Бай йөкмәткеле "Киске Өфө" гәзитен яратып уҡыйбыҙ: республикабыҙҙа булған хәл-ваҡиғалар менән таныштыраһығыҙ, халҡыбыҙ тарихы тураһында тәфсирләп һөйләйһегеҙ, төрлө һөнәр эйәләре менән "осраштыраһығыҙ", беҙгә файҙалы кәңәштәрегеҙ ҙә бик ярап ҡуя.

Беҙ, ололар, ғәҙәттәгесә, көн һайын гәзитте ҡулға тотоп, бер-ике бит булһа ла уҡымаһаҡ, күңел булмай. Тик шуныһы борсой: почталар йүнләп эшләмәй бит! Ярай, беҙ, ҡалала йәшәүселәр, әзиттәрҙе почта бүлексәһенән үҙебеҙ барып ала алабыҙ, улар ярты көн булһа ла эшләй әле. Ә бына беҙҙең күп кенә туған-тумаса йәшәгән Инйәр ҡасабаһында почта эшләмәй. Күпме кеше гәзит алдырып уҡыуҙан мәхрүм булды! Иҫ китмәле хәл бит! Редакцияларҙың әллә күпме ваҡыт, көс сарыф итеп башҡарған эше һөҙөмтәһен юҡҡа сығара лабаһа был күренеш. Шунан, "Уҡымайҙар!" тип, гәзит-журналдар сығарыуҙы туҡтатып ҡуйыуҙары ла ихтимал, тигән уй ҡурҡыта. Берәй әмәл табылырмы был хәлгә?

Рәсимә АҪЫЛҒУЖИНА.
Белорет ҡалаһы.
"Киске Өфө" гәзите, №32, 14 - 20 август 2026 йыл

КИРЕ СЫҒЫРҒА