Баҫмабыҙҙың киң мәғлүмәт саралары баҙарындағы урынын билдәләүсе, шулай уҡ уҡыусыларыбыҙҙың тоғролоғон, ихтирамын, аңлылыҡ, рухлылыҡ кимәлен дә күрһәтеүсе мәл - 2026 йылдың 1-се яртыһына гәзит-журналдарға яҙылыу кампанияһы бара. Күп һорауҙарығыҙға яуап бирер, рухландырыр, сәмләндерер һүҙ әйтер матур йөкмәткеле "Киске Өфө"гә яҙылырға ашығығыҙ - үкенмәҫһегеҙ. ПР905 индекслы "Киске Өфө"гә ярты йылға яҙылыу хаҡы - 1054 һум 50 тин.

"Киске Өфө" менән бергә булыусы аңлы, зыялы, уҡымышлы, вайымлы уҡыусыларыбыҙға рәхмәтлебеҙ. "Аңлы уҡыусы" тип атауыбыҙ юҡҡа түгел, сөнки хәҙер гәзит-журнал-китап уҡыусылар тамам һирәгәйҙе. Күрәһең, аҡ ҡағыҙ битендәге һүҙҙе һанлаусы, уның әһәмиәтен баһалаусы аңлылар сафы һирәгәйә бара. Ә шулай ҙа бындай статустағы уҡыусыларыбыҙҙы юғалтып бөтмәгәнбеҙ әле. Бар әле гәзит һүҙен үҙ иткәндәр - улар беҙҙә ҡағыҙ баҫмаларҙың киләсәктә лә йәшәйәсәгенә өмөт уята. Ә беҙ был өмөттөң аҡланыуынан дәртләнеп, уҡыусыларыбыҙҙы рухиәт менән һуғарыуҙы, кәрәкле мәғлүмәттәр еткереүҙе дауам итербеҙ, йөкмәткеле яҙмаларыбыҙ менән танһыҡтарын ҡандырырға тырышырбыҙ, тигән вәғәҙәбеҙҙе яңыртабыҙ. Гәзитебеҙгә яҙылып, квитанцияларын редакцияға ебәргәндәр араһынан кемдәрҙер матур ғына китаптарға лайыҡ буласаҡ икәнен дә онотмағыҙ. Бергә булайыҡ!

МӨХӘРРИРИӘТ.

белем усағы
НИГЕҘЕ НЫҠТЫҢ - КИЛӘСӘГЕ НЫҠ

Кластан тыш дәрестәр менән бергә аҙнаһына алты сәғәт башҡорт телен һәм әҙәбиәтен уҡытабыҙ. Туған телебеҙҙе уҡыусыларыбыҙ бик ярата, әммә полилингваль йүнәлешкә күсеү уларға ҙур ынтылыш бирҙе.

турист һуҡмағы
ИРӘМӘЛ

Легендаларға бай Ирәмәл тауы Көньяҡ Урал түбәләре араһында бейеклеге буйынса икенсе урында тора. Ул Оло Ирәмәл (бейеклеге 1582 метр) һәм Кесе Ирәмәлде (1449 метр) берләштергән ике үрле массивтан тора.

тарихи йылъяҙма
ӨС ЙЫЛҒА САТЫНДАҒЫ ҠАЛА, ЙӘКИ НИСӘ ЙӘШ ҺИҢӘ, ӨФӨ?

Иван Нагойға килгәндә, уның исеме ысынлап та разряд кенәгәләрендә теркәлеп ҡалған. Әммә уның Өфө ҡәлғәһенә нигеҙ һалыуға ҡатнашлығы булыуы хаҡында рәсми документтар юҡ.

геройҙар дәүере
ҺӘР БЕР ЯУГИР ӘСӘҺЕ ХӘҮЕФ-ХӘТӘРҺЕҘ ТАҢДАРҘЫ КӨТӘ

Әсәләр балаларын яуға илап оҙатмаҫҡа, бетеү тағырға, икмәк телемен тешләтеп алып ҡалыуҙы һ.б. хәстәрләргә тейеш тигән яҙылмаған ҡанундар күңелгә һеңгән.

яҙыусыға өс һорау
АУЫРЛЫҒЫ – ЯУАПЛЫЛЫҠ, БАШҠОРТ БАЛАЛАРЫ АЛДЫНДАҒЫ ЯУАПЛЫЛЫҠ

Башҡортостан, Рәсәй Яҙыусылар союзы ағзаһы, Сабир Шәрипов исемендәге Иҙелбашы әҙәби-ижад берекмәһе етәксеһе, Белорет районы Инйәр урта мәктәбенең башҡорт теле һәм әҙәбиәте уҡытыусыһы Әлиә САМАТОВА менән әңгәмәләшәбеҙ

Самат МӨХӘМӘТЙӘНОВ
ИСЕМЕМ АЛАҠАЙ – 4

Башын ғорур тотоп, тояҡтарын еңел генә күтәреп, алдан Алаҡай юрта. Уның артынан, үкерә-үкерә, әрәпәтһеҙ тояҡтарын ауыр күтәреп, асыулы ҡиәфәт менән Ҡыҙыл һыйыры саба.

ҡыҫҡа әңгәмә
КҮҢЕЛДӘРГӘ РУХИ КҮПЕР ҺАЛЫНА

Ижад кешеләре - бигерәк тә нескә күңелле, бик хисле халыҡ. Улар ғәҙелһеҙлекте тәрән кисерә, шуға артистарҙың күңеленә дөрөҫ юл таба белергә, уларға ҡолас йәйеп эшләү өсөн ижад майҙаны булдырырға кәрәк.

кинәйә
ҠУЯН БАЛА ТАПҠАН, ҠУЙЫР УРЫН ТАПМАҒАН

Тәү ҡарамаҡҡа еңел генә аңлашыла был әйтем: төрөнә ҡарап йыл әйләнәһенә тиерлек бик йыш бала килтергән (йәй, яҙ айҙарында 1-9, ҡыш, көҙ 1-5 бала) ҡуяндарға тоҡомон йыртҡыс күҙҙәрҙән һаҡлар ышыҡ урынды табыуы еңел түгелдер.

беҙҙең дуҫтар
АЛҒА, БЕЛЕМ ИЛЕНӘ!

25 бала аҙнаһына өс тапҡыр "Динамо" стадионынан килгән тренер менән икешәр сәғәт баскетбол менән шөғөлләнә. Был уҡыусыларҙа көс, сыҙамлылыҡты үҫтерә, физик яҡтан нығынырға мөмкинлек бирә.