Беҙҙең Рәми Ғарипов исемендәге 1-се Башҡорт республика гимназия-интернаты уҡытыусылары һәм уҡыусылары "Киске Өфө" гәзитен сыға башлағандан алып яратып уҡый. Уның биттәрендә донъя күргән тел, тарих тураһындағы мәҡәләләрҙе айырыуса көтөп алабыҙ. Ул - беҙҙең рухи аҙығыбыҙ.

Уҡытыусыларыбыҙ дәрестәрендә лә, төрлө конкурстарға әҙерләнгәндә лә мотлаҡ ошо баҫма материалдарын файҙалана. Төрлө олимпиада, конкурс, ғилми эштәр яҙғанда уҡыусыларға ла ярҙамға килә "Киске Өфө". Ғөмүмән, ундағы тарихыбыҙ, туған телебеҙ, мәҙәниәтебеҙгә арналған мәҡәләләр алыштырғыһыҙ бер рухи һәм мәғлүмәти сығанаҡ булып тора беҙҙең өсөн.
Шәхсән үҙемә гәзиттең тәүге битендәге "Әйт, тиһәгеҙ...", аҙаҡҡы биттәге "Аҡыл - ҡаҙна" рубрикалары танһыҡ. Гәзитте ҡулыма алғас та, ошо биттәрҙәге мәҡәләргә күҙ йүгертеп сығыуҙы ғәҙәт иткәнмен. Артабан өсөнсө биттә баҫылған сәйәсәткә байҡау яһайым. Ғөмүмән, сыға башлағандан алып бөгөнгө көнгә тиклем гәзит үҙенең үткерлеген юғалтмай, әленән-әле яңы темалар күтәрә, рубрикаларын яңырта. Уның кимәле һәр саҡ юғары. Әле яңыраҡ урта биттә Рәүеф Әлмөхәмәтов менән Әхтәр Боҫҡонов ҡатнашлығында үткән "Диалог"ты ҡыҙыҡһынып уҡып ултырҙым. Беҙҙең мәғариф өлкәһе өсөн актуаль теманы күтәрәләр. Гәзиттең тағы бер үҙенсәлеге: мәҡәләләрҙә ишара, кинәйәләргә ғәйәт ҙур урын бирелә, "Әйҙә, һығымтаһын үҙең тағат", тигәндәй, фекер йомғағының осон үҙеңә сисергә ҡалдыра. Ғәҙәттә, ошондай һығымталарҙы, башымда килеп тыуған фекерҙәрҙе мин йәһәт кенә телефоныма яҙып барам. Беҙҙең гимназия уҡытыусылары ла шулай итә.

Шайморат ТИМЕРБУЛАТОВ,
Р. Ғарипов исемендәге 1-се Башҡорт республика гимназия-интернаты директоры урынбаҫары.

"Киске Өфө"нө уҡыйбыҙ
УҠЫУСЫЛАРҘЫ ЯҠЛАП…
йәки Баҫмалар тураһында бер кәлимә һүҙ

"Мин һеҙҙең яҙғандарҙы уҡырға яратам", тигән һүҙҙәрҙе ишетмәгән гәзитсегә редакциянан тиҙерәк ҡасырға кәрәк. Сөнки нәҡ ошондай хәсрәт хәбәрселәр милли матбуғатты һәләкәт алдына ҡуя, ә яҙылыусылар түгел!

алдайҙар!
ДӨЙӘ ТҮГЕЛЛЕГЕҢДЕ...
иҫбатлап ҡара

Дүрт төрлө банктан бурыстарын кисектермәй түләүҙе талап иткән шылтыратыуҙар һәм хаттар ала башлай. Һис ҡасан булмаған был "бурыстарҙың" дөйөм суммаһы 500 меңдән ашып китә ки!

ата-әсә ҡолағына
БАЛА ҺӨЙӨҮГӘ НИГЕҘЛӘНҺӘ...
яҙмышың да, ғаиләң дә емерелмәҫ

Балаға булған ошондай кире мөнәсәбәт уларҙың өс балаһына ла инстинкт буйынса бирелгән. Танышым һүҙҙәре буйынса, "ҡан менән күскән". "Беҙҙең беребеҙ ҙә бала яратмай, - ти ул уфтанып. - Ә иң аянысы - беребеҙ ҙә бала таба алмай".

фекер ҡоро
АУЫЛДАРҘЫ ҺАҠЛАУҘЫҢ...
төрлө юлдары барланды

"Камалов М.Р." крәҫтиән-фермер хужалығы фермерлыҡ эшенең бер эталоны булып тора. Ә Фәнис Кәримов Баймаҡ районында йылҡысылыҡ һәм агро-этно-туризмды үҫтереү менән уңышлы шөғөлләнә.

диалог
БЕҘҘЕҢ УҠЫУ ЙОРТО БЕРӘҮ ГЕНӘ,
йәғни Сибай институты студенттар күҙлегенән

Көньяҡ-көнсығыш төбәктә тәүге юғары белем усағының барлыҡҡа килеүе - тап Зиннур Ғөбәйҙулла улының фиҙаҡәрлек емеше: ул туплаған коллектив ике тиҫтә йыл эсендә "Сибай институты" брендын булдырған.

һай! һай! һай!
ЙӘШӘГӘН, ТИ, ИЗГЕЛЕК...
йәки "Һаумы, һаумы, әкиәт!" конкурсы тураһында

Ә баш ҡалабыҙҙағы "Планета", "Эдвис" кеүек эре-эре китап магазиндарында рус һәм башҡа халыҡтар әкиәттәрен табырға булһа ла, башҡорт халыҡ әкиәттәрен көндөҙ сыра яндырып эҙләһәң дә юҡ.

ил-йорт хәбәрҙәре
ӨЛГӨЛӨ БАШҠОРТ АУЫЛЫ...
хыялда ғына түгел

Ауылдаштар "Айыҡ ауыл" конкурсы еңеүселәре лә. Ун йыл дауамында әҙерләнеп, 2013 йылда конкурста ҡатнашырға баҙнат итеүсе рәхмәттәр бөгөн спиртлы эсемлектәрҙе ауыҙына ла алмай, магазиндарға һатыуға ла сығартмай.

был йылда
ЙЫРЛАП-БЕЙЕҮ ГЕНӘ...
мәҙәнилек түгел әле

Ниндәй генә замандар булмаһын, донъя кимәлендә һәр илде, һәр дәүләтте шәхестәре күтәрә. Олимпиаданы асыу тантанаһында Рәсәйҙең тарихы тураһында һөйләгәндә Толстой, Чехов кеүек шәхестәр телгә алынды, сөнки уларҙы бар донъя таный. Сит милләттәр Башҡортостанды завод һәм фабрикалар һаны буйынса түгел, Әхмәтзәки Вәлиди, Рудольф Нуриев кеүек шәхестәре аша белә.