Ниңә беҙ үҙебеҙҙе һәм яҡындарыбыҙҙы шифалы, һауыҡтырғыс, терелткес, тылсымлы ҡотлау, рәхмәт һәм һөйөү һүҙҙәренән, йән аҙығынан мәхрүм итәбеҙ? Тыуған көндәрҙә, юбилейҙар йә туйҙар уңайынан ғына бер-беребеҙҙе ҡотлайбыҙ ҙа - шуның менән вәссәләм.

Беҙҙең һеҙгә тәҡдимебеҙ бар: әйҙәгеҙ, яҡындарыбыҙҙы яңы көн, яңы уңыштар менән ҡотлайыҡ. Уларҙың донъяла булғаны өсөн рәхмәт әйтәйек. Дуҫтарыңдың һәм яҡындарыңдың тормошта өлгәшкән бәхете - абруйлы хеҙмәткәр, яҡшы атай йә әсәй, өләсәй йә олатай, яҡшы дуҫ, иптәш, хеҙмәттәш булыуын иҫкә төшөрәйек тә, ошо өлгәшкәндәре менән дә ҡотлайыҡ. Хатта күңеле һәм тормошо ҡыуанысҡа тулған мәлдә - яңы йорт һалғанмы, фатир алғанмы, яңы машинаға эйә булғанмы - ябай ғына һүҙҙәр аша шатлыҡ уртаҡлашырға була. Шулай уҡ үҙ ваҡытында рәхмәт һәм һөйөү һүҙҙәре еткереү ҙә ҡалай кәрәк. Әлбиттә, беҙҙең "Киске Өфө" гәзите aшa, тип әйтмәксебеҙ. Ҡотлау, рәхмәт һәм һөйөү һүҙе еткереү хаҡы - 400 һум. Текстарҙы төҙөргә лә ярҙам итә алабыҙ. Хаттар һәм шылтыратыуҙар көтәбеҙ һеҙҙән.
Бер ҡотлау беҙҙән:
"Хөрмәтле "Киске Өфө" гәзитен уҡыусылар! Беҙҙең аралағы һынау үткән, төңөлөү тигәнде белмәгән, ихласлыҡҡа, хөрмәткә, ышанысҡа нигеҙләнгән Дуҫлыҡ менән ҡотлайбыҙ һеҙҙе. Артабан да бер-беребеҙҙе яҡтылыҡ, изгелектәр һәм яҡшылыҡтар менән генә ҡыуандырып йәшәргә яҙһын. Изге теләктәр менән, "Киске Өфө"ләр".

МӨХӘРРИРИӘТ.

ҡала хакимиәтендә
ЕТӘКСЕБЕҘ ЯҢЫРҘЫ

29 октябрҙә конкурс комиссияһы Өфө хакимиәте башлығы вазифаһына кандидаттар араһынан өс дәғүәсене - Өфө районының Социаль үҫеш программаларына булышлыҡ итеү фонды генераль директоры Руслан Зәйнуллинды, Киров районы хакимиәте башлығының беренсе урынбаҫары Олег Котовты һәм Өфөнөң "Газпром газ бүлеү" йәмғиәте генераль директорының капиталь төҙөлөш буйынса урынбаҫары Өлфәт Мостафинды һайлап алды.

уйлыға - уй
ҒӘЙЙӘРЛЕГЕ СИКҺЕҘ - ХАЛҠЫМ БАХЫРЛЫҠТАН ҠОТОЛАСАҠ!

Махсус фәнни баҫмалар аҙ - 100-500 дана тираж менән генә сыға һәм хатта белгестәрҙең үҙҙәренә лә етмәй ҡала. Ошо сәбәптәр арҡаһында башҡорттоң боронғо мәҙәниәте һәм тарихы тураһындағы дөрөҫлөк халыҡтан ситтә ҡала.

ҡыҙыҡлы әңгәмә
ИҢ ЯҠШЫ ҠОШСОЛАР - БАШҠОРТТАР!

Эдуард Эвресмандың бер материалында батша һарайына һунар өсөн ҡоштарҙы Ағиҙелдең аҡ ҡаяларынан алыуҙары тураһында мәғлүмәт бар. Иҙел буйлап ҡаялар бар, әммә аҡ ҡаялар Бөрйәндә, Монасип эргәһендә генә.

яңы китап сыҡты
РУХИ ҠИММӘТТӘРЕБЕҘГӘ АРНАЛА

Башҡортостандың халыҡ шағиры Рауил Бикбаевтың "Ете йөҙ етмеш ете хәҙис" тигән китабы донъя күрҙе. Был яңы баҫмаға һәм шағирҙың һуңғы йылдарҙағы ижадына ҡағылышлы һорауҙарға яуапты әҙиптең үҙенән алдыҡ.