«Киске Өфө» гәзите
Баш бит Һуңғы номер Мәҡәләләр Яҙылыу Гәзиттә реклама Архив Редакция
Беҙҙең номерҙар
 

2019

Ғинуар
  01  |  02  |  03  |  04
Февраль
  05  |  06  |  07  |  08
Март
  09  |  10  |  11  |  12  |  13
Апрель
  14  |  15  |  16  |  17
Май
  18  |  19  |  20  |  21
Июнь
  22  |  23  |  24
 
Киске Өфө» VK-төркөмө
 

әйт, тиһәгеҙ...

Ә һеҙ бөгөн, ниндәй телдә нәшер ителеүенә ҡарамаҫтан, бөтә матбуғат баҫмаларының да ҙур ауырлыҡтар кисергәнен беләһегеҙме?

 
Сайттың архивы
 

2018

  01 | 02 | 03 | 04 | 05 | 06 | 07   08 | 09 | 10 | 11 | 12 | 13 | 14   15 | 16 | 17 | 18 | 19 | 20 | 21   22 | 23 | 24 | 25 | 26 | 27 | 28   29 | 30 | 31 | 32 | 33 | 34 | 35   36 | 37 | 38 | 39 | 40 | 41 | 42   43 | 44 | 45 | 46 | 47 | 48 | 49   50 | 51 | 52

2017

  01 | 02 | 03 | 04 | 05 | 06 | 07   08 | 09 | 10 | 11 | 12 | 13 | 14   15 | 16 | 17 | 18 | 19 | 20 | 21   22 | 23 | 24 | 25 | 26 | 27 | 28   29 | 30 | 31 | 32 | 33 | 34 | 35   36 | 37 | 38 | 39 | 40 | 41 | 42   43 | 44 | 45 | 46 | 47 | 48 | 49   50 | 51 | 52

2016

  01 | 02 | 03 | 04 | 05 | 06 | 07   08 | 09 | 10 | 11 | 12 | 13 | 14   15 | 16 | 17 | 18 | 19 | 20 | 21   22 | 23 | 24 | 25 | 26 | 27 | 28   29 | 30 | 31 | 32 | 33 | 34 | 35   36 | 37 | 38 | 39 | 40 | 41 | 42   43 | 44 | 45 | 46 | 47 | 48 | 49   50 | 51 | 52

2015

  01 | 02 | 03 | 04 | 05 | 06 | 07   08 | 09 | 10 | 11 | 12 | 13 | 14   15 | 16 | 17 | 18 | 19 | 20 | 21   22 | 23 | 24 | 25 | 26 | 27 | 28   29 | 30 | 31 | 32 | 33 | 34 | 35   36 | 37 | 38 | 39 | 40 | 41 | 42   43 | 44 | 45 | 46 | 47 | 48 | 49   50 | 51 | 52

2014

  09 | 10 | 11 | 12 | 13 | 14 | 15   16 | 17 | 18 | 19 | 20 | 21 | 22   23 | 24 | 25 | 26 | 27 | 28 | 29   30 | 31 | 32 | 33 | 34 | 35 | 36   37 | 38 | 39 | 40 | 41 | 42 | 43   44 | 45 | 46 | 47 | 48 | 49 | 50   51 | 52

 
ӘҮҘЕМЛЕГЕҢ НИ САМА? UFA-FORUM ҺИНЕ КӨТӘ!
+  - 



Бөгөн белем алырға теләгән кеше өсөн уй-ниәтен тормошҡа ашырыуы бер ни тормай: шунда уҡ интернет селтәрендә мәғлүмәт таба ала, кәрәкле йүнәлеш буйынса юғары уҡыу йортон һайлап уҡырға бара, өҫтәмә дәрестәр алырға ла мөмкинлек бирелгән. Ҡыҫҡа ваҡыт эсендә ниндәйҙер яңы оҫталыҡҡа өйрәнеп ҡалыу өсөн иң уңайлы ысул - ул йәштәр өсөн үткәрелгән мәғариф форумдары. Был сараларҙа ҡатнашҡан кеше ике-өс көн эсендә бөтә кәрәкле мәғлүмәтте туплап, фекерҙәштәр табып, башҡаларҙың өлгөһөн күреп, яңы үрҙәр яуларға илһамланып ҡайта. Башҡорт йәштәрен шулай маҡсатлы итер сараларҙың береһе Ufa-forum йәштәр мәғариф киңлеге Өфөлә 1-3 декабрь көндәрендә уҙғарыласаҡ.

Былтыр тәүге тапҡыр үткәрелгән Ufa-forum быйыл да йәштәрҙе масштаблы, етди, файҙалы булыуы менән ылыҡтырмаҡсы. Ойоштороусылар Конгресс-холл бинаһында ете йөҙҙән ашыу ҡатнашыусыға иҫәпләнгән өс көнлөк программа төҙөгән. Беренсе көндә сараны асыу тантанаһы, үҙ-ара танышыу көнө буласаҡ. Икенсе көндә бизнес, мәғариф, шәхесеңде үҫтереү, йәмғиәт проблемаларына ҡағылышлы файҙалы сығыштар, тренингтар, оҫталыҡ дәрестәре, фекер алышыу майҙансыҡтары ойоштороласаҡ. Ufa-forum үткәреүселәрҙең береһе Азат Бадранов әйтеүенсә, ошо уҡ көндә йәштәр "Йәмғиәт һәм республика" тип аталған дискуссион майҙансыҡта ҡатнаша ала. Бында билдәле ғалим, география фәндәре докторы Наталья Зубаревич, РФ-ның Сүриәләге илсеһе булған Азамат Ҡолмөхәмәтов, М. Ломоносов исемендәге Мәскәү дәүләт университеты ғилми хеҙмәткәре, демограф Рәмилә Хәсәнова кеүек шәхестәрҙең сығышын тыңларға, аралашырға була. Бөгөн бөтә Рәсәйҙе борсоған милли телдәр мәсьәләһен дә ойоштороусылар урап үтмәй: БР Мәғариф министрлығы, Мәғариф һәм фән өлкәһендә күҙәтеү буйынса федераль хеҙмәт, прокуратура вәкилдәре саҡырылған фекер алышыу майҙансығы был бик нескә мәсьәләне йәштәргә аңлатырға ярҙам итер, һөҙөмтәле булыр, тигән өмөттә улар. Уңышлы кеше булыу, шәхси эшҡыуарлыҡты яйға һалыу, аҡса эшләү, заманса технологиялар тураһында ла форумдың икенсе көнөндә ҡыҙыҡлы сығыштар буласаҡ. Әлеге көндә билдәле булыуынса, Американың Кремниевая долина үҙәге менән онлайн-бәйләнеш булдырыу, SkyEng компанияһының идара итеүсе партнеры Александр Ларьяновский, "LinguaLeo" сит телде өйрәнеү өсөн мәғариф платформаһына нигеҙ һалыусы Айнур Абдулнасиров спикерҙар булараҡ теркәлгән.
Ufa-forum йәштәргә белем биреп кенә ҡалмай, белгәндәрен практикала ҡулланып өйрәнергә лә өндәй. Был маҡсатты күҙ уңында тотоп, ойоштороусылар форумдың өсөнсө көнөн "Йөҙ ғәмәли оҫталыҡ" тигән девизға ярашлы үткәрергә ниәтләй. Конгресс-холл бинаһының тотош бер ҡатында йәштәргә үҙе теләгән һөнәр буйынса төп белем тупларға, ниндәйҙер аныҡ эште өйрәнеп ҡайтырға мөмкинлек биреләсәк. Шулай уҡ, Илдар Кинйәбулатов әйтеүенсә, Umarta - проекттар оҫтаханаһы ла эшләйәсәк. Ләкин былтырғынан айырмалы рәүештә, йәштәрҙең уйланылған һәм ниндәйҙер кимәлдә тормошҡа ашырыла башлаған проекттары һайлап алынасаҡ. "Белемен камиллаштырырға, заман менән бергә үҫешергә, аҡыл һәм тәжрибә тупларға теләүсе әүҙем башҡорт йәштәрен форумда көтөп ҡалабыҙ. Әйткәндәй, теркәлеү иғлан ителгәндең бишенсе көнөндә ике йөҙҙән ашыу кеше ҡатнашырға теләк белдереп тә өлгөрҙө", - ти Ufa-forum рәйесе Әлфир Илбаҡтин. Йәштәр тарафынан йәштәр өсөн ойошторолған сара быйыл да һөҙөмтәле булыр, тигән өмөт бар.

Сәриә ҒАРИПОВА.

КИРЕ СЫҒЫРҒА

+  -   
Яҙылған: 28.11.17 | Ҡаралған: 413

Киске Өфө
 

Мөхтәрәм уҡыусыларыбыҙ! Әлеге мәлдә республика ҡалалары һәм райондарының бөтә почта бүлексәләрендә лә 50665 индекслы "Киске Өфө"гә 2019 йылдың икенсе яртыһына - 624 һумға, абонент йәшнигенә - 594 һум 06 тингә; Бөйөк Ватан һуғышы ветерандары һәм I-II группа инвалидтары - 563 һум 40 тингә, абонент йәшнигенә - 539 һум 46 тингә яҙыла алаһығыҙ. Гәзиткә яҙылып, квитанцияларын редакцияға ебәргәндәрҙең кемдәрелер матур баҫмалар һәм Башҡортостан "Юлдаш" радиоһы фонды аудиокитабы менән бүләкләнер. Әйҙәгеҙ, кем алыҡ!

 
Беҙҙең дуҫтар
 

Киске Өфө гәзитенең VK-ла рәсми төркөмө

Өфө ҡала хакимиәтенең рәсми сайты

Юлдаш радиоhы

 
Баш бит Һуңғы номер Мәҡәләләр Яҙылыу Гәзиттә реклама Архив Редакция
© 2019 «Киске Өфө» гәзите
Мәҡәләләр күсермәһен алыу, күсереп баҫыу йәки материалды тулыраҡ
файҙаланыу мәсьәләләре буйынса «Киске Өфө» гәзите редакцияһына мөрәжәғәт итергә.


Сайтты төҙөнө zahir, дизайн һәм алып барыу BArt