«Киске Өфө» гәзите
Мәҡәләләр Һуңғы номер Яҙылыу Гәзиттә реклама Архив Редакция
Беҙҙең номерҙар
 

2020

Ғинуар
   01  |  02  |  03  |  04
Февраль
   05  |  06  |  07  |  08  |  09
Март
   10  |  11  |  12  |  13
 
Киске Өфө» VK-төркөмө
 

әйт, тиһәгеҙ...

Башҡортостан шифаханаларында дауаланыу, ял итеү кемгә тәтей?

 
Сайттың архивы
 

2019

  01 | 02 | 03 | 04 | 05 | 06 | 07   08 | 09 | 10 | 11 | 12 | 13 | 14   15 | 16 | 17 | 18 | 19 | 20 | 21   22 | 23 | 24 | 25 | 26 | 27 | 28   29 | 30 | 31 | 32 | 33 | 34 | 35   36 | 37 | 38 | 39 | 40 | 41 | 42   43 | 44 | 45 | 46 | 47 | 48 | 49   50 | 51 | 52

2018

  01 | 02 | 03 | 04 | 05 | 06 | 07   08 | 09 | 10 | 11 | 12 | 13 | 14   15 | 16 | 17 | 18 | 19 | 20 | 21   22 | 23 | 24 | 25 | 26 | 27 | 28   29 | 30 | 31 | 32 | 33 | 34 | 35   36 | 37 | 38 | 39 | 40 | 41 | 42   43 | 44 | 45 | 46 | 47 | 48 | 49   50 | 51 | 52

2017

  01 | 02 | 03 | 04 | 05 | 06 | 07   08 | 09 | 10 | 11 | 12 | 13 | 14   15 | 16 | 17 | 18 | 19 | 20 | 21   22 | 23 | 24 | 25 | 26 | 27 | 28   29 | 30 | 31 | 32 | 33 | 34 | 35   36 | 37 | 38 | 39 | 40 | 41 | 42   43 | 44 | 45 | 46 | 47 | 48 | 49   50 | 51 | 52

2016

  01 | 02 | 03 | 04 | 05 | 06 | 07   08 | 09 | 10 | 11 | 12 | 13 | 14   15 | 16 | 17 | 18 | 19 | 20 | 21   22 | 23 | 24 | 25 | 26 | 27 | 28   29 | 30 | 31 | 32 | 33 | 34 | 35   36 | 37 | 38 | 39 | 40 | 41 | 42   43 | 44 | 45 | 46 | 47 | 48 | 49   50 | 51 | 52

2015

  01 | 02 | 03 | 04 | 05 | 06 | 07   08 | 09 | 10 | 11 | 12 | 13 | 14   15 | 16 | 17 | 18 | 19 | 20 | 21   22 | 23 | 24 | 25 | 26 | 27 | 28   29 | 30 | 31 | 32 | 33 | 34 | 35   36 | 37 | 38 | 39 | 40 | 41 | 42   43 | 44 | 45 | 46 | 47 | 48 | 49   50 | 51 | 52

2014

  09 | 10 | 11 | 12 | 13 | 14 | 15   16 | 17 | 18 | 19 | 20 | 21 | 22   23 | 24 | 25 | 26 | 27 | 28 | 29   30 | 31 | 32 | 33 | 34 | 35 | 36   37 | 38 | 39 | 40 | 41 | 42 | 43   44 | 45 | 46 | 47 | 48 | 49 | 50   51 | 52

 
ҠУРАЙЛЫ ХАЛЫҠ ВӘКИЛДӘРЕ ҠУРАЙ ДАНЫН ЯУЛАНЫ
+  - 



"Ҡумыҙ бейетмәй, моңо бейетә" тигәндәй, берәү илтифат һалып башҡарған эш кенә башҡалар күңеленә ауаздаш була ала. Тормошта моңдаш дуҫ-иште лә, күңелгә ятырҙай шөғөлдө лә табыуы еңелдән түгел. Ә бына "Ҡурай" телеканалы хеҙмәткәрҙәренә был тәңгәлдә көнләшерлек: уларҙың яратып башҡарған эшен баһаларлыҡ бөтөн донъянан йыйылған моңдаш тамашасылары бар. Республиканың берҙән-бер башҡортса музыкаль телеканалы барлыҡҡа килеүгә 10 йыл тулыу айҡанлы ойошторолған "Ҡурай даны" беренсе милли телевизион премияһын тапшырыу тантанаһы ла быны асыҡ сағылдырҙы.

"Ҡурай даны" беренсе милли телевизион премияһына лайыҡлы шәхестәрҙе билдәләү 2018 йылда уҡ башлана һәм унда үҙ эшенең оҫтаһы булған 70 ҡатнашыусы төрлө номинациялар буйынса көс һынашырға ризалыҡ бирә. Улар тураһында йыл дауамында "Ҡурай" телеканалында йөкмәткеле һәм ҡыҙыҡлы һүрәтләмә-тапшырыуҙар күрһәтелә, ә иң-иңдәрҙе билдәләргә телевизор ҡараусыларҙың смс-хәбәрҙәре ярҙам итә. Ойоштороусылар әйтеүенсә, иғлан ителгән ун номинация буйынса өлгө алырҙай замандаштар араһында бәйге бик көсөргәнешле бара, тауыштар минут-секунд һайын үҙгәреп тора.
- Милли телевизион премияны эшендә, яҙмышында ҙур ҡаҙаныштарға, еңеүҙәргә ирешкән замандаштарыбыҙға тапшырабыҙ. "Ҡурай даны"нда ҡатнашҡан һәр береһе беҙҙең аралағы геройҙар, улар барыһы ла айырым бер китапҡа, бер сюжетҡа лайыҡ кешеләр, тип әйтә алам. Сөнки улар эштәре, тормоштары менән өлгөлө, көслө шәхестәр, - тип билдәләй "Ҡурай" телеканалы директоры Рита Өмөтбаева. - Тәүлек әйләнәһенә башҡорт телендә тапшырыуҙар, үҙебеҙҙең йыр-моңдар алып барылыуы "Ҡурай" телеканалының ҙур уңышы, беҙ шуны һаҡлап ҡалдыҡ һәм үҫтерергә бурыслыбыҙ. Киләсәккә маҡсаттар һәм атҡараһы эштәребеҙ ошо юҫыҡта буласаҡ.
"Ҡурай даны" тантанаһы "Ер кешеһе" номинацияһында билдәләнгән еңеүсене асыҡлауҙан башланып китте. Оҙаҡ йылдар республиканың ауыл хужалығын күтәреү өсөн тырышып эшләгән ир-егеттәрҙең барыһы ла маҡтауға лайыҡ ине, әлбиттә. Шулай ҙа тамашасылар биргән тауыштарға ярашлы, Әбйәлил районының Әүнәш ауылынан Уразбай Юлдыбаев еңеүсе тип табылды. Ул тантана кисәһенә хәләле Зөлфиә Фаварис ҡыҙы менән килгәйне. Улар 30 йылға яҡын игенселек эшенә дәрт-дарманын һалып эшләй. "Фермерлыҡтар ойоштора башлағандан бирле, 1992 йылдан үҙ хужалығыбыҙҙа эшләйбеҙ. Ерҙе ҡуртымға алып, бойҙай, арпа, һоло культураларын сәсәбеҙ, былтырҙан етенгә күстек. Алған уңышты Магнитогорск ҡалаһына һатабыҙ, хәҙер үҙебеҙҙең Әлмөхәмәт ауылындағы элеватор яңынан эшләй башланы, шуныһы ҡыуаныслы. Районда буш ятҡан сәсеүлектәр күп, фермерҙарҙы аукцион ҡурҡыта", - тине Уразбай Насип улы һөйләшкәндә.
"Ҡурай даны"ның "Миһырбанлы ғаилә" номинацияһына Баймаҡ районы Йәнйегет ауылынан 13 бала тәрбиәләгән Фәниә һәм Азамат Ҡарабаевтар ғаиләһе, Балаҡатай районы Йәркәй ауылынан Әлфинә һәм Кәрим Хәкимовтарҙың ишле ғаиләһе лайыҡ булды. "Ҡул оҫтаһы" номинацияһында Өфөнән Ләлә Камалетдинова билдәләнһә, "Ижади ғаилә" тип Бишбүләк районынан Зөлфиҙә һәм Ғаяз Муллағәлиевтар, "Йыл меценаты" тип Баймаҡ районынан Илсур Нәбиуллин, "Иң шәп клип төшөрөүсе" тип Өфөнән Батыр Ғәлимов табылды. "Эшлекле ханым" премияһы Өфө ҡалаһы эшҡыуарҙары Лилиә Сабитова һәм Гөлсәсәк Әлибаеваға бирелде. "Йыл йырсыһы" һәм "Ҡәләм оҫтаһы" номинациялары буйынса ла икешәр еңеүсе һайланды: моңло йырҙары менән телевизор ҡараусыларҙы хайран иткән Баймаҡ районынан Алмас Хөсәйенов һәм Илештән Айҙар Рәҡипов, популяр замандаш әҙиптәр Айгиз Баймөхәмәтов һәм Гөлнур Ҡыуатова. "Һөнәр оҫтаһы" номинацияһы буйынса иң яҡшыларҙы билдәләгәндә телевизор ҡараусылар бер тауыштан республиканың алыштырғыһыҙ дикторы булған Әхәт Мортазинға күпселек тауыштарын биргән. Ҡыҙғанысҡа күрә, "Ҡурай даны" премияһының көмөш ялатылған миҙалы һәм дипломы эйәһен һуңлабыраҡ эҙләп тапты. Был номинацияла шулай уҡ Шишмә районынан Рәхилә Ғәлимова билдәләнде, ул ғүмер буйы почта ташыусы булып хеҙмәт иткән көслө рухлы һәм үтә лә егәрле ханым. "Яйлап ҡына эшләп йөрөгән ерҙән дәртләндереп ебәрҙе был конкурс, яңы үрҙәргә этәргес бирҙе. Халыҡтың оло баһаһы иңдәргә яуаплылыҡ өҫтәһә, эшебеҙҙе күреүҙәре күңелдәрҙе үҫтерҙе. "Ҡурай даны" премияһының әһәмиәте замандаш милләттәштәрҙе танытыуҙалыр", - ти "Эшлекле ханым" номинацияһында бүләкләнгән "Башбланкиздат" компанияһы директоры Гөлсәсәк Әлибаева.

ШУЛАЙ ИТЕП...
"Ҡурай даны" беренсе милли телевизион премияһын тапшырыу тантанаһына моңдаш ҡына түгел, халҡыбыҙ һәм республикабыҙ таянысы булырҙай милләттәштәр килде. Телеканал хеҙмәткәрҙәренең "Ҡурай халҡына дан!" тигән ауазы меңдәрҙе үҙ көйөнә бейергә, үҙ йырын йырларға этәреүен күрҙек. Уларҙы берләштергән "Ҡурай" каналы тағы ла тиҫтәләгән йылдар рухиәтебеҙҙе йыр-моң, мауыҡтырғыс тапшырыуҙар һәм ҡыҙыҡлы ярыштар, мәртәбәле саралар аша күңелдәргә еткерә тороуын теләйек.

Сәриә ҒАРИПОВА.

КИРЕ СЫҒЫРҒА

+  -   
Яҙылған: 11.11.19 | Ҡаралған: 87

Бөйөк Еңеү
 
75-летие Победы
 
Киске Өфө
 

Һаңраумын, сөнки мин Аллаһы Тәғәлә теләмәгән тауыштарҙы ишетмәйем; телһеҙмен, сөнки мин Аллаһы Тәғәлә теләмәгән һүҙҙәрҙе һөйләмәйем; һуҡырмын, сөнки мин Аллаһы Тәғәлә теләмәгән нәмәләрҙе күрмәйем; зәғифмен, сөнки мин Аллаһы Тәғәлә теләмәгән ерҙәргә йөрөмәйем...

(Көнсығыш аҡылы).

 
Беҙҙең дуҫтар
 

Киске Өфө гәзитенең VK-ла рәсми төркөмө

Өфө ҡала хакимиәтенең рәсми сайты

Юлдаш радиоhы

 
Мәҡәләләр Һуңғы номер Яҙылыу Гәзиттә реклама Архив Редакция
© 2020 «Киске Өфө» гәзите
Мәҡәләләр күсермәһен алыу, күсереп баҫыу йәки материалды тулыраҡ
файҙаланыу мәсьәләләре буйынса «Киске Өфө» гәзите редакцияһына мөрәжәғәт итергә.


Сайтты төҙөнө zahir, дизайн һәм алып барыу BArt