Илем буйлап атлай Үлемһеҙ полк,
Еңеүселәр килә, ҡарағыҙ!
Бөгөн улар барыһы ла иҫән,
Бөгөн улар имен, яраһыҙ.

Ветеранды, уның балаларын
Ошо парад бергә тупланы.
Оркестрҙар өндәй бер тауыштан:
"Тыныс атһын илдең һәр таңы!"

Үлемһеҙ полк!
Һиндә тарих шаңы,
Яу кисергән ялан күҙҙәре,
45-тән иҫкән елдәр шауы,
Тол ҡатындың терелгән йәре,
Ышаныс һәм өмөт сатҡылары,
Осрашыуҙың көтөп алғаны…
Үлемһеҙ полк булып илде иңләй
Совет һалдаттарының даны.

…Киң майҙандан бара еңеүселәр,
Үткәндәрҙән сәләм бирәләр...
Әйтерһең дә,
Улар Еңеү яулап,
Яуҙан яңы ҡайтып киләләр.

Олеся ӘХМӘТРӘХИМОВА.

бер фотоһүрәт тарихы
ХЕҘМӘТКӘ ҺӨЙӨҮ КЕШЕ ИТТЕ УЛАРҘЫ

Ауыр осорҙар булыуға ҡарамаҫтан, һуғыш ваҡытында балалар йорттары илебеҙҙә меңәрләгән етем балаларҙы үлем тырнағынан ҡотҡарып ҡала алды, ҡараусыһыҙ урамда йөрөгән берәҙәк балалар булманы.

ҡоролтай зыңғыры
АТЛЫ ХАЛЫҠ БЕҘ! ӘММӘ БЕҘҘЕҢ ОШО ДАНЫБЫҘҒА ЯҪҠЫНАЛАР...

Бөгөн "татар" аты булып яҙылып ҡуйылған йылҡы малдары асылда башҡорт ерлегендә тыуып, башҡорт тоҡомло малдар. Татарстан уларҙы Башҡортостан хужалыҡтарынан йыйып, һатып алып ҡайтҡан.

һай! һай! һай!
ҺЫЛЫУҠАЙҘАР ҺЫНАУ ТОТТО

"Һылыуҡай-2019" асыҡ республика башҡорт гүзәлдәре конкурсы үҙенең еңеүселәрен билдәләне. Башҡортостан Республикаһының 100 йыллығына арналған тамашала ун ике конкурсант һынау тотто.

хәтеркитап
ЯҘЫУСЫ ҠАТЫНЫ

Фатима Ғилман ҡыҙы башҡорт әҙәбиәтенә Дауыт Юлтыйҙың исемен ҡабаттан тергеҙеү өсөн күп эшләй, бары тик иренең һөйәктәре күмелгән урынды ғына таба алмай. Таң һәм Нинелдең дә был юҫыҡтағы тырышлыҡтары һөҙөмтә бирмәй...