Силәбе ҡалаһында яңы иҫтәлекле урын - башҡорт атлыларына һәйкәл барлыҡҡа килде.

Һәйкәл 1812 йылғы Ватан һуғышы һәм рус армияһының 1813-1814 йылдарҙағы сит ил походтарының легендар яугирҙарына арналған. Тарихи хроникаға ярашлы, туғыҙ башҡорт һәм бер мишәр, дүрт Ырымбур казак полктарын ойошторғанда хәҙерге Силәбе өлкәһе биләмәһенән кеше һәм матди ресурстар файҙаланыла. Һәйкәлдәге яҙыу ошо хаҡта һөйләй.
Проект Силәбе өлкәһе губернаторы Борис Дубровский һәм Башҡортостандың Силәбе өлкәһендәге даими вәкиллеге ярҙамында тормошҡа ашырылған. Һәйкәлде төҙөүҙә һәм ҡуйыуҙа Бөтөн донъя башҡорттары ҡоролтайы Башҡарма комитеты, урындағы "Башҡорт ҡоролтайы" йәмәғәт ойошмаһы, "Соцгород" йәмәғәт хәрәкәте, "Люди долга" йәмәғәт берләшмәһе финанс яҡтан ярҙам күрһәткән. Сарала Башҡортостандың "Любизар" хәрби-тарихи клубы ағзалары сығыш яһаны.

асыҡ хат
АУЫЛДАРҘА ХӘМЕР ҺАТЫУСЫЛАРҒА

Етем ҡалған сабыйҙарҙың, толдарҙың күҙ йәштәренән ҡурҡығыҙ! Улар илаһа, ер-һыу илар, ти халыҡ. Уйланығыҙ! Элек йәштәр ауыл аҡһаҡалдарына кәңәшкә килер булған, әле иһә... хәмер һатып алырға йөрөй.

һүҙ етәксегә
"ӨФӨБӨҘ ЕВРОПА ҠАЛАЛАРЫНАН КӘМ ТҮГЕЛ"

Ҡалала ҙур форматтағы уңайлы автобустар йөрөргә тейеш, был бөтөн донъяла шулай. Шуға ла юлдарҙа тығындар булмаһын өсөн ҙур автобустарға өҫтөнлөк бирәсәкбеҙ.

йәшлек йәшнәүҙәре
БӨТӘГЕҘҘЕ ЛӘ - ВОРКАУТҠА!
Йәки Өфөнөң Евразия турниксылары үҙәгенә әйләнгәне

Фестиваль талаптары буйынса, ҡатнашыусыларҙан ҡуйылған өс төр ҡорамалда: турниктарҙа, параллель брустарҙа һәм ҡул менән тотоноп йөрөй торған горизонталь баҫҡыстарҙа команда менән дә, яңғыҙ ҙа сығыш яһау талап ителде.

тарихыңды таныт...
ӨФӨНӨҢ БАРЛЫҠҠА КИЛЕҮЕ - МИФ ҺӘМ ЫСЫНБАРЛЫҠ

Бындағы кремлгә нигеҙ һалынғанға тиклем 200 йыл элегерәк үк Европала ошо урында ҡала булғанлығын белгәндәр, уны карталарына төшөргәндәр, ә беҙҙең тарихсыларыбыҙ европаларҙан һуң 600 йыл үткәс тә ошо турала яҙырға ҡыймай.

эшлекле әңгәмә
КӨРСӨК ЮҠ УЛ, ДӨРӨҪ БУЛМАҒАН ИҠТИСАДИ СӘЙӘСӘТ КЕНӘ БАР

Илдең тәбиғи байлыҡтары, ауыл хужалығы, сәнәғәт, транспорт, төҙөлөш ҡеүәттәре ҙур олигархтар ҡулына күсте бит хәҙер. Ә дәүләт ҡарамағындағы потенциал бик әҙ ҡалды. Был дөрөҫ йүнәлеш түгел.

афарин!
МӨНӘЖӘТТЕҢ МОҢЛО СЫҢЫ КҮҢЕЛДӘРҘЕ ӘСИР ИТӘ

Ниндәй генә кимәлдә үтһә лә, мөнәжәт башҡарыу менән бәйле сараларҙың әһәмиәте юғары ҡала. Ана бит, Сибай ағинәйҙәренең саҡырыуын 250-нән ашыу кеше күтәреп алып, халҡыбыҙҙың ауыҙ-тел ижады өлгөһөн сәхнәгә алып сыҡты.

иғтибар: акция!
ҺӘР КЕМ УҠЫРҒА ТЕЙЕШЛЕ ЙӨҘ БАШҠОРТ КИТАБЫ

"Киске Өфө" гәзитенең "Бәйләнештә" социаль селтәрендәге "Башстатус" төркөмө менән берлектә иғлан иткән "Башҡорт китабы топ-100+" акцияһына ҡушылған уҡыусыларыбыҙҙың тәҡдимдәрен һәр һанда күрһәтә киләбеҙ. Бөтәһе лә уҡырға тейешле китаптар исемлеге яйлап үҫә бара.