30 июнь Башҡортостан Башлығы Радий Хәбиров Рәсәйҙең торлаҡ-коммуналь хужалығы министры урынбаҫары Максим Егоров менән Өфөнөң Орджоникидзе районындағы "Имәнкәй" скверында урынлашҡан иҫтәлекле "Бейеүсе торналар" фонтанын асыу тантанаһында ҡатнашты. Сарала Өфө ҡала хакимиәте башлығы Өлфәт Мостафин да ҡатнашты.

Үткән быуаттың 70-се йылдары башында төҙөлгән "Бейеүсе торналар" фонтаны 2008 йылда яңыртып эшләү өсөн ябылғайны. Парк территорияһын модернизациялау эштәре былтыр көҙ айҙарында республика етәксеһе инициативаһы буйынса башланып китте. Скверҙы төҙөкләндереү сиктәрендә яңы ағастар һәм ҡыуаҡтар ултыртылды, граниттан юлдар һалынды, эскәмйә һәм велосипедтар өсөн туҡталыштар ҡуйылды, спорт һәм балалар майҙансыҡтары төҙөлдө, яҡтыртыу һәм видеокүҙәтеү системалары ҡуйылды. Яңырған фонтан йәйғор төҫтәре менән балҡып, баш ҡала халҡын йыр-моң ағылдырып ҡаршылай хәҙер.
- "Бейеүсе торналар" студент саҡтарҙан хәтерҙә ҡалған. Йылдар үтеп, бер аҙ онотолоп та торҙолар. Әммә беҙ был композицияны тергеҙергә булдыҡ һәм бөгөн ҡалаға төҙөкләндерелгән сквер менән һоҡланғыс фонтан бүләк итәбеҙ. Өфө ҡала-паркка әүерелһен өсөн артабан да шулай эҙмә-эҙлекле эш алып барасаҡбыҙ, - тип белдерҙе Радий Хәбиров фонтанды асыу тантанаһында. Уның һүҙҙәрен Рәсәйҙең торлаҡ-коммуналь хужалығы министры урынбаҫары Максим Егоров та күтәрмәләне, тантаналы сарала ҡатнашҡан өфөләр өсөн шатланыуын белдерҙе һәм ҡотлау һүҙҙәрен еткерҙе.

көнауаз
"КИЛӘСӘК ТЕРРИТОРИЯҺЫ. ЕВРАЗИЯ ЙӨРӘГЕНӘН ҠАРАШ"

Башҡортостандың туризм буйынса комитеты рәйесе Салауат Нафиҡов белдереүенсә, республикала 1 мең мәмерйәләрҙең ни бары 30 проценты ғына өйрәнелгән. Йыл һайын 1-2 яңы мәмерйә асыҡлана.

ырыуың кем?
ЫРЫУЫБЫҘ - ЙӘНӘЙ, АСЫЛЫБЫҘ - КӨНБАЙЫШ БАШҠОРТТАРЫ

1771-1172 йылғы Польша походында Башҡорт ғәскәре составында Йәнәй олоҫо старшиналары Шәрип Айҙаров һәм Ғәли Йәрмөхәмәтов командаларынан яуҙарҙа ҡатнашҡан 130 башҡорт яугирының исемлеге табылды.

ҡыҙыҡлы әңгәмә
УРМАН БАЙЛЫҒЫ ӘҘӘМДӘР МӘНФӘҒӘТЕ ӨСӨН ЯРАТЫЛҒАН

Урмандарҙа туҙан булмай. Ҡарама, йүкә, сирень ағастары туҙанды башҡаларға ҡарағанда күберәк йота - 1 йылға 35 килограмм тирәһе. Урман һауаны төрлө зарарлы ҡатнашмаларҙан таҙарта, уны кислород менән туйындыра

Иҙрис НОҒОМАНОВ
ҺУНАРСЫ ЯҘМАЛАРЫ

Был нимә? Әллә күҙемә күренәме? Юҡ, күренмәй икән, ҡаулан өйөмө ысынлап та китеп бара. Теге сәйер сүмәлә шыуышып, бер туҡтала биреп барҙы ла, ахырҙа, хәрәкәтһеҙ ҡалды. Оҙаҡ көттөрмәй, уның аҫтынан... Кем тиһегеҙ?

ағинәй мәктәбе
БУЛДЫҠЛЫ, ЕГӘРЛЕНЕҢ ФЕКЕРЕ КИҢ, ТЕЛЕ ЛӘ БАЙ

"Телде һаҡлаусылар - башҡорт ҡатындары, әммә уларҙың булдыҡлы, егәрле булғаны, етеш һәм бай йәшәгәне. Ярлы йә ялҡау кешенең теле лә ярлы, ашау-эсеүҙән ары китмәй..."

Өфө башҡорто
ҮҘ АСЫЛЫН АҢЛАҒАНДАР КӨСЛӨ БУЛА

Баш ҡалала тыуып үҫкән Башҡортостандың атҡаҙанған артисы, билдәле бейеүсе Урал Хәйрулла улы Мортазин Өфөгә бәйле хәтирәләре менән уртаҡлашты.