Дуҫлыҡ Монументы янындағы Ағиҙел буйында колоннада төҙөлә башланы. Хәбәр ителеүенсә, Башҡортостан-Абхазия дуҫлығы хөрмәтенә колоннадаға тәүге нигеҙ ташы 2023 йылдың октябрендә һалынды.

Колоннаданың бейеклеге - 12 метр, оҙонлоғо - 30 метр, киңлеге - 6 метр. Материалдарҙан фельзит ташы йәки гранит ҡулланыла. Дизайны буйынса ул Сухум ҡалаһындағы яр буйы колоннадаһын хәтерләтә. "Һәр ваҡыт дуҫ, бер-беребеҙгә ярҙам итеп, уңыштарға һөйөнөп йәшәү мөһим. Беҙ абхаз халҡы менән шулай йәшәргә тырышабыҙ. Колоннада - күптәнге тарихы булған мәңгелек дуҫлыҡ билдәһе. Уҙған быуаттың 20-се йылдарында, Волга буйында аслыҡ булған саҡта, Абхазия беҙгә аҙыҡ-түлек менән ярҙам иткән, Бөйөк Ватан һуғышы йылдарында яугирҙарыбыҙ Абхазия дауаханаларында һәм госпиталдәрендә дауаланған, ә 90-сы йылдарҙа беҙ, башҡорттар, абхаздарға гуманитар ярҙам күрһәттек. Ғорурланырға хаҡыбыҙ бар. Республика көнөндә килеүегеҙ - беҙҙең өсөн оло мәртәбә. Колоннаданы теүәл бер йылдан, 11 октябрҙә асабыҙ", - тип вәғәҙәләне Радий Хәбиров.

баш ҡала
АЛТАҠТАЛАР ДӨРӨҪ ЯҘЫЛҺЫН!

Ошо күңелле мәшәҡәттәр араһында Өфө урамдарындағы адрес алтаҡталарын яңыртыу ҙа буласағын уҡып шатландым. Өфөлә кәрәкле урамды һәм йортто табыуы еңел түгел, сөнки алтаҡталар бик бәләкәй...

донъя шаңдауы
ДУҪ ҠӘҘЕРЕ ЯУҘА БЕЛЕНЕР

Евроберләшмә Урсула менән Макрон, уларҙан ҡала НАТО альянсы етәкселәре йоғонтоһонан айный барғандай. Ыңғай фекер итеүсе, тыныслыҡ яҡлы һәм бөгөнгө ҡапма-ҡаршы донъяның айышына төшөнөп, Рәсәйгә теләктәшлек белдереүсе "шытымдар" яҙғы йылы ел иҫкәнен көткән, тиерһең.

көн ваҡиғаһы
РӘСӘЙ ПРЕЗИДЕНТЫ ХУПЛАНЫ!

Владимир Путин Радий Фәрит улының Башҡортостан Башлығы һайлауҙарында ҡатнашырға теләүен хупланы: "Мин Һеҙгә теләктәшлек белдерәм, ә һайлау халыҡ иркендә. Улар менән күберәк аралашырға, уларҙы тыңларға кәрәк".

мөһим хәбәр
ИЗГЕ ЭШ ТУРАҺЫНДА ИЗГЕ БАЙРАМ КӨНДӨ ӘЙТЕЛДЕ

Әгәр ҙә теләһәгеҙ, был минең һайлау алды вәғәҙәм тип ҡабул итегеҙ - киләһе мөҙҙәттә мәсетте төҙөп бөтөргә кәрәк. Әлбиттә, ниндәйҙер ҡатмарлыҡтар бар, тик дөйөм алғанда, конструкция үҙе лә, көмбәҙ ҙә яҡшы торошта.

иҫкәртәбеҙ
ҺАҠЛАНҒАНДАР ИМЕН ҠАЛЫР

Интернет селтәре провокаторҙарға үҫмерҙәрҙең мәғлүмәтте еңел йыйырға һәм шәхси биттәрен анализларға мөмкинлек бирә. Улар айырыуса үҙенең сәйәси, дини һәм башҡа ҡараштарын әүҙем белдергәндәрҙе һайлай.

хәҡиҡәти һүҙ
БОРОНҒО БАШҠОРТОСТАН

Балсыҡ ҡатламдары ағас ҡатламдары менән сиратлашып килә. Был шартлы рәүештә ҡаланты тип аталған нәмәнең тәғәйенләнешен әлегә аңлатыуы ауыр, әммә һис шикһеҙ, ул монументаль ҡоролманың бер өлөшө.

тарих ярсыҡтары
МӘХМҮТ ҠАШҒАРИҘАН

Күрәһегеҙ, төрки телдәрендә "ата" һүҙе үҙгәрешһеҙ һаҡланып ҡалған, әммә байтаҡ ҡына төрки ҡәүемдәре телдәрендә "ата" һүҙенә йәнәш шул уҡ мәғәнәләге "баба" һүҙе лә ҡулланыла (мәҫәлән, төрөктәрҙә һәм ҡаҙаҡтарҙа).

заман башҡорто
ДОНЪЯ МЕНӘН, АҢЫҢ МЕНӘН ИЖАДИЛЫҠ ИДАРА ИТӘ

Һин төҙөмәгәнде һин емермә! Яуаплылыҡ - шәп сифат бит ул! Тәбиғәтте, тимәк, донъяны яҡларға, һаҡларға биләгән вазифаңмы, ҡушылған бурысыңмы ҡушмаһа ла, той шул яуаплылыҡты.

Владимир Мегре
БАЙҘАР ҘА ИЛАЙ - 5 (Аҙағы)

Джон Хайцман үҙ ғүмерендә тәүге тапҡыр изгелек энергияһын тойҙо, кешеләрҙең күңелендәге һөйөү, ихлас һоҡланыу уға ла ҡағылды. Был энергия бар ауырыуҙарға дауа һымаҡ. Сәхнәнән сыҡҡанда ул аҡһамай ине.

яҙыусыға өс һорау
ҠУШҺОНДОҒОМ - ҠӘРТНӘЙЕМ...

Үткән быуат башында халыҡ башынан үткән киҫкен ваҡиғаларға, замана ҡанундарына яраҡлашып, партия һәм хөкүмәт ҡарарҙарына таянып яҙылған әҙәбиәт өҫкә күтәрелде.

хәтеркитап
ДУХТЫР ҒӘЙШӘ

Баймөхәмәте һуғыштан ҡаты яраланып ҡайта. Ғәйшә дарыу үләндәре эсереп, гел үләнгә урап, ирен аяҡҡа баҫтыра. Тағы ике балаға ғүмер биреп, арыу ғына йәшәй башлағанда, 1947 йылда ире фажиғәле һәләк була.

сәхифәнән
БАШҠОРТ ЙӘНТҮРӘ ҺӘМ ҺӨЛӨК ТЕРАПИЯҺЫ

Йәнтүрә тигән ниндәйҙер яугирҙың башҡорт булғанын, француздар менән ниндәйҙер һуғышта ҡатнашҡанын белеү түгел, үҙ атайымдың Бөйөк Ватан һуғышында йөрөп ҡайтҡанын да белмәй инем әле бала саҡта.

һай-һай-һай!
ЗАТЛЫ ШӘХЕС ҒАИЛӘНӘН БАШЛАНА

Ошо көндәрҙә Әлшәй районында баланы төрлө яҡлап үҫтереүгә йүнәлтелгән бик файҙалы сара - "Башҡортостан ынйылары" конкурс-фестиваленең финалы булып үтте.