Был аҙналағы оператив кәңәшмәлә Өфө ҡала округы хакимиәте башлығы Өлфәт Мостафин гәзит-журналдарға яҙылыу кампанияһы тураһында телгә алып, баҫма матбуғатҡа ярҙам кәрәклегенә баҫым яһаны.

- Беҙҙең муниципаль матбуғат баҫмалары - "Вечерняя Уфа", "Уфимские ведомости", "Киске Өфө", "Уфимская неделя" гәзиттәре һәм "Уфа" журналы даими рәүештә республика һәм ҡала тормошондағы мөһим ваҡиғаларҙы яҡтыртып бара. Хөрмәтле коллегалар, ошо еңел булмаған ваҡытта гәзит-журналдарыбыҙға ярҙам ҡулы һуҙырға тәҡдим итәм. Шулай уҡ ветерандарға ошо баҫмаларға подписка бүләк итеү мөмкинлеген дә ҡарауығыҙҙы һорайым, - тине ул.

беҙҙе яратҡан дуҫтар
БАЙБЫҘ

Беҙ, Баймаҡ районы Иҫке Сибай ауылы ағинәйҙәре, "Киске Өфө"нән айырылғаныбыҙ юҡ. Унда баҫылған һәр мәҡәләнән үҙебеҙгә мәғлүмәт алабыҙ: йолалар өйрәнәбеҙ, башҡорт милли кейем буйынса кәңәштәр алабыҙ, тәрбиә мәктәбе һабаҡтарын үҙләштерәбеҙ, зыялылар һүҙен күңелдәргә һеңдерәбеҙ.

ҡала хаҡимиәтендә
БАРЫҺЫ ЛА СИТТӘН ТОРОП...

9-сы һәм 11-се сығарылыш синыфтары уҡыусыларына быйыл ТДИ һәм БДИ тапшырыу мотлаҡ түгел. Ә инде кем юғары уҡыу йортона инергә теләй, шулар ғына имтихан тапшыра, уны тапшырыу датаһы һуңғараҡ күсерелә.

көнауаз
"ҠАЙТАМ! ҠАЙТАМ! МИН ЙОРТОМА ҠАЙТАМ!"

Чаяндин ятҡылығында эшләүселәргә карантинда булған осор өсөн шунда уҡ бойороҡ менән бер айлыҡ эш хаҡы билдәләгәндәр, ә беҙгә эшкә яраҡһыҙлыҡ ҡағыҙы тултырҙылар. Ул яҡтан ҡыйырһытманылар.

ырыуың кем?
ЫРЫУЫБЫҘ ҠЫРҒЫҘ, ҮҘЕБЕҘ – БАШҠОРТ

Ҡырғыҙ башҡорттары - халҡыбыҙҙың айырылғыһыҙ бер өлөшө ул. Әгәр улар үҙҙәренең ысын тарихи этник берҙәйлеген башҡа милләт менән бәйләй икән - был, тимәк, үҙ тарихын белмәүе арҡаһында килеп сыға.

белә инегеҙме?
РИМ ПАПАҺЫНЫҢ ХАТЫ

Изге әүлиә Мөжәүир Уйылдан улы йәшәгән төбәкте һәм уның бөтә тирә-яғын, йөҙ километр радиус менән дәүләт ҡурсаулығы итеп һаҡлау кәрәклеге тураһында иҫкәртелә. "Һеҙҙең халыҡ бик мөғжизәле урында йәшәй. Ерегеҙ бай, тәбиғәтегеҙ хозур, халҡығыҙҙың киләсәге яҡты", - тиелә был русса яҙылған хатта.

диалог
"СЕЛТӘР" САҢ ҠАҒА: МИЛЛИ КЕЙЕМЕБЕҘҘЕ ТӨП НӨСХӘЛӘ ТЕРГЕҘӘЙЕК!

Тағы нисә йыл башҡорт кейемен тергеҙеүҙе аҡсаһыҙ пенсионерҙарға, ағинәйҙәргә тапшырып, тыныс ҡына "Милли кейем байрамдары" үткәреп ултырырҙар икән? Ғәрлек түгел микән аҡса өҫтөндә ултырған министрлыҡтарға?

хәтеркитап
ЗАМАНДЫ БИЗМӘНГӘ ҺАЛЫП...

Өсөнсө класта пионерға алдылар. 19 май көнө иртән аръяҡта йәшәгән өләсәйем килде. Атайымдың әсәһе. Ул совет заманында ла шаршау артында йәшенеп намаҙ уҡыған, ураҙа тотҡан диндар кеше. Уның ҡыҙы, атайымдың бер туған һеңлеһе Маһира апайым- беҙҙең уҡытыусы.

мосолман әҙәбе
ТӘРБИӘ МЕНӘН ДӘ СИРҘЕ ЕҢЕП БУЛЛА

Ҡайһы саҡта ир менән ҡатын ата-әсә булырға әҙер түгелмен, тип иҫәпләп, баланы донъяға килтереү-килтермәү тураһында бәхәс ҡуптара. Оҙаҡ бәхәсләшкәндән һуң ҡатын кеше ауырын ҡалдырырға ҡарар итә, ләкин тәүге фекер - "баланың ҡабул ителмәүе" эҙҙәре баланың холҡонда сағылыш таба, ул тыумыштан ҡыҙыу ҡанлы була.

ишеттегеҙме әле?
ДАНЛЫ ҠАЛА

Белоретҡа "Хеҙмәт батырлығы һәм даны ҡалаһы" тигән абруйлы халыҡ-ара исем бирелде. Был хаҡта Дәүләт-ара Герой-ҡалалар союзына һылтанма менән Белорет районы хакимиәте башлығы Андрей Иванюта хәбәр итте.