VI Бөтә донъя фольклориадаһы республиканың төрлө ҡала һәм райондары буйлап уҙасаҡ. "Үҙәк", "Төньяҡ", "Төньяҡ-көнбайыш" һәм "Көнсығыш" фестиваль округтарындағы саралар иртәнге 12-нән киске 5-кә тиклем асыҡ һауала ойошторола.
"Үҙәк" фестиваль округында 14 ил вәкилдәре эшләй. 5 июлдә Салауат ҡалаһында "Нефтехимик" мәҙәниәт йорто алдындағы майҙанда Австрия, Боливия, Словакия, Греция, Мексика, Индонезия һәм Рәсәй фольклор коллективтары сығыш яһай. 6 июлдә Нуриман районы Красная Горка ауылында район мәҙәниәт йорто алдында Польша, Греция, Панама, Ҡаҙағстан; ошо уҡ көндә Стәрлетамаҡ ҡалаһының ҡала мәҙәниәт йорто алдында Словакия, Испания, Индонезия, Колумбия, Мексика, Болгария; 7 июлдә Октябрьский ҡалаһында Ленин исемендәге үҙәк майҙанда Австрия, Боливия, Италия, Рәсәй, Болгария; 8 июлдә Ҡырмыҫҡалы ауылында "Аҡкүл" мәҙәниәт һәм ял паркында Словакия, Болгария, Колумбия, Мексика, Австрия, Рәсәй; ошо уҡ көндә Ауырғазы районы Талбазы ауылында район мәҙәниәт йорто алдында Боливия, Греция, Панама, Ҡаҙағстан, Италия, Испания; 9 июлдә Благовещен ҡалаһында ҡала мәҙәниәт йорто алдында Словакия, Боливия, Италия, Греция, Панама, Рәсәй; ошо уҡ көндә Ишембай ҡалаһында ҡала мәҙәниәт йорто алдындағы Ленин исемендәге паркта Ҡаҙағстан, Австрия, Колумбия, Испания, Индонезия, Польша коллективтары сығыш яһай.
"Төньяҡ" фестиваль округына ингән райондарҙың Мишкә ауылында 5 июлдә "Триумф" физкультура-һауыҡтырыу комплексы алдындағы майҙанда, 6 июлдә Ҡариҙел ауылында район мәҙәниәт йорто алдында, 7 июлдә Борай ауылында "Танып" физкультура-һауыҡтырыу комплексы алдында, 8 июлдә Асҡын ауылында район хакимиәте бинаһы алдындағы майҙанда Камерун, Палестина, Франция, Белоруссия, Төньяҡ Македония, Перу, Эквадор, Румыния һәм Үзбәкстан илдәренең фольклор коллективтары сығыш яһай.
"Төньяҡ-көнбайыш" фестиваль округының Дүртөйлө ҡалаһында 5 июлдә Мәҙәни ял итеү үҙәге алдындағы майҙанда, 6 июлдә Яңауыл ҡалаһында ауыл мәҙәни ял итеү үҙәге, 7 июлдә Үрге Тәтешле ауылындағы мәҙәни ял итеү үҙәге, 8 июлдә Нефтекама ҡалаһының мәҙәниәт һәм ял паркы сәхнәһендә, 9 июлдә Илеш районы Үрге Йәркәй ауылында район мәҙәниәт йорто алдында Әзербайжан, Хорватия, Һиндостан, Эстония, Чили, Парагвай һәм Бенин фольклор коллективтары тамаша күрһәтә.
"Көнсығыш" фестиваль округына ингән Әбйәлил районы Асҡар ауылында 5 июлдә район хакимиәте бинаһы алдында, 6 июлдә Бөрйән районы Иҫке Собханғол ауылында район мәҙәниәт йорто алдында, 7 июлдә Учалы ҡалаһы "Горняк" стадионының футбол яланында, 8 июлдә Сибай ҡалаһында "Урал аръяғы" сауҙа үҙәге алдында, 9 июлдә Белорет ҡалаһында "Металлург" кинотеатры бинаһы алдында Венгрия, Ҡырғыҙстан, Черногория, Коста-Рика, АҠШ, Швейцария, Албания илдәренең артистары сығыш яһай.
КИРЕ СЫҒЫРҒА