Беренсе сентябрҙә Башҡортостандың 490 меңдән ашыу уҡыусыһы өсөн яңы уҡыу йылы башланды. Уҡыусылар 2020 йылдың мартынан алып өйҙә белем алғандан һуң, ниһайәт, мәктәпкә барҙы, ә кемдер өсөн тәүгә мәктәп ҡыңғырауы яңғыраны.

Быйыл, ҡыҙғанысҡа ҡаршы, коронавирус арҡаһында дөйөм мәктәп тантаналары булманы. Улар беренсе класс һәм сығарылыш уҡыусылары өсөн генә уҙғарылды. Республикала 55 мең бала тәүге тапҡыр парта артына ултырҙы. Өфөлә 126 мең уҡыусы, шул иҫәптән 14 мең беренсе класс уҡыусыһы мәктәпкә барҙы.
Башҡортостан Башлығы Радий Хәбиров республика уҡыусыларына һәм уҡытыусыларына мөрәжәғәт итеп, уларҙы Белем көнө, яңы уҡыу йылының башланыуы менән ҡотланы. "Балаларҙың уҡытыусыларҙы, шулай уҡ уҡытыусыларҙың һеҙҙе һағынғанын яҡшы беләм. Эйе, уҙған уҡыу йылы бөтәбеҙ, хатта кескәйҙәр һәм өлкән класс уҡыусылары өсөн еңел булманы. Сөнки өйҙә ултырып уҡырға тура килде. Балаларға ла, уҡытыусыларға ныҡ ҡыйынға төштө. Шуға ҡарамаҫтан, быйылғы уҡыу йылын, һәр ваҡыттағыса, кластарҙа, мәктәптәрҙә башларға ҡарар иттек", - тине республика Башлығы һәм уҡыусыларҙы коронавирусҡа ҡаршы сараларҙы үтәүгә яуаплы ҡарарға, үҙҙәрен дә, уҡытыусыларҙы ла һаҡларға саҡырҙы.
Коронавирус пандемияһы шарттарында балаларҙың һәм уҡытыусыларҙың хәүефһеҙлеге өсөн Роспотребнадзор мәктәптәргә махсус талаптар билдәләне. Уҡыусылар айырым кабинеттарҙа уҡый, был ҡайһы бер фәндәргә генә ҡағылмай, хәҙер дәрестәр 35 минут дауам итә. Шулай уҡ температураны үлсәү, бүлмәләрҙе таҙартыу һәм елләтеү мотлаҡ.

тураһын әйткәндә...
СИР ЙӨҘӨН ҮҘГӘРТӘ

Беҙҙең ситтә эшләүсе табиптар һәм белгестәр кешеләрҙе дауалау менән бергә уларҙың урамдарын, туҡталыштарын, тейешле биналарын таҙарта - санитар эшкәртеү үткәрә. Ә бына үҙебеҙҙә, аныҡлап әйткәндә, баш ҡаланың Сипайлово биҫтәһендә, пандемия башланғандан алып санитар эшкәртеү түгел, йыйыштырған кеше лә юҡ.

ишара
ҺӘҮӘҪКӘР БАЛЫҠСЫЛАРҘЫ КЕМ ҠЫЙЫРҺЫТА?

Һәүәҫкәр балыҡсыларға бөгөн тағы бер проблема өҫтәлде: БР буйынса Рәсәй федераль балыҡсылыҡ агентлығы йөҙөндә балыҡ аулаусыларҙың үҙҙәренә "һунар итеүселәр" барлыҡҡа килде.

һөйөнсө!
ҠУШТАУ - МАХСУС ҺАҠЛАНҒАН ТӘБИҒӘТ БИЛӘМӘҺЕ!

Шихандар, шул иҫәптән Ҡуштау ҙа - биотөрлөлөк сығанағы. Бер тауҙа ғына 400 төрлө үҫемлек үҫә. Ҡуштауҙағы 12 төр үҫемлек - Башҡортостан Республикаһының, ә етеһе Рәсәй Федерацияһының Ҡыҙыл китабына индерелгән.

белем усағы
ЯҢЫ УҠЫУ ЙЫЛЫНДА НИНДӘЙ ҮҘГӘРЕШТӘР КӨТӘ?

Мәктәп ашаханаһындағы ризыҡ өйҙәгеһенән айырыла, сөнки ул - диетик. Уны ҡыҙҙырмайҙар, төрлө тәмләткестәр һалынмай һәм тоҙ аҙ миҡдарҙа ҡулланыла. Әммә белгестәр ризыҡты тәмле итеп әҙерләргә тырыша.

һәр кем ҡолағына
КЕМ БУШЛАЙ ТИКШЕРЕЛӘ?

Башҡортостан Һаулыҡ һаҡлау министрлығы коронавирустан бушлай анализдың кемдәргә тейешлеге хаҡында мәғлүмәт бирҙе. Мотлаҡ медицина страховкаһы иҫәбенә ПЦР ысулы менән тикшерелеүгә түбәндәге категория граждандар хоҡуҡлы:

заман башҡорто
ТАБИП ХӘЛИЛ МОСТАФИН: ҒҮМЕРЛЕК ҺӨНӘРЕМ - КЕШЕ ҒҮМЕРЕН ҠОТҠАРЫУ

Һуңғы 4 йыл дауамында республикабыҙҙа йәшәгән оло быуын кешеләре өсөн гериатрик үҙәк эшләй. Республикабыҙҙа йәшәгән 4 миллион 51 мең кешенең 984 меңе - 60 йәштән уҙған кешеләр, уларҙың 800 меңләбе - 65 йәштән олораҡтар.

сәләмәтлек әлифбаһы
СИТ РИЗЫҠТЫ АШАМА: ТӘБИҒӘТТЕҢ ТӨП ҠАНУНЫ БЫЛ

Беҙҙә барыһын да баштүбән әйләндерҙеләр. Һөлөк һалыу, массаж, мануаль терапия һ.б. - ул халыҡтың традицион медицинаһы. Бына уны күтәрергә, үҫтерергә кәрәк, сөнки ул быуаттар буйына кешеләрҙә һыналған.

Айбулат СИСӘНБАЕВ
МИН ЯРАТҠАН ӨС ХӘРЕФ

Димдең төн йоҡоһо осто. Сәғәт инде 23:44 күрһәтә, ә ҡаршылағы йорттоң дүртенсе ҡатында берҙе булһа ла ут тоҡанманы. Беренсе кис түгел, быға тиклемге ике көн дә ошондай ҡара тынлыҡта үтте. Гөл ҡайҙа?

күңел мөһөрө
ӨС ДУҪ - ӨС ТАҒАН

- Дәүләтша ҡустым, - ти ул, - күреп торам, уғланыңдын күңеле ҡәтғи ҡанунлы хәрби эшкә тартылмай, фиғеле йомшаҡ кеүек. Һин уның теләгенә ҡаршы килмә, тәҡдирен боҙоп ҡуйырһың. Ул шәфҡәтле фәндәрҙе өйрәнергә тейеш.

ҡыҙыҡлы әңгәмә
БАШҠОРТ ЙЫРЫН ЙӨРӘК МЕНӘН ЙЫРЛАРҒА КӘРӘК

- Үкенескә ҡаршы, халыҡ йырҙары беҙҙә бәйгеләр кимәленә генә ҡала килә. Йырсылар ниндәйҙер конкурста ишеттерер, мөмкинлектәрен, тауыш диапазонын һәм ошо жанрҙы башҡара белеүен күрһәтеү өсөн генә өйрәнә халыҡ йырҙарын.