"УРАЛ БАТЫР"ЛЫ
ХАЛЫҠ БЕҘ!
Бөрйән районында халҡыбыҙҙың мәшһүр "Урал батыр" эпосын ятҡа һөйләүсе йәш сәсәндәрҙең республика конкурсы үтте. 19-сы тапҡыр ойошторолған оло сара бәйгегә килгән 27 команда ҡатнашлығындағы парад менән асылды. Бәйге әләмен күтәреү хоҡуғы былтырғы конкурста Гран-при яулаған Ишембай ҡыҙы Гөлфруз Хисмәтуллинаға бирелде.
Гран-приға Баймаҡ лицей-интернаты уҡыусыһы Гөлнара Ҡазарбаева лайыҡ тип табылды. "Сәсәнлек минең ҡанымда, өләсәйем һүҙ оҫтаһы булған, ә әсәйем шиғырҙар ижад итә. Тап 10 йыл элек ошо майҙанда минең апайым Вәсилә Ҡазарбаева гран-приға лайыҡ булғайны. Мин уның артынан эйәреп, оло хыялыма ҡаршы 12 йыл атланым. Ниһайәт, теләгемде тормошҡа ашырҙым. Ҡыуанысымдың сиге юҡ. "Урал батыр" йәшәне, йәшәй һәм йәшәйәсәк. Киләсәктә лә ошо оло исемгә тап төшөрмәҫкә ант итәм. Халҡыма, тыуған телемә һәм илемә лайыҡлы кеше булып йәшәйәсәкмен, ут сәсәсәкмен", - тине рухлы сығышында бәйге еңеүсеһе Гөлнара.
(Артабан уҡырға).
һөйләһәң - һүҙ...
ҠЫУАНЫРҘАР ИНЕ ҠАУҘЫЛАР...
Баш ҡалабыҙ һуңғы йылдарҙа йылдам үҫешә, әүҙем төҙөкләндерелә, урамдарыбыҙ йәшеллеккә, сәскәләргә күмелә. Ошо фонда әлеге арт-объекттарҙың да тәбиғи күренешкә әүерелеүен күрге килә.
йәштәр - йәштәрсә
ТЕЛДӘР БЕЛГӘН - ИЛДӘР БЕЛГӘН
Сит ил университеттарында белем алыу - заманыбыҙҙың киң таралған күренеше. Бигерәк тә сит тел өйрәнгәндә уны ошо телдә һөйләшкән илдәрҙә камиллаштырыу дөрөҫ, тип иҫәпләй бөгөнгө әңгәмәсебеҙ. Өфө ҡыҙы Физәлиә ҒАРИПОВА бөгөнгө көндә Тегеран дәүләт университетында фарсы телен өйрәнә.
туған телем
ЮҒАЛҒАН ҺҮҘҘӘР ЭҘЕНӘН
Бына, мәҫәлән, һарыҡ тәкәһе. Был мал боронғо телебеҙҙә ҡусҡар тип аталған. Һарыҡ - ҡуй, тәкә - ҡусҡар, яңы тыуған һарыҡ бәрәсе - ҡошанай (ҡосанай), 6 айға тиклемге бәрәсе - ҡуҙы, 6 айҙы үткән йәш һарыҡ - туҡлы. Ә инде көйҙөрөлгән тәкәне бурыҡ тигәндәр.
ҡыҙыҡлы әңгәмә
ИКМӘК ҺОРАНЫП СЫҠМАҪ ӨСӨН ЕР РЕФОРМАҺЫН ЯҢЫНАН ҮТКӘРЕРГӘ КӘРӘК!
Илдең төп ресурсы булған ерҙе уны эшкәртә алмаған граждандарға биреү илде һуңғы нөктәгә килтереп еткерәсәк. Ерҙең яңы хужалары иң яҡшы ерҙәрҙе алып ҡалып, баҫыуҙарҙы - деградацияланыуға, ә ауылдарҙы үлеүгә дусар итәсәк.
көн күргән шөғөл
АТҠА АТТАЙ КЕШЕ КӘРӘК
Баймаҡ районы Темәс ауылында Шәйхетдин ХӨСӘЙЕНОВ исемле ҡымыҙсы йәшәй. Шәйхетдин Шәрәфетдин улы инде тиҫтә йылдан ашыу үҙенең йылҡы өйөрөнә ауылдаштары йылҡыларын ҡушып, Ирәндек итәгендә тибендә ҡышлата, йәйен Урал армыттарында йәйләтә.
ҡыҫҡа интервью
ҠИТҒАЛАРҘЫ ҺОҠЛАНДЫРЫР ҠУРАЙ МОҢО
Әле генә Октябрьский ҡалаһында үткән Ғата Сөләймәнов исемендәге Республика Ҡурай байрамында Гран-при яулаусы һәләтле ҡурайсы, "Мираҫ" йыр һәм бейеү фольклор ансамбле солисы Юнир Һағынбаев беҙҙең һорауҙарға яуап бирә.
|
