УРЫНДАҒЫ ХАЛЫҠТЫ
УРЫНЫНАН ДА, ИҠТИСАДТАН ДА
АЙЫРМАУ КӘРӘК
Баймаҡ районының Йомаш ауылы бик уникаль төбәк. Бында республика кимәлендә билдәле ике тиҫтәнән ашыу шәхес тыуған. Төрлө өлкәләге фән докторҙары ғына бишәү! Күрәһең, билдәле булыуға ҡарағанда, был ауылда билдәһеҙ булыу сәйер тойолалыр. Күптән түгел шундай шәхестәрҙең береһе, Өфө фән һәм технологиялар университетының Сибай институты профессоры, иҡтисад фәндәре докторы, 40 йылдан ашыу ғүмерен фәнгә һәм педагогик эшмәкәрлеккә бағышлаған Әҙеһәм Әғзәм улы БАРЛЫБАЕВ 65 йәшлек матур ғүмер үренә аяҡ баҫты. Юбилейы уңайынан ул "Почетлы остаз" билдәһе менән наградланды. Әҙеһәм Әғзәм улы менән тормош, фән, сәйәсәт тураһында әңгәмәләштек.
Артабан уҡырға
көн темаһы
БЕРГӘ БУЛАЙЫҠ - БЕРҘӘМ БУЛАЙЫҠ!
Халыҡ берҙәмлеге яу-дауҙар ҙа, сәйәси тетрәнеүҙәр ҙә, ил-дәүләт мөстәҡиллегенә оло хәүеф янағанда тыуа. Уның өсөн тағы ла бер шарт булыуы зарур - халыҡ массалары аңын һәм күңелен тулыһынса биләп алырҙай идея булыуы.
бынғайыш
ЗАМАН ЙӘШТӘРЕ АСМЫ, ӘЛЛӘ АШАРҒА БЕШЕРЕРГӘ ЯРАТМАЙМЫ?
Һәр икенсе йәш кешенең ҡулында шаурма кеүек ризыҡ. Уларҙа даими рәүештә төрлө инфекциялар табылып тора, кешеләр күпләп ағыулана, әммә һатып алыусылары кәмемәй, киреһенсә, көн үҙәгендә сират йыйылып китә.
донъя шаңдауы
КҮПСЕЛЕК ПАЛЕСТИНАНЫ ЯҠЛАЙ
Был донъяла ниҙәр бар? Шул һаман да йөрәкте өйкәп торған һуғыш һәм уның касафаттары. Тегендә лә, бында ла ҡан ҡойош дауам итә, ҡорбандар һаны арта бара, әммә солох, килешеү саралары, утты туҡтатыу хаҡында бер генә саҡырыу ҙа, өндәмә лә юҡ.
мәғариф
БЕҘҘЕҢ ТӘЖРИБӘ ӨЛГӨ БУЛАРАҠ ҠАБУЛ ИТЕЛДЕ
Башҡортостанда ике дәүләт теле, туған һәм сит телдәр уҡытыла икән һәм 1-се Республика полилингваль күп профилле гимназия үрнәгендә бик матур тәжрибә күрҙек. Ғөмүмән, һеҙҙә белем культы йәшәй, был һоҡландыра.
хаҡиҡәти һүҙ
БОРОНҒО БАШҠОРТОСТАН
Ишембай районындағы Салих ҡурғандары Көньяҡ Уралда IV-V быуаттар эпохаһын бөтөн тулылығында сағылдыра. Күп кенә ҡәберҙәрҙең боронғо ер өҫтө кимәлендә таштар менән уратып алыныуы иғтибарға лайыҡ.
тарих ярсыҡтары
МӘХМҮТ ҠАШҒАРИҘАН
Уйғырҙарҙың теле саф төркисә (lisan), әммә уларҙың башҡа лөғәте (luga) лә бар, улар үҙ-ара ошо лөғәттә һөйләшәләр. Уларҙың егерме дүрт хәрефтән торған [бер] яҙмаһы төркисә, мин был хаҡта китабымдың башында яҙған инем.
көлөп алайыҡ
БЫЙЫЛ ДА ЭРЕ КАРТУФ АШАП БУЛМАЙ ИНДЕ!
Һәм ҡырҡа боролоп китеп тә барҙы. Ҡараһам, уның артынан бер тотам ҡалмай тыҡылдата баҫып кәзәһе лә китеп бара. Нишләп ваҡытында ул кәзәне мин күрмәнем икән, нишләп күрмәнем икән? Күрһәм, былай шаяртмаҫ инем.
рухиәтебеҙ
ҠАЛАЙ КИЛЕШЛЕ БЫЛ ТАҠЫЯ!
Беренсе тапҡыр ғына ойошторолған булыуына ҡарамаҫтан, "Таҡыя" халыҡ-ара кимәлгә сығып, Рәсәй төбәктәренән һәм яҡын сит илдән 70-тән ашыу оҫтаны үҙенә йәлеп итте.
рухиәтебеҙ
"АШҠАҘАР МОҢДАРЫ"
...Бына сәхнәгә бер-бер артлы халыҡтан сыҡҡан йырсылар күтәрелә. Һәр йыр оло тарих, һәр йыр халыҡ яҙмышын аса, гүйә, халыҡтың зары ла, оло өмөтө лә ошо моңға һалынғандай тойола.
һай-һай-һай!
ЙӘШТӘРЕБЕҘ ЙОЛАЛАРҘЫ ҒИЛЕМ ИТЕП ӨЙРӘНҺЕН
Киләсәктә студенттарҙың башҡорт шәле буйынса курс эштәре, дипломдар, диссертациялар яҙыуын теләр инем. Үҙебеҙ ошо шәлдәрҙе күреп, бәйләп, ябынып үҫкәс, бының кәрәклеге хаҡында уйламайбыҙ ҙа.
илһөйәрлек мәктәбе
ҠАН ХӘТЕРЕ ТАРТАЛЫР...
Беҙҙең халыҡ Рәсәйҙә иң батырҙарҙың береһе икәнен, уның өсөн ғаилә, яҡташтар, Ватан, тыуған ер элек-электән бик мөһим булғанын уҡығайным. Рәсәйҙә бер генә халыҡ та тыуған ерен һаҡлап, шул тиклем күп ҡан ҡоймай.
афарин!
БЕР ҠЫЙЫҠ АҪТЫНДА
Сибайҙар - байҙар! Ысынлап та шулай, мәғдәндән бигерәк, йыр-моңға, дәртле бейеүҙәргә бай улар. Был байлыҡты һаҡлауҙа, киләсәк быуынға тапшырыуҙа Сибай концерт-театр берекмәһенең өлөшө баһалап бөткөһөҙ.
афарин!
СӘХНӘЛӘ - "ЯРЛЫҠАУ"
Был әҫәр һуғыш тураһында түгел, ә тормоштоң фажиғәле минуттарында һайлау ауырлығы алдында ҡалыу тураһында. Был спектаклде уйнау бик ауыр. Рәхмәт, Илсур Юлай улына, ул Мостайҙың ни әйтергә теләгәнен аңлаған.
|
