«Киске Өфө» гәзите
Баш бит Һуңғы номер Мәҡәләләр Яҙылыу Гәзиттә реклама Архив Редакция
Беҙҙең номерҙар
 

2018

Ғинуар
  01  |  02  |  03  |  04
Февраль
  05  |  06  |  07  |  08
Март
  09  |  10  |  11  |  12  |  13
Апрель
  14  |  15  |  16  |  17
Май
  18  |  19  |  20  |  21
Июнь
  22  |  23  |  24
 
Киске Өфө» VK-төркөмө
 

әйт, тиһәгеҙ...

"Ағы барҙың туғы бар", ти халҡыбыҙ. Ауылда бөгөн мал-тыуар аҫрарға форсат бармы, ғаиләңде һөт ризыҡтарына кинәндерәһеңме?

 
Сайттың архивы
 

2017

  01 | 02 | 03 | 04 | 05 | 06 | 07   08 | 09 | 10 | 11 | 12 | 13 | 14   15 | 16 | 17 | 18 | 19 | 20 | 21   22 | 23 | 24 | 25 | 26 | 27 | 28   29 | 30 | 31 | 32 | 33 | 34 | 35   36 | 37 | 38 | 39 | 40 | 41 | 42   43 | 44 | 45 | 46 | 47 | 48 | 49   50 | 51 | 52

2016

  01 | 02 | 03 | 04 | 05 | 06 | 07   08 | 09 | 10 | 11 | 12 | 13 | 14   15 | 16 | 17 | 18 | 19 | 20 | 21   22 | 23 | 24 | 25 | 26 | 27 | 28   29 | 30 | 31 | 32 | 33 | 34 | 35   36 | 37 | 38 | 39 | 40 | 41 | 42   43 | 44 | 45 | 46 | 47 | 48 | 49   50 | 51 | 52

2015

  01 | 02 | 03 | 04 | 05 | 06 | 07   08 | 09 | 10 | 11 | 12 | 13 | 14   15 | 16 | 17 | 18 | 19 | 20 | 21   22 | 23 | 24 | 25 | 26 | 27 | 28   29 | 30 | 31 | 32 | 33 | 34 | 35   36 | 37 | 38 | 39 | 40 | 41 | 42   43 | 44 | 45 | 46 | 47 | 48 | 49   50 | 51 | 52

2014

  09 | 10 | 11 | 12 | 13 | 14 | 15   16 | 17 | 18 | 19 | 20 | 21 | 22   23 | 24 | 25 | 26 | 27 | 28 | 29   30 | 31 | 32 | 33 | 34 | 35 | 36   37 | 38 | 39 | 40 | 41 | 42 | 43   44 | 45 | 46 | 47 | 48 | 49 | 50   51 | 52

 
"АРҒЫМАҠ"ТАР ЮҒАРЫ БАҺАЛАНДЫ
+  - 

Башҡорт дәүләт филармонияһының ҙур залында "Арғымаҡ" этно-рок төркөмөнөң ҙур концерты булып үтте. Ике сәғәттән ашыу барған тамаша ысын мәғәнәһендәге Аң, Рух, Ғәм, Ырыҫ, Моң, Аҡыл, Ҡот байрамына әүерелде.

"Арғымаҡ" этно-рок төркөмөнөң, уның етәксеһе Ринат Рамазановтың ниндәй үҙенсәлекле һәләткә эйә икәненә, уларҙың ижади башҡарыу мөмкинлегенә, репертуар байлығына күптән инде шаһитбыҙ. Төркөмдөң исеме ишетелеү менән һоздау-өзләүгә ҡушылып боронғо башҡорт ҡобайыры яңғырай башлағандай, ҡанатлы ат сабып үткәндәй, тарих терелеп киткәндәй. "Арғымаҡ" күптән инде үҙ йөҙөн тапҡан, үҙ имиджын булдырған.
Был юлы концерт "Урал" йырын күмәкләп ҡурайҙа уйнау менән башланып китеп, "Зәйнулла" музыкаль әҫәрен, "Зәки Вәлиди көйө"н, "Шайморатов генерал" йырын башҡарыу менән тамамланды. Улар араһында төркөмдөң репертуарында күптән инде нығынған музыкаль әҫәрҙәр, башҡорт халыҡ фольклорының аҫыл гәүһәрҙәре этно-рок, этно-джаз стилендә яңғыраны. Егеттәргә Катя Ямщикова, Эльвина Ҡәйүпова, Линар Дәүләтбаев етәкселегендәге халыҡ музыка ҡоралдары оркестры ҡушылып йырланы һәм уйнаны.
Беҙҙе иң беренсе нәүбәттә, әлбиттә, "Арғымаҡ"тың сығышы, икенсенән, уныһы инде бигерәк тә ҡыуанырлыҡ, концертҡа килгән халыҡтың әүҙемлеге, һәр сығышты хуплау һүҙҙәре, артистарҙы дәртләндереү ауаздары менән оҙатыуы хайран ҡалдырҙы. Сәхнәләге хәрәкәт йыр, ҡурай, музыка ҡоралдары, видеорәттәр аша залдағы һәр бер тыңлаусыға барып етеп, һуңғы сиратта дөйөм хәрәкәтте барлыҡҡа килтерҙе. Ике сәғәттән ашыу күңелдәрҙә яңғыраш алған был хәрәкәт тамаша аҙағында кескәй балаларҙы ла дәртләнедереп, улар ҙа түҙмәйенсә сәхнәгә сығып, артистар менән бергә бейей башланы. Музыканың, халыҡ ижадының тәрбиәүи әһәмиәте ошо рәүешле туранан-тура балаларҙың йөҙөндә сағылыш тапты. Күпме кескәй йөрәктәр тоҡанды был залда.
Бик үҙенсәлекле тамашасы йыйылғайны кисәгә. Үҙебеҙҙең халыҡтан тыш, урыҫтар, татарҙар, ҡаҙаҡтар, ҡырғыҙҙар, украиндар, сыуаштар, чечендар һ.б. Былары мин танып белгәндәре генә. Концерт күҙ менән ҡаш араһында Рәсәй, донъя кимәлендәге сараға әүерелде лә ҡуйҙы. Һеҙҙең иғтибарға Ҡаҙағстандан махсус рәүештә "Арғымаҡ"тың концертына тип килгән Радина Батпеневаның һүҙҙәрен килтереп үтәм: "Мин Ҡаҙағстанда университетта рәссамдарҙы уҡытам. "Арғымаҡ" этно-рок төркөмөнөң концерты буласағы хаҡында ишетеп ҡалғас, унда барыр өсөн юлдар эҙләй башланым. Сөнки мине эшемдән Өфөгә былай ғына ебәрмәҫтәр ине. Тырыша торғас, һөҙөмтәлә шулай килеп сыҡты: бер уҡыусымды Ҡаҙан аша Алабуғалағы арт-спартакиадаға алып китеп, унан Өфөгә килеп еттек. Бының өсөн беҙгә биш көн кәрәк булды. Был осраҡта минең төп маҡсатым - "Арғымаҡ"тың концертына эләгеү ине. Маҡсатым ысулды аҡланы. Бына хәҙер мин бында. Бында, Өфөлә барлыҡ хыялдар тормошҡа аша..."
Йәки булмаһа концертты тамаша ҡылған Злата Соболеваның интернет селтәрендәге һүҙҙәре: "Ребята, вы бесподобны! Вы талантливы во всем - в творчестве, в сценической культуре, в общении со своим зрителем. Вас приятно слушать, приятно смотреть на вас, но а эмоции и позитив, которые мы получили за два часа концерта не передать словами! Вы - супер!.."

ӘЙТКӘНДӘЙ...
Халыҡ таралышыр алдынан концертты тамаша ҡылыусы Өфө ҡала округы хакимиәте башлығы Ирек Ялалов минең янға килеп, ҡулымды ҡыҫып китте. Концертта яңғыраш алған "Зәйнулла" поэмаһы өсөн рәхмәт, тине ул. Мин иһә быны ҡала башлығының "Арғымаҡ" тың сығышы өсөн биргән баһаһы тип ҡабул иттем.

Әхмәр ҒҮМӘР-ҮТӘБАЙ.

КИРЕ СЫҒЫРҒА

+  -   
Яҙылған: 08.05.17 | Ҡаралған: 255

Киске Өфө
 

Мөхтәрәм уҡыусыларыбыҙ! Июнь аҙағына тиклем һеҙ 2018 йылдың икенсе яртыһы өсөн 50665 индекслы "Киске Өфө"гә 560 һум 82 тингә, Бөйөк Ватан һуғышы ветерандары һәм инвалидтары - 505 һум 08 тингә, 50673 индекслы (юридик ойошмалар һәм предприятиелар) "Киске Өфө"гә 590 һум 82 тингә яҙыла һәм теләгәндәр квитанцияларын редакцияға ебәреп, Йәдкәр Бәшировтың "Башҡорт хан"; Миләүшә Ҡаһарманованың "Күңелем йылы теләй"; Зөлфиә Ханнанованың "Мин - башҡорт, тип танышығыҙ"; Варис Ғүмәровтың "Тыуған яҡтың шифалы үҫемлектәре" һәм башҡа матур китаптарға эйә була ала. Әйҙәгеҙ, кем алыҡ!

 
Беҙҙең дуҫтар
 

Киске Өфө гәзитенең VK-ла рәсми төркөмө

Өфө ҡала хакимиәтенең рәсми сайты

Юлдаш радиоhы

 
Баш бит Һуңғы номер Мәҡәләләр Яҙылыу Гәзиттә реклама Архив Редакция
© 2018 «Киске Өфө» гәзите
Мәҡәләләр күсермәһен алыу, күсереп баҫыу йәки материалды тулыраҡ
файҙаланыу мәсьәләләре буйынса «Киске Өфө» гәзите редакцияһына мөрәжәғәт итергә.


Сайтты төҙөнө zahir, дизайн һәм алып барыу BArt