«Киске Өфө» гәзите
Мәҡәләләр Һуңғы номер Яҙылыу Гәзиттә реклама Архив (PDF) Редакция
Беҙҙең номерҙар
 

2026

Ғинуар
   01  |  02  |  03  |  04 
Февраль
   05  |  06  |  07  |  08 
Март
   09  |  10  |  11  |  12 
Апрель
   13  |  14  |  15  |  16 
Май
   17  |  18  |  19  |  20  |  21
Июнь
   22  |  23  |  24  |  25
Июль
   26  |  27  |  28  |  29  |  30
Август
   31  |  32  |  33  |  34
Сентябрь
   35  |  36  |  37  |  38
Октябрь
   39  |  40  |  41  |  42  |  43
Ноябрь
   44  |  45

 
Киске Өфө» VK-төркөмө
 

әйт, тиһәгеҙ...

13 ноябрҙә Башҡортостанда республика кимәлендәге бик мөһим ваҡиға - 112-се Башҡорт кавалерия дивизияһының 85 йыллығы билдәләнә. Девизияның, уның командиры Рәсәй Федерацияһы Геройы, генерал-майор Миңлеғәле Шайморатов исемен мәңгеләштереү сараларының береһе - мәктәптәрҙә ойошторолған Шайморатовсылар кластары. Бер нисә белем усағы етәкселәре һәм уҡытыусыларынан ошо кластарҙың уңыш-ҡаҙаныштары тураһында белештек:

 
Сайттың архивы
 
  01 | 02 | 03 | 04 | 05 | 06 | 07   08 | 09 | 10 | 11 | 12 | 13 | 14   15 | 16 | 17 | 18 | 19 | 20 | 21   22 | 23 | 24 | 25 | 26 | 27 | 28   29 | 30 | 31 | 32 | 33 | 34 | 35   36 | 37 | 38 | 39 | 40 | 41 | 42   43 | 44 | 45 | 46 | 47 | 48 | 49   50 | 51 | 52
  01 | 02 | 03 | 04 | 05 | 06 | 07   08 | 09 | 10 | 11 | 12 | 13 | 14   15 | 16 | 17 | 18 | 19 | 20 | 21   22 | 23 | 24 | 25 | 26 | 27 | 28   29 | 30 | 31 | 32 | 33 | 34 | 35   36 | 37 | 38 | 39 | 40 | 41 | 42   43 | 44 | 45 | 46 | 47 | 48 | 49   50 | 51 | 52
  01 | 02 | 03 | 04 | 05 | 06 | 07   08 | 09 | 10 | 11 | 12 | 13 | 14   15 | 16 | 17 | 18 | 19 | 20 | 21   22 | 23 | 24 | 25 | 26 | 27 | 28   29 | 30 | 31 | 32 | 33 | 34 | 35   36 | 37 | 38 | 39 | 40 | 41 | 42   43 | 44 | 45 | 46 | 47 | 48 | 49   50 | 51 | 52
  01 | 02 | 03 | 04 | 05 | 06 | 07   08 | 09 | 10 | 11 | 12 | 13 | 14   15 | 16 | 17 | 18 | 19 | 20 | 21   22 | 23 | 24 | 25 | 26 | 27 | 28   29 | 30 | 31 | 32 | 33 | 34 | 35   36 | 37 | 38 | 39 | 40 | 41 | 42   43 | 44 | 45 | 46 | 47 | 48 | 49   50 | 51 | 52
  01 | 02 | 03 | 04 | 05 | 06 | 07   08 | 09 | 10 | 11 | 12 | 13 | 14   15 | 16 | 17 | 18 | 19 | 20 | 21   22 | 23 | 24 | 25 | 26 | 27 | 28   29 | 30 | 31 | 32 | 33 | 34 | 35   36 | 37 | 38 | 39 | 40 | 41 | 42   43 | 44 | 45 | 46 | 47 | 48 | 49   50 | 51 | 52
  01 | 02 | 03 | 04 | 05 | 06 | 07   08 | 09 | 10 | 11 | 12 | 13 | 14   15 | 16 | 17 | 18 | 19 | 20 | 21   22 | 23 | 24 | 25 | 26 | 27 | 28   29 | 30 | 31 | 32 | 33 | 34 | 35   36 | 37 | 38 | 39 | 40 | 41 | 42   43 | 44 | 45 | 46 | 47 | 48 | 49   50 | 51 | 52
 
БЕҘҘЕҢ ЗАМАН
+  - 


Кадрҙар - яңы, йырҙар - иҫке

Өлкә конференцияһына бер көн ҡалғас, өлкә комитетта ҡала һәм район комитеттарының беренсе секретарҙары ҡатнашлығында минең эшем ҡаралды. Президиум өҫтәле артына, беренсе секретарҙан башҡа, өлкә комитеттың бөтә секретарҙары ла ултырҙы. Мин залда Ф.И. Машкин эргәһенә ултырҙым. Тәнҡит Баймаҡ һәм Салауат район комитеттары секретарҙары Р.Ә. Сырлыбаев менән Р.Х. Вахитовтың сығыштарынан башланды. Улар трибунанан, ҡағыҙға ҡарап, минең тупаҫлығым, тәкәбберлегем һәм кадрҙар менән эшләүҙәге етешһеҙлектәрем тураһындағы факттарҙы уҡып ишеттерҙе. Залдан Хәйбулла район комитеты, Октябрьский һәм Стәрлетамаҡ ҡала комитеттары секретарҙары М.Х. Шәһиев, В.Н. Соколова, Ә.И. Бурма үҙ фекерҙәрен белдерҙе.
Марс Хызыр улы, ғәжәпкә ҡаршы, материалдарҙың сифаты яҡшырыуын, уларҙың үткерлеген, актуаллеген һәм районда гәзиткә яҙылыусылар һанының һиҙелерлек арта барыуын билдәләп, гәзитте ҡыйыу яҡлап сыҡты. Бурманың урынынан: "Теймәгеҙ, эшләһен!" - тигән репликаһынан һуң һүҙ алырға теләүселәр булманы.
Трибунаға сыҡҡас, мин, Машкин кәңәш иткәнсә, үҙ хаталарымды таныным һәм уларҙы төҙәтәсәгем хаҡында вәғәҙә бирҙем, гәрсә күңелемдә былар менән бөтөнләй килешмәһәм дә. Был фекер алышыуҙарҙан һуң мин матбуғаттың ике яҡлы үткер ҡорал икәнен, уның журналистан ҡыйыулыҡ ҡына түгел, ә уйланылғанлыҡ, төплөлөк һәм аҡыллылыҡ та талап итеүен асыҡ аңлай башланым. Тәнҡит яғына үтә ныҡ ауышыу, тенденциялылыҡ һәм, иң яманы, асыҡтан-асыҡ ялғанлау авторҙы ғына түгел, редакцияны ла, гәзитте лә бер нисә тапҡыр ауыр хәлгә ҡалдырҙы. Яуапты редакторға бирергә тура килә ине.
Редактор булараҡ, мин барса райондарҙы тиерлек йөрөп сыҡтым. Бер нисәһенән башҡа, беренсе секретарҙарҙың барыһын да шәхсән белә инем. Гәзиткә яҙылыу кампанияһы менән ныҡлап шөғөлләндем. Йәштәрҙең ижади ынтылышы һәм өлкәндәрҙең тәжрибәһе, эшләргә тигән теләк һәм коллективтың берҙәмлеге яҡшы гәзит сығарыу мөмкинлеген бирҙе. "Совет Башҡортостаны" редакцияһында эшләгән йылдар хәтеремдә ҙур үҙаллылыҡ һәм тоғро дуҫтар табыу осоро, көрәш һәм һынауҙар ваҡыты булып һаҡланды, ғүмеремдең иң бәхетле йылдарына әүерелде.

Власҡа килеүҙең оҙайлы юлы

1990 йылдың мартында республиканың Юғары Советына һайлауҙар үтте. Депутаттарҙың күпселеге яңы кешеләрҙән һайланды. Һайлауҙарҙа кешеләрҙең таныулы булыуы һәм әүҙемлеге ҙур әһәмиәткә эйә булды. 275 депутаттың 18-е - эшсе, 14-е - колхозсы, 246-һы - хеҙмәткәр, уларҙың 10-һы ғына беренсе секретарь булды. Юғары Советтың бындай составы быға тиклем бер ҡасан да булманы. Ҡатын-ҡыҙҙар һаны 14-кә тиклем кәмене. Депутаттарҙың төп төркөмөн совет һәм уларға буйһонған органдарҙың 93 етәксеһе, сәнәғәт-төҙөлөш блогының 58 вәкиле, 41 аграрий тәшкил итте. Был күпселектә реформаторҙар ҙа, консерваторҙар ҙа булды. Хәҙер республиканың ниндәй юл менән китәсәге уларҙан тора ине.
Юғары Совет Рәйесен һайлау бик ҡатмарлы шарттарҙа үтте. Обком бюроһы КПСС-тың Стәрлетамаҡ ҡала комитетының беренсе секретары М.К. Резбаевтың кандидатураһын яҡлап сыҡты һәм Хәйбулла райкомының беренсе секретары булған М.Х. Шаһиевты тәҡдим итте.
Депутаттарҙың ойоштороу комитеты рәйесе Ю.С. Дёмин комитет исеменән Рәйес посына Р.Н. Ғимаев һәм М.Ғ. Рәхимовтың кандидатураларын күрһәтте. Депутаттар исемлекте М.М. Ишморатов, Д.М. Ҡыуатов, Л.П. Сафронов һәм Р.Р. Гәрәев кандидатуралары менән тулыландырҙы. Рәхимовты яҡлаусылар төркөмөн аграрийҙар араһында абруйлы депутат Исмәғил Ғәбитов етәкләне. Был төркөмгә Салауат Ғайсин, Фәүзи Ғарипов, Анатолий Барсуков, Наил Әминев, Альфред Түрйәнов, Рәшит Мәмлиев, Михаил Старцев, Рәзил Мусин, Радил Мөхәмәтдинов инде.
Башҡаларҙан айырмалы рәүештә, Рәхимов үҙаллылыҡ, йыйылған проблемаларҙы хәл итеү механизмдары тураһында күберәк һөйләне, ауылға ярҙам итеү, экологияны яҡшыртыу өсөн предприятиеларҙың потенциалын файҙаланыу мөһимлеген миҫалдарҙа күрһәтте, был депутаттарҙа ҡыҙыҡһыныу һәм һорауҙар тыуҙырҙы.
Рәхимов яҡлылар Мирғәзәмовтың теләктәшлегенә өлгәштеләр, еңгән осраҡта уны ҡабаттан Хөкүмәт Рәйесе итеп тәғәйенләргә вәғәҙә иттеләр. Көрәш асыҡ сәйәсәттең ҡанундарына ярашлы барҙы. Бөтә нәмә аҡыл менән эшләнде. Демократик процедуралар һәм үҙаллы власть яңы ғына формалашып килә ине. Һәм иң мөһиме - Юғары Совет менән ул төҙөгән Хөкүмәт шунда уҡ көнүҙәк проблемаларҙы хәл итеүгә тотондо. Партияның һәм Үҙәктең диктаты булмаған шарттарҙа бөтә нәмә юғары властың берҙәм һәм дәртле эшләй алыуын талап итте.
Урындағы партия етәкселәре Рәхимовты уйламаған ерҙән күтәрелгән кеше тип һананы, бигерәк тә уның тәүге аҙымдары һәм ошондайыраҡ фекерҙәре уларҙың йәнен көйҙөрҙө: "Беҙ кешене эш һөҙөмтәләренән ситләтеү кимәле капитализмға ҡарағанда ла юғарыраҡ булған ҡоролошто төҙөгәнбеҙ бит!" Башҡалар иһә "тәжрибәле хужалыҡ етәксеһе" Рәхимов яңы вазифаһында бер ни ҙә эшләй алмаҫ, тип уйлай ине. Әммә халыҡ әйткәне дөрөҫкә сыҡты: "Урын кешене түгел, кеше урынды биҙәй". Заводтан Республика йортоноң һул ҡанатындағы ҙур кабинетҡа күскәс, Рәхимов тулыһынса дәүләт эштәренә сумды. Һәм ул сабыр, һәр нәмәгә ентекле ҡарай алған уҡыусы булып сыҡты.

Мансур ӘЙҮПОВ.
(Дауамы. Башы 37-45-се һандарҙа).

"Киске Өфө" гәзите, №46, 20 - 26 ноябрь 2026 йыл

КИРЕ СЫҒЫРҒА

+  -   
Яҙылған: 19.11.26 | Ҡаралған: 4

Киске Өфө
 

Иғтибар! "Киске Өфө" (индексы ПР905) гәзите менән бергә булыусы аңлы, зыялы уҡыусыларыбыҙҙы 2027 йылдың беренсе яртыһы өсөн 1230 һум 42 тингә яҙылырға саҡырабыҙ. Ә беҙ һеҙҙе рухиәт менән һуғарыуҙы дауам итербеҙ, матур йөкмәтке менән танһыҡтарығыҙҙы ҡандырырға тырышырбыҙ, тигән вәғәҙәбеҙҙе яңыртабыҙ. Гәзитебеҙгә яҙылып, квитанцияларын редакцияға ебәргәндәр араһынан кемдәрҙер бүләккә бик шәп китаптар аласаҡ икәне тураһында ла онотмағыҙ. Бергә булайыҡ!

МӨХӘРРИРИӘТ.

 
Беҙҙең дуҫтар
 

Киске Өфө гәзитенең VK-ла рәсми төркөмө

Өфө ҡала хакимиәтенең рәсми сайты

 
Мәҡәләләр Һуңғы номер Яҙылыу Гәзиттә реклама Архив (PDF) Редакция
© 2026 «Киске Өфө» гәзите
Мәҡәләләр күсермәһен алыу, күсереп баҫыу йәки материалды тулыраҡ файҙаланыу мәсьәләләре буйынса «Киске Өфө» гәзите редакцияһына мөрәжәғәт итергә.

Беҙҙең электрон адрес: kiskeufa@mail.ru