Йәшлек ҡалаһы һин - Өфө,
Йәштәр килә төрлө яҡтан.
Тәүге хистәр менән янып,
Һөйөүҙәрен бында тапҡан.

Бәхет ҡалаһы һин - Өфө,
Бында күпме пар ҡауышҡан.
Өфө - һөйөү ҡалаһы, тип
Улар әйтә бар тауыштан.

Өфө - тарих ҡалаһы һин,
Тарих һөйләй һәр бер ташың.
Үткәндәрҙән киләсәккә
Күпер һала һәр бер таңың.

Өфө - дуҫлыҡ ҡалаһы һин,
Бында йәшәй күпме милләт.
Һин үҫәһең, ҙураяһың,
Йыллап түгел, айлап, көнләп.

Өфө - киләсәк ҡалаһы,
Күпме сабый урамдарҙа.
Улар менән дауам итә
Тарих тағы мең йылдарға.

Имәнҡала тиҙәр һине,
Иман ҡалаһы һин беҙгә.
Изге нурҙан балҡып таңдар
Имен тыуһын мәңге ергә!

ата-әсә ҡолағына
БАЛАҢДЫ АҠСА ҠОЛО ИТМӘ!

Балағыҙға джинсы һатып алырлыҡ булһа ла аҡса эшләп ҡарарға мөмкинлек бирегеҙ. Ата-әсәһенең "ябай" уҡытыусы, табип, инженер булып эшләүенән ояламы? Шулай булғас, әйҙә, һеҙгә нисек йәшәргә кәрәклеген ул үҙе өйрәтһен.

монолог
ЖУРНАЛИСТЫҢ ҠОРАЛЫ - ГЕРОЙЫН, УҠЫУСЫҺЫН АРБАУ УЛ

Хәсән ағайҙың "Ҡайҙа бында фекер?" тип ҡаты итеп һорағанынан ҡурҡып биҙрәп торам. Ҡағыҙымдың яртыһын сыя ла, яңынан яҙырға ултырта. Фекеремде яҙам да кеүек. Ҡыйыуһыҙыраҡ сығалыр, күрәһең.

сәйәхәтнамә
ЯНКА КУПАЛАНЫ ЛА БАШҠОРТ ТЕЛЕНДӘ ЯҢҒЫРАТТЫМ

Мин һаман да китаптан айырыла алмайым. Хәҙер инде бөтөнләй икенсе тойғолар солғанышында уҡыйым. Һәр һүҙҙе күңелемә һеңдерәм, Сабир ағайҙың тау кешеләренә генә хас ғорур ҙа, намыҫсан да образы күҙ алдымдан китмәй.

ҡыҫҡа әңгәмә
ХАЛЫҠ ЙЫРСЫҺЫ

Ғәҙәттә, риүәйәттәр һәм легендалар борон-боронғо замандар хаҡында һөйләгәнлектән, уларҙы беҙ бер ни тиклем әкиәт итеп кенә ҡабул итергә күнеккәнбеҙ. Әммә ошо легендала һүрәтләнгән моңло йырсы һәм ҡурайсы егеттең арабыҙҙа йәшәп ятыусы замандашыбыҙ булыуы һис әкиәт түгел.