛСӘФӘҺЕ
Тегеләй үткәндә кәзекләһә, былай уҙғанда тибеп китә этте. "Ярай мин бәйҙә торам. Ә бына үҙе уңған, үҙе матур ҡатынды нимә тота икән? Ҡайҙа барһа ла, юғалып ҡалмаҫ ине бит", - тип уйлай Аҡтүш.
беҙҙең әңгәмә
ЮҒАРЫ МӘҘӘНИӘТ КЕНӘ РУХИ ТАМЫРҘАРҒА ҺУТ БИРӘ
Башҡортлоҡ, рух беҙҙең быуындан ғына башланмай, ул беҙгә тиклем дә булған, ошо ерлектә йәшәгән һәм уны тарих туҙаны ла баҫа алмаған. Бары тик беҙгә ошо хаҡта күберәк һөйләргә, күберәк мәғлүмәт еткерергә кәрәк.
афарин
ШАЙМОРАТОВҠА ЫСЫНБАРЛЫҠ КҮҘЛЕГЕНӘН...
Ижад емешебеҙ ноябрь айы баштарына өлгөрөр һәм тамашасыларыбыҙ менән М.Ғафури исемендәге Башҡорт академия драма театрының Кесе залында осрашырбыҙ, тип ышанабыҙ.
|
