Һаумы, мәктәп!
Һаумы, алтын һуҡмаҡ!
Тормошомдоң изге һуҡмағы!
Күңелдәрҙә ошо һуҡмаҡтан да
Ҡәҙерлерәк нимә бар тағы!

Ҡәҙерлеһең. Ошо һуҡмаҡта бит
Һәр беребеҙ эҙләй үҙ-үҙен.
Оло донъяларға сығыр өсөн,
Тауыш бирә - әйтә үҙ һүҙен.

Мәктәп тигән кескәй бер утрауҙа
Ер күсәре, гүйә, әйләнә.
Һүҙ һорайбыҙ. Беҙҙең тауышты ла
Ишетергә Йыһан өйрәнә.

Һаумы, мәктәп!
Һаумы, изге һуҡмаҡ!
Яҡтылыҡ та бында ярала.
Ярала ла яңы киңлектәргә
Алтын һуҡмаҡ булып тарала.

Ғәлиә КӘЛИМУЛЛИНА

тел мәсьәләһе
МИНИСТР ӘЙТТЕ!

Дәүләт милли телдәрен мотлаҡ уҡытыу уҡыусыларҙың хоҡуғын боҙмай!

башҡорт теле - дәүләт теле
ШАУ-ШЫУ АПТЫРАТА...

Мин бөгөн башҡорт телен яҡлайым, сөнки башҡорт телен һәм мәҙәниәтен аңламауҙан алып, башҡорт мәҙәниәтен үҫтереү менән шөғөлләнә башлауға тиклем юл үттем.

көнауаз
ДӘРЕСЛЕКТӘР БУЛҺА БЫНДАЙ ХӘЛ КИЛЕП ТЫУМАҪ ИНЕМЕ?

Ошоғаса дәреслектәрҙе Федераль дәүләт белем биреү стандарттарына ярашлы хәлгә килтереүҙе хәстәрләмәгән министрлыҡҡа тәнҡиттән башҡа ни әйтәһең инде...

Өфө башҡорто
ШОКОЛАДТАҒЫ ШӘҮРӘ

Ни генә тимә, йәштәрҙә - дәрт һәм көс, ә ололарҙа - аҡыл һәм тупланған тәжрибә бар. Дәрт һәм көс, аҡыл һәм тәжрибә бер йүнәлештә булғанда ғына нимәгәлер өлгәшергә мөмкин, тип уйлайым.

тарих ҡабатлана
БӨЛӨРҺӨҢ ДӘ ЮҠ, ЮРАМАЙЫҠ УЛАЙ, САРАҺЫН ТАБАЙЫҠ!

Әл Мәсүди бөрйәндәр хаҡында: "Бөрйәндәр батшалығы ҙур һәм киң. Был күп һанлы, ҡеүәтле һәм яугир халыҡ Византия, Хазар илдәре, төрөктәр менән һуғыштар алып бара", тип яҙа.

күңел мөһөрө
ХАТАЛАР ӨҪТӨНДӘ ЭШ...

Бала кеше иң тәүҙә үҙ туған телен өйрәнергә һәм белергә тейеш. Урыҫса бер ни ҙә белмәгән атайым һәм әсәйем мәрхүмдәр ҙә "балаларығыҙҙы башҡортса һөйләштерегеҙ", тип тылҡып ҡына торҙо.

ижадхана
ЙЫЛМАЙЫП ЙӘШӘҮСЕ ҠУРАЙСЫ

Артабан ҡурайҙа йәштәр яратып тыңларлыҡ заманса көйҙәр ҙә уйнарға ниәт иткәнмен. Был юҫыҡта ҡурайҙың да, ишҡурайҙың да киләсәге ҙур, минеңсә.

мөғжизәле донъя
АРҠАЙЫМ СЕРҘӘРЕ ҺАМАН АСЫЛМАЙ ӘЛЕ

Арҡайымда ҡайһы бер нәмәләр онотолоп йә күскән ваҡытта төшөп ятып ҡалған. Бына минең алда Арҡайымда табылған ташһындың һүрәте тора. Ергә ултырған кеше үҙенең ҙур күҙҙәрен йондоҙҙарға төбәп, ҡатып ҡалған.

афарин!
"МИРАҪ"ТАР ХАЛЫҠ-АРА ФЕСТИВАЛДӘ

Өфөнөң "Мираҫ" йыр һәм бейеү фольклор ансамбле сит илдән гастролдәрҙән ҡайтты. Алдан "Башинформ" агентлығы хәбәр итеүенсә, коллектив Венгрияла "Summerfest" халыҡ-ара фольклор фестивалендә Рәсәй Федерацияһы һәм Башҡортостан Республикаһының традицион мәҙәниәте менән таныштырҙы.