Һеҙ - Илаһи затты ҡотлау өсөн Ниндәй генә һүҙҙәр табырға? Ҡатын-ҡыҙҙы Алла яралтҡанда Ирҙәр биргән, имеш, ҡабырға. Тарих шаһит, изге Ер-Әсәһен Ҡалҡан булып ирҙәр яҡлаған. Ә әсәләр өйҙөң ҡотон, йәмен, Усаҡтағы утты һаҡлаған. Заман шаһит, илде талап-тапап Тарҡатҡанда зәғиф аҡылдар,

Ил тотҡаһы булған ғаиләне Ҡурсыларға ҡалҡты ҡатындар. Мин дә шаһит, мөхәббәтһеҙ үтһә Күҙҙе асып йомған был ғүмер, Тимәк, яҙмыш булған яңғылыштан, Тимәк, яҙмыш булған көл-күмер. Яҙ ҙа етә, тыуа яңы миҙгел, Йәшәү йәме ҡатын-ҡыҙҙарҙа. Һеҙгә булған ихлас ҡотлау һүҙем Тамсы-тамсы тамған йырҙарҙа.

Тимер НИӘТШИН.

улым, һиңә әйтәм…
ҠАЙҺЫЛАЙ ҺӘЙБӘТ ӨЛӘСӘЙЕҢ БУЛЫУЫ!

Әсәйең балаларыңды нисек яратыуын ҡара ла аңла: ул һине лә шулай уҡ өҙөлөп ярата. Элек тә яратҡан ул, тик был турала әйтергә генә өлгөрмәгән. Ул ейәненә бәләкәй генә, һаман да һөйөүгә һәм наҙға мохтаж Һин тип ҡарай.

тарихи хәҡиҡәт
БАШҠОРТ АТЛЫЛАРЫНАН...
тарихтарға һыймаҫ дан ҡалған

16-сы атлылар дивизияһының почетлы Чернигов исеменә Ленин, Ҡыҙыл Байраҡ, 2-се дәрәжә Суворов һәм Кутузов ордендары өҫтәлә, уның сафтарында 78 Советтар Союзы Геройы һәм 5 Дан орденының тулы кавалеры үҫеп сыға.

ситтән тороп диалог
ТОРМОШ КАРАБЫНДА...
оҫта капитанға ярҙамсы булайыҡ, әхирәттәр!

Ирҙең ысын мәғәнәһендә ир булыуында - ҡатын кешенең, ҡатындың бәхетле булыуында - ирҙең ролен инҡар итеп булмай. Шуға ла Хоҙай Тәғәлә уларҙы бер бөтөн итеп яралтҡандыр ҙа.

ижадхана
“МАТУРЛЫҠ - УЛ ЭСКЕ ТОРОШ”

Ижад кешеләренең тиреләре йоҡағыраҡ була, беҙ елде лә, дауылды ла, ҡояшты ла башҡа кешеләргә ҡарағанда икенсе төрлөрәк, нисектер, күңелгә яҡын алып ҡабул итәбеҙ.