«Киске Өфө» гәзите
Баш бит Һуңғы номер Мәҡәләләр Яҙылыу Гәзиттә реклама Архив Редакция
Беҙҙең номерҙар
 

2019

Ғинуар
  01  |  02
 
Киске Өфө» VK-төркөмө
 

әйт, тиһәгеҙ...

Күптәребеҙ үҙ хәбәрен "Гәзиттә шулай яҙылған", тип йөпләп ҡуйырға ғәҙәтләнгән. Был матбуғат һүҙенә ышаныуҙан киләме?

 
Сайттың архивы
 

2018

  01 | 02 | 03 | 04 | 05 | 06 | 07   08 | 09 | 10 | 11 | 12 | 13 | 14   15 | 16 | 17 | 18 | 19 | 20 | 21   22 | 23 | 24 | 25 | 26 | 27 | 28   29 | 30 | 31 | 32 | 33 | 34 | 35   36 | 37 | 38 | 39 | 40 | 41 | 42   43 | 44 | 45 | 46 | 47 | 48 | 49   50 | 51 | 52

2017

  01 | 02 | 03 | 04 | 05 | 06 | 07   08 | 09 | 10 | 11 | 12 | 13 | 14   15 | 16 | 17 | 18 | 19 | 20 | 21   22 | 23 | 24 | 25 | 26 | 27 | 28   29 | 30 | 31 | 32 | 33 | 34 | 35   36 | 37 | 38 | 39 | 40 | 41 | 42   43 | 44 | 45 | 46 | 47 | 48 | 49   50 | 51 | 52

2016

  01 | 02 | 03 | 04 | 05 | 06 | 07   08 | 09 | 10 | 11 | 12 | 13 | 14   15 | 16 | 17 | 18 | 19 | 20 | 21   22 | 23 | 24 | 25 | 26 | 27 | 28   29 | 30 | 31 | 32 | 33 | 34 | 35   36 | 37 | 38 | 39 | 40 | 41 | 42   43 | 44 | 45 | 46 | 47 | 48 | 49   50 | 51 | 52

2015

  01 | 02 | 03 | 04 | 05 | 06 | 07   08 | 09 | 10 | 11 | 12 | 13 | 14   15 | 16 | 17 | 18 | 19 | 20 | 21   22 | 23 | 24 | 25 | 26 | 27 | 28   29 | 30 | 31 | 32 | 33 | 34 | 35   36 | 37 | 38 | 39 | 40 | 41 | 42   43 | 44 | 45 | 46 | 47 | 48 | 49   50 | 51 | 52

2014

  09 | 10 | 11 | 12 | 13 | 14 | 15   16 | 17 | 18 | 19 | 20 | 21 | 22   23 | 24 | 25 | 26 | 27 | 28 | 29   30 | 31 | 32 | 33 | 34 | 35 | 36   37 | 38 | 39 | 40 | 41 | 42 | 43   44 | 45 | 46 | 47 | 48 | 49 | 50   51 | 52

 
БАЙРАМҒА ӘҘЕРБЕҘ!
+  - 



Өфө - ҡунаҡсыл ҡала. Ҡышҡы каникулдарҙа ял итеү һәм күңел асыу өсөн тап баш ҡалабыҙҙы һайлаусылар һис яңылышмаясаҡ. Рәсәй туристары ла ҡалабыҙҙың был йәһәттән булған мөмкинлектәрен юғары баһалай. Өфө әлегә Санкт-Петербург һәм Екатеринбургтан ҡала өсөнсө урында тора. Баш ҡала хеҙмәттәре Яңы йыл байрамына һәм ҡышҡы каникулдарға әҙер - был аҙналағы ҡала округы хикимиәтендәге кәңәшмәлә лә һүҙ ошо хаҡта барҙы.

Ҡала хакимиәте башлығы Өлфәт Мостафин халыҡ күпләп йөрөгән урындарҙа ҡунаҡтарҙы йылы сәй һәм милли ризыҡтар менән тәьмин итеүгә иғтибар итергә саҡырҙы. Ҡала хакимиәтенең Эшҡыуарлыҡ, ҡулланыусылар баҙары һәм туризм идаралығы етәксеһе Луиза Макшукова билдәләүенсә, әлеге мәлдә ҡулланыусылар баҙары һәм туризмдың бөтөн предприятиелары ла Яңы йыл байрамына әҙерлек алып бара. Ҡаланы байрамса биҙәү ҙә байрам кәйефе булдырыуҙа мөһим урын алып тора. Байрам ҡунағы - шыршыны махсус баҙарҙарҙа һатып алырға мөмкин. Ҡала территорияһында 71 шыршы баҙары булдырылған, уларҙың барыһы ла 31 декабргә тиклем эшләйәсәк. Шуныһы ла бар: һуңғы йылдарҙа кешеләр урман һылыуҡайына ҡарағанда сауҙа үҙәктәренең бараһында ла һатылған яһалма шыршыға өҫтөнлөк бирә. Бәләкәй генә ҡыуаныс өсөн урмандан шыршы киҫеп алыуҙың кире яҡтарын аңлай башланыҡ, шикелле.
Әүҙем ял итергә теләүселәр ҡала эсендә генә саңғыла, конькиҙа шыуа ала. Әйткәндәй, Өфө Рәсәйҙә ике тәбиғи тау саңғыһы үҙәге булған берҙән-бер мегаполис. "Олимпик парк" та, "Аҡ йорт" та Европа хәүефһеҙлеге нормалары буйынса төҙөлгән төрлө кимәлдәге трассалары менән айырылып тора. Ҡыҫҡаһы, саңғыға саҡ баҫҡандарҙың да, үҙен профессионал тип иҫәпләгәндәрҙең дә күңеле буласаҡ. Өфө аквапаркы ла онотолмаҫлыҡ тәьҫораттар бүләк итәсәк.
Ғөмүмән, Яңы йыл - ул бала саҡ байрамы. Каникулда Өфөнө күрергә килеүсе уҡыусылар өсөн махсус программалар ҙа әҙер. Был программаға театр тамашаһы ла, музейҙар ҙа, экскурсиялар ҙа, лимонарий ҙа һ.б ингән. "TERRA ZIMA" фестивале лә ҡунаҡтарҙы үҙ ҡорона көтә. Ул Ҡунаҡһарайҙа 4 көн барасаҡ. Хакимиәттең Мәғариф идаралығы ла мәҙәни һәм спорт саралары әҙерләгән. Идаралыҡ етәксеһе Елена Хаффазова билдәләүенсә, экскурсиялар, спорт сараларынан тыш, уҡыусылар белемдәрен камиллаштырыу мөмкинлегенә эйә. Мәҫәлән, "Рәсәй уҡыусылары хәрәкәте" сиктәрендә лидерҙар йыйылышы ла буласаҡ, "Хәүефһеҙлек мәктәбе" йәмәғәт ойошмаһы ҡаланың 200 уҡыусыһы өсөн квестар үткәрәсәк. 1000 һәләтле бала үҙенең проектын яҡлаясаҡ. Был сараларҙан һуң ғинуар аҙағында "Ғилем һәм ижад" ғилми-ғәмәли конференцияһы үтәсәк. Өлкән класс уҡыусылары волонтерҙар менән берлектә "Изгелек эшлә" хәйриә проектында ҡатнашасаҡ. Ҡышҡы каникулдар осоронда "социаль хәүеф" төркөмөндәге уҡыусылар төрлө түңәрәктәрҙә шөғөлләнә аласаҡ. 200 бала һәм үҫмер балалар санаторийҙарында сәләмәтлеген нығытасаҡ.
Ҡаланың өлкән йәштәге граждандары ла әүҙем тормош менән йәшәй. Был турала Ҡала ветерандар советы рәйесе Ришат Фәйзрахманов һөйләне. Ришат Шәрип улы әйтеүенсә, улар йәштәрҙең патриотик тәрбиәһенә лә ҙур иғтибар бүлә. Сәләмәт йәшәү рәүешен пропагандалауҙа ла советтың өлөшө ҙур. "Оло йәштәге матурлыҡ подиумы", "Көмөш Өфө" кеүек матурлыҡ конкурстарынан башлап, туристик слеттар, спорт ярыштары - ветерандарҙың өлгөрмәгән ере юҡ. 80 йәштән өлкән абруйлы ветерандарҙан аҡһаҡалдар ҡоро ла төҙөлгән. Өлфәт Мансур улы был йәмәғәт ойошмаһының эшмәкәрлеген дә ыңғай баһаланы.

Ләйсән ДАЯНОВА.

КИРЕ СЫҒЫРҒА

+  -   
Яҙылған: 29.12.18 | Ҡаралған: 77

Киске Өфө
 

Мөхтәрәм уҡыусыларыбыҙ! Эргә-тирәләге таныштарығыҙға, туғандарығыҙға иҫкәртегеҙ, зинһар: 2019 йылдың тәүге яртыһы өсөн "Киске Өфө"гә яҙылып өлгөрмәһәләр, әле лә һуң түгел - 18 ғинуарға тиклем яҙылһалар, гәзитебеҙҙе февралдән алдыра башлаясаҡтар. 50665 индекслы "Киске Өфө"гә биш айға яҙылыу хаҡы - 508 һум 30 тин. Бергә булайыҡ, бергә-бергә фекер ҡорайыҡ!

 
Беҙҙең дуҫтар
 

Киске Өфө гәзитенең VK-ла рәсми төркөмө

Өфө ҡала хакимиәтенең рәсми сайты

Юлдаш радиоhы

 
Баш бит Һуңғы номер Мәҡәләләр Яҙылыу Гәзиттә реклама Архив Редакция
© 2019 «Киске Өфө» гәзите
Мәҡәләләр күсермәһен алыу, күсереп баҫыу йәки материалды тулыраҡ
файҙаланыу мәсьәләләре буйынса «Киске Өфө» гәзите редакцияһына мөрәжәғәт итергә.


Сайтты төҙөнө zahir, дизайн һәм алып барыу BArt