Яңы йыл көткәндә...
Күңелде юйылмаҫ
Бер өмөт өткәндә,
Сабырлыҡ бөткәндә,
Һәм тағы ниҙәндер
Ялғанып киткәндә,

Киләһе йылыма
Һыйынам, әйтерһең,
Һаҡланыр тылыма.
Киләһе йылыма!
Һәм өмөт тағы ла
Ҡуйынымда йылына.

Яңы йыл яңыртыр:
Шиктәрҙе таратыр,
Береһе шаяртыр -
Йомарлап ҡар атыр,
Ә йөрәк тотор ҙа яратыр,
Һәм ерҙә өр-яңы таң атыр!

Мөғжизә көткәндә...
Иҫкеһе киткәндә,
Хис менән тулайыҡ.
Йылдары килер ул,
Үҙ ғәмен элер ул -
Өмөтлө булайыҡ.

Миләүшә ҠАҺАРМАНОВА.

Өфө башҡорто
ОФОҒОБОҘҘО КИҢӘЙТЕҮ КӘРӘК

Башҡорт мәктәбендә уҡып, башҡорт мәктәбен тамамлауыма бер ваҡытта ла үкенмәнем һәм үҙемдең балаларымды ла ошо мәктәпкә уҡырға бирҙем. Сөнки башҡорт рухлы, башҡорт мәҙәниәтле булыуы өсөн балаға мөхит кәрәк.

улар автономия яуланы
ҺӘЙКӘЛГӘ ЛАЙЫҠ ШӘХЕСТӘР: УСМАН ҠЫУАТОВ

Усман Ҡыуатовтың атаһы Мөхәмәтғәлим Әбделғәни улы үҙ заманының уҡымышлы, алдынғы ҡарашлы кешеләренең береһе, мәғрифәтсе була. Донъяуи фәндәр уҡытыуға ҡоролған тиҫтәнән ашыу башҡорт мәктәбен асыуға өлгәшә.

ситтән тороп диалог
ЭТ КЕҮЕК ТОҒРО БУЛҺАҠ ЙЫЛДАРЫБЫҘ ИЗГЕЛЕКТӘР МЕНӘН БҮЛӘКЛӘР

Эйе, килешәм, кешеләр араһында тоғролоҡ төшөнсәһе аҡһай башланы. Ысын дуҫ тигәнең бер көн килеп һатып та ҡуя. Заман кәмәһендә аҡса ишкәк булғанда, дуҫың ишәк булғанға аптырарға түгел.

ҡыҫҡа интервью
БӘХЕТТӘР ТЕЙӘП КИЛҺЕН...

Киләһе йыл - көнсығыш календаре буйынса эт йылы. Йыл бөтөн йәһәттән дә тыныслыҡ һәм гармония осоро буласаҡ, дәүләттәр үҙ-ара берләшәсәк, ул һәр кемгә уңыш килтерәсәк, ти белгестәр. Ә ошо йылда тыуғандар йылға ниндәй өмөттәр бағлай икән? Башҡорт дәүләт ҡурсаҡ театры актрисаһы Альбина ДӘҮЛӘТБӘКОВА менән ошолар тураһында әңгәмәләшәбеҙ.