Өфөләрҙән ҡояш сығалыр ул -
Яҡтылығы алыҫ тарала.
Кешеләрҙәй, нурлы сырайлы,
Булалыр ул тик сал ҡалалар.

Бында башҡорт артҡан hайын, гүйә,
Көләсләнә йөҙө ҡаланың.
Ихласлыҡҡа биҙәк булам тиеп,
Шул ҡаланы мин дә hайланым.

Бында башҡорт артҡанғалыр шулай
Бик йыш килә төрлө ҡунаҡтар.
Улар беҙгә байрам ғәме өҫтәп,
Ҡанатланып ҡайтҡан hымаҡтар.

Туған телдең моңо иркәләгәс,
Урамдарҙың йөҙө яҡтыраҡ.
Майҙандар киң hәм аяҙ булғанға
Ҡурай моңо аҡты бик йыраҡ.

Уйсан убаларҙа - көләс сырай,
Һағышы ла яҡты ҡаланың.
Бер яратҡан бәндәhеләй, Өфө -
Яратҡанылыр ул Алланың.

Төндәренең уның үҙ нуры бар,
Гел йондоҙло кеүек көндәре.
Хыялымды ысын иткән ҡалам,
Аяҙлана hиндә өндәрем.

Лариса Абдуллина.

уйлыға - уй
БАШҠОРТ БАЛАҺЫНЫҢ ТЕЛЕ НИ ӨСӨН УРЫҪ ТЕЛЕНДӘ АСЫЛА?

Беҙ заманында олатай-өләсәйҙәрҙең әкиәттәрен тыңлап үҫтек. Ул әкиәттәр әле булһа ла хәтерҙә. Хәҙер ейән-ейәнсәрҙәренә әкиәт һөйләүселәр бармы икән? Булһа ла, бик һирәктер. Бына мин дә уларға әкиәт һөйләмәйем.

Өфө башҡорто
КЕШЕЛӘР ТОРМОШ МӘҒӘНӘҺЕН ТАПҺЫН

Минең өсөн рухи үҫеш - һәр кешенең асылында сағыу нур булыуын, һәр кеше камил тәбиғәтле икәнен аңлауҙа. Рухи үҫеш - ул аҡыл туплау, тормош мәғәнәһен аңлау, кешеләргә хеҙмәт итеү.

тарих ярсыҡтары
БАБИЧТЫҢ ДУҪТАРЫ

Алыҫ юлға сығыр алдынан Шәйехзада Бабичтың ижадын өйрәнеүсе йәш дуҫына иҫтәлеккә тип фоторәсемен һәм рәсеме артына шиғырын да яҙып ҡалдыра ул.

заман башҡорто
ЙӘШТӘРГӘ ЯРҘАМ ИТӘ АЛМАҺАҢ ҠАМАСАУЛАМА ЛА ҠУЙ!

Ни өсөн беҙ Бөйөк Ватан һуғышында шундай ҙур юғалтыуҙар кисергәнбеҙ, әммә еңеп сыҡҡанбыҙ? Сөнки һәр кем аңлы рәүештә үҙенең тыуған төйәге өсөн көрәшкән. Әгәр илһөйәрлектән яҙһаҡ, әлбиттә, юғалып ҡаласаҡбыҙ.

әҙип һүҙе
ЖУРНАЛИСТ БУЛЫП ИЖАДИ ЙӘНДӘР ЭШЛӘҺЕН

Рәсүл Хәсән улы башлыса заман журналисының ниндәй сифаттарға эйә булырға тейешлеге, матур телмәр, һүҙҙәрҙе дөрөҫ ҡулланыу оҫталығы һәм башҡалар тураһында фекер йөрөтә.

тураһын әйткәндә...
ҺАБАНТУЙҘАР КЕМ ӨСӨН ОЙОШТОРОЛА ҺУҢ?

Бөгөнгө һабантуйҙар халыҡтың күңел асыу байрамынан түрәләрҙең күңелен астырыу сараһына әйләнде. Бөтөн әҙерлек нисәлер сәғәттә бер төркөмдөң килеп китеүенә бағышлана.

йолаңдан йүн тап!
ДОНЪЯБЫҘҘЫ АҠЛАУСЫЛАР БУЛАЙЫҠ - СИРАТТАҒЫ САҠЫРЫУ ШУЛАЙ ЯҢҒЫРАНЫ

Һәр кем үҙен ошо ерҙең, урмандың, йылғаларҙың хужаһы итеп тойорға тейеш. Ҡыҙғанысҡа ҡаршы, һуңғы йылдарҙа кешелә ошо ер хужаһы булыу тойғоһо юҡҡа сыҡты. Шуға ла даими иҫкәртеп тороу, тәрбиәләү кәрәк халыҡты.

иғтибар: акция!
ҺӘР КЕМ УҠЫРҒА ТЕЙЕШЛЕ ЙӨҘ БАШҠОРТ КИТАБЫ

"Башҡорт китабы топ-100+" акцияһына килгән хаттарҙы барлауҙы дауам итәбеҙ. Һеҙ ҙә башҡорт әҙәбиәтендә һәр быуын кешеһенең иғтибарына лайыҡ әҫәрҙәрҙе/китаптарҙы тәҡдим итеүҙән туҡтамағыҙ, хөрмәтле гәзит уҡыусылар!