«Киске Өфө» гәзите
Баш бит Һуңғы номер Мәҡәләләр Яҙылыу Гәзиттә реклама Архив Редакция
Беҙҙең номерҙар
 

2018

Ғинуар
  01  |  02  |  03  |  04
Февраль
  05  |  06  |  07  |  08
Март
  09  |  10  |  11  |  12  |  13
Апрель
  14  |  15  |  16  |  17
Май
  18  |  19  |  20  |  21
Июнь
  22  |  23  |  24
 
Киске Өфө» VK-төркөмө
 

әйт, тиһәгеҙ...

"Ағы барҙың туғы бар", ти халҡыбыҙ. Ауылда бөгөн мал-тыуар аҫрарға форсат бармы, ғаиләңде һөт ризыҡтарына кинәндерәһеңме?

 
Сайттың архивы
 

2017

  01 | 02 | 03 | 04 | 05 | 06 | 07   08 | 09 | 10 | 11 | 12 | 13 | 14   15 | 16 | 17 | 18 | 19 | 20 | 21   22 | 23 | 24 | 25 | 26 | 27 | 28   29 | 30 | 31 | 32 | 33 | 34 | 35   36 | 37 | 38 | 39 | 40 | 41 | 42   43 | 44 | 45 | 46 | 47 | 48 | 49   50 | 51 | 52

2016

  01 | 02 | 03 | 04 | 05 | 06 | 07   08 | 09 | 10 | 11 | 12 | 13 | 14   15 | 16 | 17 | 18 | 19 | 20 | 21   22 | 23 | 24 | 25 | 26 | 27 | 28   29 | 30 | 31 | 32 | 33 | 34 | 35   36 | 37 | 38 | 39 | 40 | 41 | 42   43 | 44 | 45 | 46 | 47 | 48 | 49   50 | 51 | 52

2015

  01 | 02 | 03 | 04 | 05 | 06 | 07   08 | 09 | 10 | 11 | 12 | 13 | 14   15 | 16 | 17 | 18 | 19 | 20 | 21   22 | 23 | 24 | 25 | 26 | 27 | 28   29 | 30 | 31 | 32 | 33 | 34 | 35   36 | 37 | 38 | 39 | 40 | 41 | 42   43 | 44 | 45 | 46 | 47 | 48 | 49   50 | 51 | 52

2014

  09 | 10 | 11 | 12 | 13 | 14 | 15   16 | 17 | 18 | 19 | 20 | 21 | 22   23 | 24 | 25 | 26 | 27 | 28 | 29   30 | 31 | 32 | 33 | 34 | 35 | 36   37 | 38 | 39 | 40 | 41 | 42 | 43   44 | 45 | 46 | 47 | 48 | 49 | 50   51 | 52

 
ДИПЛОМАТЛЫҠТЫҢ ИҢ КАМИЛ ӨЛГӨҺӨ
+  - 



Күптән түгел "Мираҫ" йыр һәм бейеү фольклор ансамбле илебеҙҙең мәҙәни баш ҡалаһында сығыш яһаны. Санкт-Петербургта мосолман мәҙәниәте көндәре сиктәрендә үткән Башҡорт мәҙәниәте көнө сараһына улар бик бай тамаша бүләк итте. Рәсәй ҡалаларын, Европаны урап сыҡҡан ансамбль Санкт-Петербургта тәүге тапҡыр булды. Концерт алдынан И.И. Газа исемендәге Мәҙәниәт һарайының фойеһында халыҡ кәсепселеге сувенирҙары, Башҡортостан тураһындағы мәғлүмәт һәм фотокүргәҙмәһе, милли ашамлыҡтар һәм башҡорт балы йәрминкәһе үткәрелде.

"Мираҫ" ансамблен Санкт-Петербургта йәшәгән башҡорттар ғына түгел, башҡа милләт халыҡтары ла бик ихлас ҡаршыланы. Хатта РСФСР-ҙың атҡаҙанған, Татарстандың халыҡ артисы Альберт Әсәҙуллин сәхнәгә сығып, Өфөлә шундай юғары кимәлдәге ансамблдең барлығына ҡыуанысын белдерҙе. "Бындай тамаша бөгөнгө сәйәси-иҡтисади мәсьәләләр киҫкенләшеп торғанда дипломатлыҡтың иң камил өлгөһө булып тора", - тине ул. Ысынлап та, тамашасылар араһында башҡорт, татар, урыҫ, мари, сыуаш, белорус, ҡалмыҡ, ҡаҙаҡ һәм башҡа милләттәр вәкилдәре лә булды. Улар ҙа ансамбль репертуарындағы үҙ милләте бейеүҙәрен ҡарап кинәнде.
Яҡташтарыбыҙ араһынан "Мираҫ"тың бейеү ансамбле генә түгел, ә вокал, хор һәм халыҡ уйын ҡоралдары оркестрын бергә туплаған ижади коллектив икәнен белмәүселәр өсөн был концерт оло асыш булды. "Ансамбль Санкт-Петербургҡа тағы килһә, мотлаҡ бөтөн дуҫтарыбыҙҙы алып киләсәкбеҙ, бындай тамашанан ситтә тороп ҡалырға ярамай", - тип белдерҙе тамашасылар.
Башҡорт мәҙәниәте көнө сиктәрендә Санкт-Петербургтың Милләт-ара мөнәсәббәттәр һәм миграцион сәйәсәтте бойомға ашырыу комитеты етәксеһенең беренсе урынбаҫары Окрушко Вадим Яковлевич һәм Өфө ҡалаһы хакимиәте башлығы урынбаҫары Сынтимир Биктимир улы Баязитов, Өфө ҡалаһы хакимиәте Мәҙәниәт идаралығы рәйесе Исламетдин Ризаитдин улы Мәмбәтов Санкт-Петербург менән Башҡортостан араһындағы мәҙәни бәйләнеште үҫтереү тураһында килешеүгә ҡул ҡуйҙы. "Мираҫ" йыр һәм бейеү фольклор ансамбленең Санкт-Петербургҡа гастролен ойошторған бөтөн милләттәштәрбеҙгә, айырыуса, коллективтың етәксеһе, Башҡортостан Республикаһының халыҡ артисы Илүзә Ҡаһарман ҡыҙы Ноғомановаға, Санкт-Петербург башҡорттарына һәр саҡ ярҙам ҡулы һуҙыусы Камил Әғзәм улы Хәйруллинға, "Ирәндек" фольклор ансамбленең һәм Санкт-Петербургтың "Башҡортостан мәҙәни үҙәге" етәксеһе Буканова Люциә Ғафар ҡыҙына оло рәхмәтебеҙҙе белдерәбеҙ. Тамашасылар өсөн ысын мәғәнәһендә байрам ойошторған артистарға ҙур рәхмәт!

Эльвира МОТАЛОВА.

КИРЕ СЫҒЫРҒА

+  -   
Яҙылған: 10.05.16 | Ҡаралған: 613

Киске Өфө
 

Мөхтәрәм уҡыусыларыбыҙ! Июнь аҙағына тиклем һеҙ 2018 йылдың икенсе яртыһы өсөн 50665 индекслы "Киске Өфө"гә 560 һум 82 тингә, Бөйөк Ватан һуғышы ветерандары һәм инвалидтары - 505 һум 08 тингә, 50673 индекслы (юридик ойошмалар һәм предприятиелар) "Киске Өфө"гә 590 һум 82 тингә яҙыла һәм теләгәндәр квитанцияларын редакцияға ебәреп, Йәдкәр Бәшировтың "Башҡорт хан"; Миләүшә Ҡаһарманованың "Күңелем йылы теләй"; Зөлфиә Ханнанованың "Мин - башҡорт, тип танышығыҙ"; Варис Ғүмәровтың "Тыуған яҡтың шифалы үҫемлектәре" һәм башҡа матур китаптарға эйә була ала. Әйҙәгеҙ, кем алыҡ!

 
Беҙҙең дуҫтар
 

Киске Өфө гәзитенең VK-ла рәсми төркөмө

Өфө ҡала хакимиәтенең рәсми сайты

Юлдаш радиоhы

 
Баш бит Һуңғы номер Мәҡәләләр Яҙылыу Гәзиттә реклама Архив Редакция
© 2018 «Киске Өфө» гәзите
Мәҡәләләр күсермәһен алыу, күсереп баҫыу йәки материалды тулыраҡ
файҙаланыу мәсьәләләре буйынса «Киске Өфө» гәзите редакцияһына мөрәжәғәт итергә.


Сайтты төҙөнө zahir, дизайн һәм алып барыу BArt