БЕРҘӘМ ДӘҮЛӘТ ИМТИХАНЫ
ҠУРҠЫТЫУ ҠОРАЛЫНА
ӘЙЛӘНМӘҺЕН
Был аҙнала Рәсәйҙә Берҙәм дәүләт имтихандарының төп өлөшө тамамланды, ҡабаттан һынау тотоу өсөн билдәләнгән өҫтәмә көндәр август уртаһына тиклем һуҙыласаҡ. Башҡортостанда быйыл бөтәһе 18265 уҡыусы 11-се синыфты тамамлай, Өфөлә улар 5205 кеше. БДИ тапшырырға теләк белдереүселәр һаны - 19093 кеше, шуларҙың 17647-һе быйылғы сығарылыш уҡыусылары, 1446-һы - мәктәпте элек тамамлаусылар. Уҡыусылар араһында иң популяр предмет рус теле - 16563 уҡыусы һынау тотто, унан ҡала профилле математика - 10627 һәм йәмғиәтте өйрәнеү - 5962. Шулай уҡ физиканы 4748 уҡыусы, биологияны 3812, химияны 3489, информатиканы 3070, географияны - 352, әҙәбиәтте 774 уҡыусы һайланы. Туғыҙ предметтан Берҙәм дәүләт имтиханы һөҙөмтәләре буйынса Башҡортостандың 114 уҡыусыһы 100 балл йыйҙы. Шулай итеп, республикала Берҙәм дәүләт имтиханы күрһәткестәре үткән йылдар менән сағыштырғанда күтәрелә бара. Уҡыусылар ҙа, уҡытыусылар ҙа, атай-әсәйҙәр ҙә был имтиханды ғәҙәти хәл, мотлаҡ үтәлергә тейешле бурыс тип ҡабул итергә өйрәнә, күрәһең. Берҙәм дәүләт имтиханына нисек әҙерләнеүҙәре тураһында үҙҙәренән һөйләтәйек, булмаһа.
(Артабан уҡырға).
башҡорт аш-һыуы
ҮҘЕБЕҘҘЕКЕН ҺАЙЛА ҮҘЕБЕҘҘЕКЕН ҺАТЫП АЛ
Шулай ҙа йыш ҡына ауылда эш юҡ, аҡса юҡ, тигәнде ишетергә тура килә. Ә мин шуның киреһен әйтер инем: бөгөн ауылда ла үҙ эшеңде асырға һәм уны уңышлы алып барырға була. Бына әле мин йылҡысылыҡтан тыш, ҡорот ыҫлау эшен йәйелдерергә теләйем.
беҙҙе яратҡан дуҫтар
УҠЫУ ЙОРТО ҺӘМ ГӘЗИТ
Беҙҙең уҡыу йорто коллективына студенттарҙа башҡорт теленә һөйөү тәрбиәләү, тарихҡа ҡыҙыҡһыныу уятыу йәһәтенән "Киске Өфө"нөң әһәмиәте бик ҙур. Башҡорт теле, этнография, география буйынса диктанттар беҙҙә үтә.
ырыуың кем?
ЙЫЛАН ЫРЫУЫНАН, БОРОНҒО БАШҠОРТ ЗАТЫНАН БЕҘ
Ҡыпсаҡтарҙың башҡорт халҡы составына инеп киткән этник төркөмдәре араһында йылан-ҡыпсаҡтар ҙа бар, һәм улар, ҡыпсаҡтарҙың үҙаллы бер ҙур этник берләшмәһенә әйләнеп, айырым ырыу исемен алған.
ҡатын-ҡыҙҙың ҡырк сырағы
МИН ЯҢҒЫҘ ҠАРАҒАС
Яңғыҙ ҡарағасҡа оҡшатам. Хатта шулай итеп тоям да үҙемде. Тамырҙарым ныҡ, көслө минең. Өләсәйем шулай булды, унан әсәйем... Икеһе лә ҡара көс, сабырлыҡ, талғын аҡыл менән йәшәнеләр, балалар үҫтерҙеләр.
Иҙрис НОҒОМАНОВ
ҺУНАРСЫ ЯҘМАЛАРЫ
Әле мин ҡолағым төбөндәге аҫтың тын алышын ишетәм, һулышын тоям. Әммә алабарман кейек бының менән генә сикләнмәне, бар булған оятын юғалтып, башыма уҡ барып менде лә, өҫтән ынтылып, күҙҙәремә ҡараны.
тәбиғәт донъяһы
ҠУРСАУЛЫҠТА НИСӘ АЙЫУ?
Ике айыу эҙенә осраныҡ. Инә һәм ата айыу былар. Эре айыуҙар, табан яҫылығы 16 см-ҙан артығыраҡ. Парлашып йөрөгән айыуҙарға осрамауың хәйерле. Шуға күрә был тирәнән мөмкин тиклем тиҙерәк китергә тырышабыҙ.
йола тотҡан - яҙлыҡмаҫ
ИРЕҢДЕ БАТША, ТИП ҺАНАҺАҢ ҮҘЕҢ ДӘ БАТШАБИКӘ БУЛЫРҺЫҢ
Борондан ҡалған традицияларҙы хөрмәт итеп, хәлегеҙсә үтәргә кәрәк. Ҡыҙ йәшереү - йәш ғаиләне яман күҙҙән, яуыз көстәрҙән йәшереп, күҙ яҙлыҡтырыу маҡсатында килеп сыҡҡан йола.
|
