Ҡаушап ҡалып, юҡҡа-барға "аһ" тимәйҙәр,
Ауырлыҡтар уртаһында баш эймәйҙәр.
Арабыҙға насарлыҡты индермәйҙәр,
Милләт хәлен яҡшы яҡҡа әй көйләйҙәр,
Аҡ күлдәкле, аҡ яулыҡлы ағинәйҙәр!

Юл ярырҙай юлбашсылар артта ҡалған,
Ярты йортто ғәфләт-йоҡо баҫып алған.
Алдатмаһын аңыбыҙҙы хәйлә-ялған,
Заманыбыҙ иңебеҙгә бурыс һалған.

Ишәккә иш түгел ажар аттарыбыҙ,
Илгә хужа булыр затлы заттарыбыҙ.
Иманына килер әле ҡарттарыбыҙ,
Уңыш бирер сиҙәмдәрҙе аҡтарырбыҙ.

Уянайыҡ, беҙҙе йоҡо баҫып алған,
Әй дуҫтарым, көнөбөҙмө шуға ҡалған?
Тиңләшһен, тим, бөркөттәргә ир-егеттәр,
Ағинәйҙәр һымаҡ булһын аҡһаҡалдар!

Рауил БИКБАЕВ,
Башҡортостандың халыҡ шағиры.

ир-егет һүҙе
ҠАТЫН-ҠЫҘҘАРЫБЫҘҘЫҢ БАРЫҺЫ ЛА МАТУР!

Барса ҡатын-ҡыҙҙарыбыҙҙы тыштан матур тип һанаһам да, инде аҡһаҡалдар ҡорона ингән кеше булараҡ, уларҙы башлыса эстәлегенә ҡарап баһаларға тырышам.

ҡала хакимиәтендә
ҮҘГӘРЕШТӘР КӨТӘБЕҘ!

Өфө предприятиелары республика производствоһы күләменең 60 процентын тәьмин иткән. Ҡала иҡтисадының нигеҙе - уның бюджеты. Былтыр ул 27 миллиард һум, шул иҫәптән үҙенең килеме 12 миллиард һум була.

йола тотҡан - яҙлыҡмаҫ
ӨҪТӘЛДӘРЕБЕҘҘӘ МИЛЛИ РИЗЫҠТАРЫБЫҘ БУЛҺЫН

Стәрлебаш ағинәйҙәре бауырһаҡ байрамына әҙерләнгәндә был төбәктә генә уның утыҙ ике төрөн иҫәпләгән, уның тураһында ҡыҙыҡлы мәғлүмәттәр туплаған һәм килгән халыҡҡа файҙалы булһын өсөн китапсыҡ та баҫтырып сығарған.

хәтеркитап
МИЛЛИ ХАРАКТЕРЛЫ АКТРИСА

Тәлиға Миңлевәли ҡыҙы БИКТАШЕВА - совет актрисаһы. Бәләкәй сағынан йырларға, бейергә яратҡан ҡыҙҙың урта мәктәпте тамамлағас та актриса һөнәрен үҙләштерергә Өфөгә юлланыуына бер кем дә аптырамағандыр, моғайын.

диалог
ҠАТЫН-ҠЫҘҘЫҢ АСЫЛЫ НИ?

Сит милләт ҡатын-ҡыҙының телмәрендә "йәнейем, иркәм, әйкәйем" тигән иркә һүҙҙәр бар. Ә беҙҙекеләрҙең күптәре ундайҙы әйтергә лә тартына. Әлбиттә, үҙгәрергә лә булалыр. Тик был беҙҙең үҙебеҙҙе бәхетле итер микән?..

Өфө башҡорто
МИНЕҢ ТАМЫРҘАРЫМ АУЫЛДА

Ауылда булмаған балаларҙың ысын бала сағы ла булмағандыр, моғайын. Хәҙер инде ауылда өләсәй генә. Ә инде минең гәзит-журналдарға, телевидение-радиоға башҡорт телендә интервью биреүем өләсәй өсөн ҙур ҡыуаныс.

афарин!
БӨГӨН ДӘ ДӨРЛӘЙ РАБИҒА ҠУШАЕВА ЯЛҠЫНЫ

Конкурстың иң юғары наградаһы - Рабиға Ҡушаева исемендәге "Ҡатын-ҡыҙ - милләт әсәһе" миҙалы был юлы республика кимәлендә төрлө өлкәләрҙә юғары уңыштарға өлгәшеүсе ун ике кешегә тапшырылды.