Яңы йылда таңдан Ер шарының
Соңҡаһына баҫҡан көйөнсә,
Ҡысҡыраһым килә бар тарафҡа:
Һөйөнсө! Һө-йөн-сө! Һө-йөн-сө!
Һөйөнсөмә сөм күк сыңлап китһен,
Һипкән саҡта гәлсәр ҡарҙарын,
Шаңдап шул һүҙ, Ерҙе урап сығып,
Онотторһа икән аһ-зарын.
"Һөйөнсө!" тип шул һүҙ сыңғыратып,
Зиндандарҙың асһын ишеген,
Сынйырҙары селпәрәмә килһен
Тәүбәһенә ҡайтҡан кешенең.
Алып китһен юлдар төйәгенә
Илкәйенән биҙгән бәндәне.
"Һөйөнсө!" тип битлек кейгәндә лә
Үҙ өйөндә ҡалһын йән-тәне!
"Һөйөнсө!" тип юрап киләсәкте,
Һәр өрлөккә бишек аҫылһын;
Туған телендә тик һәр сабыйҙың
"Әсәй!" тиеп теле асылһын.
"Һөйөнсө!" тип балҡыр бөгөн ҡояш -
Йыһанымдың алтын сәғәте;
Ошо таңдан күсһен һәр көнөнә
Һөйөнсөләп тыуыу ғәҙәте.
Шатлыҡ килһә ташып, күңелемдә
"Һөйөнсө!" тип сыңлар мең ҡылым;
Бирешмәмен һарыр һағыштарға,
"Һөйөнсө!" тип тыуһа һәр йылым!

Сафуан ӘЛИБАЙ.

әйҙәгеҙ...
ПАТРИОТТАР БУЛАЙЫҠ!

"Башҡорттар һәр ваҡыт Рәсәй мәнфәғәте өсөн көрәшкән, - тине ул. - 1812 йылғы Ватан һуғышында Башҡортостан 16 йәшен тултырған бөтөн ир-егеттәрен атҡа атландырып, ҡулдарына ҡорал тоттороп, яуға оҙатҡан..."

фенолог яҙмалары
БЫЙЫЛҒЫ ЙЫЛ БЫЛТЫРҒЫНЫ ҠАБАТЛАЙ, АХЫРЫ

Ә бына ужым культуралары өсөн был йыл файҙалы булыр, ҡар ҙа сағыштырмаса күп яуҙы, ер үтә ныҡ туңманы. Шулай ҙа, хәҙер ҡар әҙерәк яуа, элегерәк был ваҡытта уның ҡалынлығы 30-40 сантиметрға етә торғайны.

матур хәтирә...
ҠЫШҠЫ МӘЖЛЕСТӘР ҘӘ ТАРИХҠА КҮСТЕ

Ҡышҡы мәжлес шул үҙенең бер мәлендә генә була ине. Эсеп-иҫереп, бола сығарып йөрөгән кеше юҡ. Һәр береһе үлә яҙып намыҫ һаҡлай, ҡунаҡты, йәшенә ҡарамаҫтан, шул ҡәҙәр ҡәҙерләйҙәр һәм ололайҙар.

диалог
ИР-ЕГЕТТЕ ӘТӘС ИТӘЙЕК: ҠУРАҒА ЛА, ӨЙГӘ ЛӘ, ИЛГӘ ЛӘ ХУЖА БУЛҺЫНДАР!

Өйҙә үҙемдән башҡа ике ҡыҙым - әтәс. Ҡатыным, шаяртып: "Кетәктә йәшәйем", - тип ҡуя. Ул үҙе маймыл һәм йондоҙнамәлә, маймыл әтәсте ярата, тиелгән, миңә шуны белгәс - булған.

йәнәшәбеҙҙә...
ҺАҢҒЫРАУҒА СӘЛӘМ БИРҺӘҢ...

Арабыҙҙа ҡолаҡтары насар ишеткән кешеләр йыш ҡына осрай. Һаңғырауҙарҙың күпселеге, әлбиттә, оло йәштәге кешеләр араһында. Пенсия йәшендәге, хатта унан да алдараҡ ишетеү һәләте насарайған атай-әсәйҙәребеҙ, инәй-олатайҙарыбыҙҙың уй-кисерештәре хаҡында уйланғанығыҙ бармы икән?

күңел мөһөрө
КИНО ЙЫЛЫН ОҘАТЫП…

Беҙҙең Ғүмәр ауылынан да Әхмәтов Зиннур, Хөсәйенов Шәрип, Ғәббәсов Йосоп исемле абзыйҙар, башҡорт кейеме кейеп, Салауаттың яугирҙары сафына баҫты.