Бейек тауҙың үлгәне -
Башын монар алғаны.
Ҡара ерҙең үлгәне -
Ҡар аҫтында ҡалғаны.
Ағын һыуҙың үлгәне -
Боҙ аҫтында ҡалғаны.
Ир-егеттең үлгәне -
Илен дошман алғаны.
Бейек тауҙың тереһе -
Күгәреп тә ятҡаны.
Ҡара ерҙең тереһе -
Йәшәреп тә киткәне.
Ағын һыуҙың тереһе -
Сафланып та аҡҡаны.
Ир-егеттең тереһе -
Ат атланып сапҡаны.
Бейек тауҙың йәне бар,
Түбәһендә таш барҙа.
Ҡара ерҙең йәндәре -
Яуып үткән ямғырҙа.
Ағын һыуҙың йәндәре -
Теш ҡамашыр һалҡында.
Ир-егеттең йәндәре -
Йәндәй күргән халҡында.

һай! һай! һай!
ҮЛЕМҺЕҘ ПОЛК ӨФӨ УРАМДАРЫ БУЙЛАП ҮТӘСӘК

"Олатаһы исемен интернетҡа ҡуйыр өсөн туғандарынан, интернеттан мәғлүмәт эҙләгән бала бер ваҡытта ла яугирҙарға, ветерандарға, ил тарихына битараф ҡалмаясаҡ", - тине үҙ сығышында Александр Дёгтев.

өс быуын фекере
ӨЛКӘН ИРҘӘР “ҠОРОРАҠ”, Ә ЙӘШТӘР ХИСЛЕРӘК...

Ҡыҙғанысҡа күрә, замана ир-аттарының байтағы ошоно тормошҡа ашыра алмай. Шуға күрә ғаиләһенә лайыҡлы тормош тәьмин итә алмаған ир-атты ҡатын-ҡыҙ алыштырҙы: ул эшләй ҙә, балалар ҙа тәрбиәләй, йортон да һала, машина ла йөрөтә, бесәнен дә әҙерләй.

тарихи хәҡиҡәт
ҠАН БУЙЫНСА БАШҠОРТТАР ТАМЫРҘАРЫН ИҪКӘ ТӨШӨРҺӨН

Тарих фәндәре кандидаты, Башҡортостан юлдаш телеканалының билдәле журналисы Салауат ХӘМИҘУЛЛИНдың "Башҡорт ырыуҙары тарихы" серияһы, халҡыбыҙ тарихының ҡайһы бер биттәре тураһындағы яҙмаларын дауам итәбеҙ.

диалог
СИТТӘ ЧЕМПИОНЛЫҠ ЯУЛАҺАҢ ДА ТЫУҒАН ЕРҘӘ ҮҘЕҢ БУЛЫП ЙӘШӘ

Беҙҙең сит илгә китеүебеҙҙең тағы бер маҡсаты - халҡыбыҙҙың данын таратыу ҙа булды бит. "Ниңә башҡорттарҙы сит яҡта белмәйҙәр?" тигән һорау мине һәр ваҡыт борсой торғайны.

күңел мөһөрө
УТЛЫ ЙЫЛДАР ШАҺИТЫ - ХАТТАР ЭҘЕНӘН

Немец фашистарының донъяға килтергән бәлә-ҡазаларын, ҡайғы-хәсрәттәрен бер кем дә, бер ҡасан да иҫенән сығармаһын ине. Утлы йылдар шаһиты булған апаларымдың хаттары, уларҙың фажиғәле яҙмыштары быға асыҡ дәлил.

афарин!
"ӘСӘ" ФИЛЬМЫ ТАМАШАСЫЛАРЫН КӨТӘ

Режиссер Айнур Асҡаров был фильмды драматург Шәүрә Шәкүрованың "Саҡ менән Суҡ" эпосы мотивтарына таянып яҙған сценарийы буйынса төшөргән һәм ул, ниһайәт, 26 февралдән тамашасы хөкөмөнә сығасаҡ.