Үҙ туған телеңде белмәү, ошо телдә хатта көнкүреш кимәлендә аралаша алмау - оят. Шуға күрә балаларға туған телде бәләкәйҙән, балалар баҡсаһынан, улар бөтөн нәмәне еңел үҙләштергән ваҡытта өйрәтә башларға кәрәк.

Мәктәп программаһын артыҡ ҡатмарлаштырмайынса, баланы үҙ телендә һөйләшергә өйрәтеү, грамматика нигеҙҙәрен генә биреү ҙә етә. Ә башҡа милләттәрҙә иһә республиканың дәүләт теле булған башҡорт телен өйрәнеүгә ҡыҙыҡһыныу уятырға кәрәк. Ә беҙ, артистар, йырҙарыбыҙ аша туған телебеҙгә ҡыҙыҡһыныу тыуҙырыу өсөн барлыҡ мөмкинлектәрҙе файҙаланасаҡбыҙ. Йәштәр араһында башҡорт һәм татар телдәре модалы трендҡа әүерелһә, телдәрҙе көсләп уҡытыу тураһындағы фекер берәүҙең дә башына ла инеп сыҡмаясаҡ. Беҙҙең концерттарҙа рус ҡыҙҙары, сыуаш, рус егеттәре башҡорт йырҙарына ҡушылып йырлай. Был бик яҡшы! Ә инде сәхнәгә әсәләр сығып, йырҙарыбыҙ аша балаларының туған телдәре менән ҡыҙыҡһына башлауы өсөн рәхмәт белдергәндә, мин бигерәк тә шатланам һәм ғорурланам.
Әйткәндәй, был мөрәжәғәтемде социаль селтәрҙәрҙә ни өсөн русса яҙыуым тураһында һорарһығыҙ. Яуап бирәм: мине башҡорттар һәм татарҙар ғына түгел, тотош ил, бөтөн донъя ишетеүен теләйем. Был - минең күңел ораным.

Элвин ГРЕЙ.
("Бәйләнештә" социаль селтәренән алынды).

КИРЕ СЫҒЫРҒА