Был өлкән апайҙар фотоға төшөү өсөн генә түгел, ә ысынлап та уҡыған өсөн ҡулдарына алған гәзитте. "Киске Өфө"нөмө, башҡа баҫманы йә китаптымы, улар, йәғни өлкән быуын кешеләре, ошо аҡ ҡағыҙға яҙылғандан айырылмай. Шуның өсөн нурлылар, йәш сырайлылар, матурҙар. Улай ғына ла түгел: улар мәғлүмәтле, аҡыллы, фекерле лә.

Әлбиттә, был өлкән апайҙар уҡыған саҡта мейе эшкә егелә, мәғлүмәт анализлана, хәтерҙә ҡала, аңға һеңдерелә икәне тураһында уйланғаны ла юҡтыр. Уҡыу уларҙың бала саҡтан ҡанға һеңгән матур холоҡ үҙенсәлеге, ғәҙәте бит инде ул. Шундай мәғлүмәт еткерәйек ошондай матур ғәҙәткә эйә һәм эйә булмағандар иғтибарына: немец геронтология һәм гериатрия йәмғиәте президенты Манфред Гоголь аҡылды, шулай уҡ йәшлекте һаҡлау өсөн мотлаҡ аҡ ҡағыҙҙан уҡырға кәңәш итә. "Кеше ыңғай хис-тойғолар бүләк итә торған китап йә гәзит уҡырға тейеш, - ти ул. -Сөнки уҡыған саҡта нервылар һәм организмдағы башҡа күҙәнәклектәр араһында айырым бәйләнеш өлкәләре булдырыла. Уҡый торған баҫма ыңғай хис-тойғо тыуҙырырлыҡ булһа, мейе эшмәкәрлеге әүҙемләшә, ә инде ул ҡыҙыҡһыҙ булһа - мейе эшмәкәрлеге түбәнәйә. Ә мейе эшмәкәрлеге әүҙемлеге теүәл аҡыл һәм йәш сырайҙы тәьмин итә лә инде..."
Ошо аҡылды тотайыҡ һәм республикалағы үҙегеҙ өсөн нәшер ителгән милли баҫмаларыбыҙҙы алдырайыҡ, таратайыҡ, ярҙам итәйек, тип кенә әйтергә теләгәйнек. Өлкәндәргә генә түгел, йәштәргә лә төбәлә һүҙҙәребеҙ.

Гөлбаныу ГӘРӘЕВА.

ҡала хакимиәтендә
ӨФӨ - БЕРЕНСЕ!

Ирек Ишмөхәмәт улы командаһына рәхмәт белдереп: "Беҙ 1430 километр алыҫлыҡтан да ярҙам итәсәкбеҙ", - тиеүе, республикаһының патриоты булараҡ, яңы вазифала иңенә алған тәүге бурысы булғандыр, моғайын.

минең ырыуым
ТАБЫНДАР БЕҘ

Аҙаҡ ғилем эше менән шөғөлләнгән йылдарымда был Ябыҡҡарағайҡапҡа тигән ерҙең Себерҙә Иртыш буйында, хәҙерге Тайга тигән кескәй ҡала янындағы урын булғанлығын белеп хайран иттем.

ҡыҙыҡлы әңгәмә
ИНВЕСТОРҘАР КӘРӘК БЕҘҘЕҢ ТАЛАПТАРҒА КҮНГӘНДӘРЕ

Ипотека түләме ғаиләгә килгән дөйөм килемдең 50 процентынан артыҡ булмаҫҡа тейеш. Ипотека түләп бөткәнсе, ундай ғаилә ағзаларының аҡса еткерә алмағанлыҡтан бөтә нервылары ҡаҡшап, һаулыҡтары бөтәсәк.

яҙыусыға өс һорау
БАЛАЛАРҒА НИНДӘЙ ӘҪӘР ҠЫҘЫҠ?

Башҡорт милләте балаларын туплауҙа, дуҫлыҡ ебен һуҙыуҙа, шәжәрә туғанлығын ялғауҙа, йәше Ер дәүеренә тигеҙ булған, үлемһеҙ "Урал батыр" эпосы, һис шикһеҙ, ярҙам итәсәк тип уйлайым.

милләт балҡышы
БАЛАЛАРЫҒЫҘҘЫ ХАЛЫҠ БЕЙЕҮҘӘРЕНӘ, ҠУРАЙҒА ЫЛЫҠТЫРЫҒЫҘ

Сентябрҙә Ҡаҙағстандың Астана ҡалаһында үҙенсәлекле сара үтте. "The Spirit of Tengri" проектының продюсер составы хореография жанрында ижад итеүсе иң-иңдәрҙе бер сәхнәгә йыйҙы. "The Spirit of Dance" тип аталған был үҙенсәлекле проектта донъяның 14 иленән килгән артистар араһында Башҡортостандан "Guzal-dance" ансамбле солисы Регина Әһелова ла булды.