2024 йыл Рәсәйҙә Ғаилә йылы тип иғлан ителде. Президент Владимир Путиндың тейешле указы 22 ноябрҙә рәсми хоҡуҡи мәғлүмәт интернет-порталында баҫылған.

Ҡарар ғаиләне яҡлау һәм традицион ғаилә ҡиммәттәрен һаҡлау өлкәһендә дәүләт сәйәсәтен популярлаштырыу маҡсатында ҡабул ителде, тиелә документта. Хөкүмәткә 27 декабргә тиклем Ғаилә йылын үткәреү буйынса ойоштороу комитетын төҙөү, уның составын раҫлау бурысы йөкмәтелгән. Тематик йылды ойоштороу өсөн яуаплы комитет рәйесе итеп Рәсәй хөкүмәте рәйесе урынбаҫары Татьяна Голикова тәғәйенләнгән.
Әйткәндәй, Башҡортостандың 11 ғаиләһе Федераль наградалар - "Ата-әсә даны" ордены миҙалы һәм "Ата-әсә ҡаһарманлығы" миҙалы менән бүләкләнде. Улар араһында Өфөнән Дилара һәм Вадим Асаиновтар - 4 балаға атай-әсәй. Дилара федераль һалым хеҙмәте белгесе булып эшләй, уның тормош иптәше - хәрби пенсионер, хәрби хәрәкәттәр ветераны, Рәсәй Оборона министрлығының наградалары менән бүләкләнгән. Ғаилә сәләмәт һәм әүҙем тормош алып бара.

ишеттегеҙме әле?
ТОРАТАУҒА, ҠЫШ БАБАЙҒА!

"Торатау" геопаркында Ҡыш бабай резиденцияһын асырға әҙерләнәләр. Ул үҙ эшен 14 декабрҙә башлай һәм ҡунаҡтарҙы 2024 йылдың 7 ғинуарына тиклем ҡабул итә.

тура бәйләнеш
"ХАЛЫҠТЫҢ БАҺАЛАУЫ МӨҺИМ"

Башҡортостан 10-15 йылдан ниндәй буласаҡ, тигән һорау ҙа яңғыраны. "2030 йылға тиклем төбәк үҫеше "Башҡортостан 3.0" программаһында сағылыш табасаҡ. Ҙур төбәк етәксеһе булараҡ, минең бурысым - горизонттарҙы билдәләү", - тине Радий Фәрит улы.

йыл зыңғыры
ТОРМОШОҢ ЮЛЫНДА ОСТАЗДАРҘЫҢ ЕТӘКЛӘҮЕ ЛӘ МӨҺИМ

Илдәге демографик хәл өсөн, үлем күрһәткесенең кимәле өсөн дә табип ҡына яуап бирмәй. Кешенең үҙенән торған нәмәләр ҙә бар. Әйтәйек, кешенең уйҙары ла сәләмәтлеккә йоғонто яһай.

хаҡиҡәти һүҙ
БОРОНҒО БАШҠОРТОСТАН

Ҡайһы бер тикшеренеүселәр IV-VI быуаттар арауығында именьковсыларҙың бер өлөшөнөң Көнбайыш Урал буйына күсеп килеүҙәре һәм турбаҫлы мәҙәниәтен формалаштырыуҙа ҡатнашыуҙары хаҡында фараз итте.

тарих ярсыҡтары
МӘХМҮТ ҠАШҒАРИҘАН

Ҡайһы бер тикшеренеүселәр IV-VI быуаттар арауығында именьковсыларҙың бер өлөшөнөң Көнбайыш Урал буйына күсеп килеүҙәре һәм турбаҫлы мәҙәниәтен формалаштырыуҙа ҡатнашыуҙары хаҡында фараз итте.

майҙан
КҮСМӘ ХАЛЫҠТАР ДОНЪЯҺЫ, ЙӘКИ БӨЙӨК ДАЛА ЦИВИЛИЗАЦИЯҺЫ ХАҠЫНДА

Беҙ, төркиҙәр, бөйөк дала цивилизацияһын ҡороусы халыҡтарҙың вариҫтарыбыҙ. Беҙҙең уртаҡ ата-бабаларыбыҙ барса донъяға билдәле иҫ киткес мәҙәни мираҫ ҡалдырған.

Әмир Әминев
АУ

Етәкселек итеү юҡ ине, аҡыллы етәксе булманы араларында, ҡыҙғанысҡа ҡаршы, шуға ла оло бер көтөү балыҡ, ҡамалып, һаман ярға яҡынлашты. Әсләм-балыҡ һыу тамам һайығып ҡырсынлы яр яҡынайғас йәнасыҡҡа йәнә бер һикерҙе.

ижадхана
МӘЛДЕ ТУҠТАТЫР КӨС РӘССАМДАРҘА

Сөнки ул бәхеттең һаулыҡ, күңел тыныслығы икәнлеген аңламай. Уның иң бәхетле мәле әсәһенең ҡарынында ятҡан сағында була. Тап шуның өсөн дә сабый тыуған саҡта шул бәхетен юғалтыу ҡайғыһынан ҡысҡырып илай башлай.

рус яҙыусыларынан
МИНЕҢ ТОРМОШ ТӘЖРИБӘҺЕ

Был яҡтар шул тиклем матур. Кеше лә бик юҡ. Үтеп сыҡмаҫлыҡ һаҙлыҡтар, улар аша көньяҡҡа урман һуҙылған. Ҡайһы бер урындарҙа буш башҡорт ауылдары күренә. Һәм бөтә ер ҡош-ҡорт, йәнлек менән тулы.

һабаҡтар
БАШҠАЛАРҒА НИ ТЕЛӘҺӘҢ ҮҘЕҢӘ ЛӘ ШУЛ БУЛЫР

Офисҡа ингәндә лә, сыҡҡанда ла вахта янын утлы кәртәнән үткән һымаҡ үтә Флорида. Бына нисәмә ай уны бер үк һорау борсой: "Ҡайҙан килеп ултырҙы ул был урынға?"

сәхнәлә...
ЗАМАНЫБЫҘ ЯБАЙ ТҮГЕЛ...

Дөрөҫлөк яҡлы булыу - көнүҙәк бөгөн. Был сәнғәттә лә сағылыш таба хәҙер. Ошо көндәрҙә М. Горький исемендәге Ырымбур дәүләт төбәк драма театрының баш ҡалабыҙ халҡына тәҡдим иткән спектакле тап шундайҙарҙан булды. "Z осоро" ("Время Z") спектаклен М. Ғафури исемендәге БАДТ-тың Бәләкәй залында ҡуйҙылар.

афарин!
ЙӘНҺҮРӘТЕБЕҘ ТАНЫЛЫУ ЯУЛАЙ

Минскиҙа "Лiстапад" халыҡ-ара кино фестивале тамамланды. Был ваҡиға бик күп илдәрҙең кинематографистарын берләштерә. "Лiстападзiк" программаһына 36 илдең 15 анимация фильмы һайлап алынған.