Өфө тормош сифаты буйынса Рәсәйҙең иң ҙур 100 ҡалаһы рейтингында тәүге бишәү иҫәбенә инде.

Санкт-Петербургта XIV "Рәсәй төбәктәрендә һәм ҡалаларында стратегик планлаштырыу: һайлау урыны һәм урынды һайлау" дөйөм Рәсәй форумында 2014 йылға Рәсәйҙең иң ҙур 100 ҡалаһы интеграль рейтингы иғлан ителде. "Өфө үҙенең рейтингын яҡшыртты һәм 2013 йыл менән сағыштырғанда дүрт баҫҡысҡа - һигеҙенсенән дүртенсе урынға күтәрелде. Башҡортостандың баш ҡалаһы Сочи (5 урын), Екатеринбург (6), Ҡаҙан (17), Һамар (21), Омск (44), Силәбе (45) кеүек ҙур ҡалаларҙы уҙып китте. Сорғот, Краснодар һәм Төмән лидерҙар рәтендә килә", - тип хәбәр иттеләр ҡала хакимиәтенең матбуғат хеҙмәтендә.
Рейтингты Рәсәйҙең Архитекторҙар союзы менән берлектә Санкт-Петербургтағы "Урбаника" территориаль планлаштырыу институты төҙөгән. Тикшеренеүҙәр барышында торлаҡ менән тәьмин ителеү, заманса ҡулланыу алымдары, ҡала юлындағы көсөргәнешлек, енәйәтселек, яҡтыртылыу кимәле, тәбиғәт шарттары, төҙөклөк һәм экологик бысраныу дәрәжәһе иҫәпкә алынған.

килешмәйем!
БАР СӘБӘП – ҮҘЕБЕҘҘӘ

Һуңғы ваҡытта анһатҡа һалындыҡ: беҙҙең өсөн һәр ваҡыт кемдер уйларға, бойороҡ, фарман төшөрөргә, күрһәтмә бирергә, килеп эш күрһәтергә, әйҙәргә, саҡырырға тейеш. Һәм һәр ваҡыт кемдер ғәйепле...

... ғәҙәттәре күркәм
ТОҒРОЛАРҘЫҢ АНТТАРЫ ЛАЙЫҠЛЫ БАҺАЛАНДЫ

Ошо көндәрҙә дәүләт һәм туған телдәрҙе үҫтереү һәм пропагандалауға өлөш индергән мәғариф, мәҙәниәт һәм сәнғәт, киң мәғлүмәт саралары, йәмәғәт һәм башҡа ойошмалар хеҙмәткәрҙәренә Өфө ҡала округы хакимиәте башлығының премияларын тапшырыу тантанаһы үтте.

әйтәгүр!
БЕЛӘ-КҮРӘ ТОРОП ЗЫЯНЛЫ АҘЫҠТАР АШАЙБЫҘ

16 октябрь - Бөтә донъя "Макдоналдс"ҡа ҡаршы көрәш көнөндә Мәскәүҙә төҙөлгән тәүге "Макдоналдс" ябылды. Уның Башҡортостанда урынлашҡан нөктәләренә лә тикшереүҙәр килеп етәсәк, тип көтөлә.

ағинәйҙәр ҡоро
УЧАЛЫНЫҢ МИНДӘГЕНДӘ БУҘАСЫЛАР ЯРЫШТЫ

Бер үк аҙыҡтан, бер үк ысул менән әҙерләнһә лә, буҙаның тәме, нишләптер, һәр саҡ айырыла: бер оҫтабикәнең эсемлеге ҡаймаҡ ише телгә яғылһа, икенсеһенеке, әйтерһең, шишмә һыуы - шунда уҡ һыуһынды ҡандыра.

тарихыңды таныт...
ӨФӨБӨҘҘӘ БОРОНҒО ӨФӨ САҒЫЛЫШЫ

Ошо көндәрҙә баш ҡалабыҙҙа "Урта быуаттарҙа биҙәүестәр һәм көнкүреш әйберҙәре" тигән исем аҫтында "Боронғо Өфө" тарихи-мәҙәни музей-ҡурсаулығы тарафынан ойошторолған күргәҙмә эшләне.

диалог
ҒАИЛӘЛӘ ТӘРТИП БУЛҺА, ЕР ШАРЫНДА ЛА ЭШТӘР КӨЙЛӨ БУЛА

Адвокатлыҡ - юридик стажы булған юрисҡа ауыр имтихан тапшырғандан һуң ғына бирелә торған ҙур дәрәжә ул. Юридик ярҙамды ла танытмаһы булған адвокаттарҙан алыу яҡшыраҡ. Улар, тимәк, белемле, тигән һүҙ.

ижадхана
БЕЙЕҮСЕ БУЛЫП ТЫУАЛАР...

Башҡорт бейеүҙәрен икенсе милләт бейеүселәре бейеп тә, башҡорт рухын сағылдыра алмаған осраҡтарҙы беләм. Хатта данлыҡлы Моисеев ансамбленең ҡыҙҙары ла беҙҙең "Ете ҡыҙ" бейеүен башҡорт һылыуҙары кеүек башҡара алмай.

тәүбә
МИН ЭСЕҮЕМДЕ ТАШЛАНЫМ

"Дуҫыңды һынар өсөн уны иҫерткәнсе эсереп ҡара", - тип тә әйтәләр. Ә мин былай тип әйтер инем: "Кемдең ысын дуҫ, кемдең шешәләш кенә икәне эсеүеңде ташлағас күренә".

афарин!
ТАШ КҮТӘРЕП ҠАРА, ЕГЕТ!

Республиканың төрлө төбәктәрендә башҡорт милли йолаларына нигеҙләнгән фольклор байрамдары, йыйындар үтеп тора. Шундай иң сағыу ҡорҙарҙың береһе "Ҡатай ырыуы йәштәре байрамы" Белорет районының Бирҙеғол ауылында уҙғарылды.

ил-йорт хәбәрҙәре
МӨНӘЖӘТТӘРЕБЕҘ РУХИ АСЫЛЫБЫҘҒА ҠАЙТА

Ошо көндәрҙә Сибай ҡалаһы "Ағинәйҙәр ҡоро" Бөтөн донъя башҡорттары ҡоролтайы Башҡарма комитеты ҡарамағындағы "Ағинәй" йәмәғәт ойошмаһы менән берлектә Мөнәжәт башҡарыусыларҙың асыҡ ҡала конкурсын үткәрҙе.