БӘЙГЕНЕҢ ҠИММӘТЕ...
алған фәһем, һабаҡтар менән үлсәнә
"Башҡорт теле һәм әҙәбиәте уҡытыусыһы - 2014" республика конкурсы 19-сы тапҡыр үҙ еңеүселәрен билдәләне. Был сараны республика райондарынан килгән мәғариф етәкселәре һәм хеҙмәткәрҙәре генә түгел, ә Бөтөн донъя башҡорттары ҡоролтайы Башҡарма комитеты рәйесе урынбаҫарҙары Хәләф Ишморатов менән Буранбай Күсәбаев, РФ Мәғариф һәм фән хеҙмәткәрҙәре профсоюзының Башҡортостан республика ойошмаһы етәксеһе Людмила Пронина, шулай уҡ Башҡортостан Республикаһы Мәғариф министрлығы, Мәғарифты үҫтереү институты, Салауат ҡала хакимиәте етәкселәре, Салауат ҡалаһы башҡорттары ҡоролтайы башҡарма комитеты, "Башҡортостан", "Киске Өфө" гәзиттәре редакциялары ла күтәрмәләне һәм конкурста ҡатнашыусыларға үҙ бүләктәрен тапшырҙы. Был бүләктәргә конкурс еңеүсеһе исеменә лайыҡ булған Ейәнсура районы Иҫәнғол башҡорт гимназия-интернаты уҡытыусыһы Гөлбаныу Исмәғилева (һүрәттә), конкурс лауреаттары - Мәләүез ҡалаһының 1-се гимназияһы уҡытыусыһы Гөлфара Әлиева, Өфө ҡалаһының 38-се дөйөм белем биреү мәктәбенән Гөлсөм Әбдрәхимова, Нефтекама ҡалаһының 10-сы мәктәбенән Әминә Зәкирйәнова, Әбйәлил районы Асҡар ауылының 1-се мәктәбенән Лира Абдрахманова ғына түгел, ә бәйгелә ҡатнашыусыларҙың барыһы ла лайыҡ булды.
(Дауамын уҡырға).
тарихи хәҡиҡәт
ДӨМ ҠАРАҢҒЫЛЫҠ ОСОРОНДА...
Башҡортостан төньяҡ йондоҙолай булды
Идея-сәйәси яҡтан башҡорттар үҙбилдәләнеш хоҡуғы өсөн көрәшә. Был хоҡуҡ бөгөнгө көндә донъя йәмәғәтселеге тарафынан рәсми рәүештә танылған халыҡ-ара норма булып тора.
диалог
ӘҘӘМ БАЛАҺЫ ЕР МЕНӘН КҮК АРАҺЫНДА:
унда иблислек тә, фәрештәлек тә бар...
Әгәр яҙыусы үҙенең саҡырыуҙарына, әҫәрҙәренә тап килерлек итеп йәшәй икән, был - идеаль осраҡ. Ләкин идеаль осраҡ бер ҡасан да булмай, сөнки бер кем дә идеаль түгел. Идеаль кеше - изге йән, Алла булыр ине.
күңел мөһөрө
ӘҮЛИӘЛЕК - БӨЙӨК КӨС УЛ,
йәғни Мифтахетдин мулла тураһында бер хәтирә
Бер төркөм ҡарттар килеп, ямғыр яуҙырыуын үтенһә, Мифтахетдин мулла үҙенең йортонда һаҡланған ҡыу ат башын ҡулына алып, Арыҫланйылға башындағы ҡайынлыҡҡа барып, һыуға бағышлап намаҙ һәм саҙаҡа ҡылған.
ағинәйҙәр ҡоро
ӨЛӘСӘЙҘӘР ҺАНДЫҒЫНДА…
ҡомартҡылар һәм тарихи хәтер
Хәҙер бар донъяла этник ҡомартҡыларға иғтибар йүнәлтелә, тарихи хәтер тергеҙелә. Беҙгә лә башҡортлоғобоҙҙо сағылдырған өй ҡаралтыларын, милли кейемдәребеҙҙе ҡыйыуыраҡ индерергә кәрәк ҡулланылышҡа.
|
