Үткән аҙнала Өфөлә "Евразия йөрәге" Халыҡ-ара сәнғәт фестивале гөрләп үтте. Биш көн буйына Конгресс-Холл эргәһендәге амфитеатрҙа 11 илдән, Рәсәйҙең 10 төбәгенән һәм, әлбиттә, республикабыҙҙың артистары сығыш яһаны. Был ҙур сараны "Симфоник төн" башлап ебәрҙе, унда классик музыка яңғыраны. 26 майҙа фестиваль "Кино төнө" менән дауам итте, тамашасы иғтибарына башҡорт режиссерҙарының кинолары тәҡдим ителде. "UFA - Kuraifest" проекты - был фестивалдең иң сағыу тамашаларының береһе булды. Был уйын ҡоралын донъя кимәлендә яңғыратып, уға яңыса һулыш өргән виртуоз ҡурайсылар башҡарған заманса эшкәртелгән халыҡ көйҙәрен, классик һәм эстрада-электрон музыканы майҙанға йыйылған 10 меңдән ашыу кеше тыңланы. "Евразия йөрәге" фестивалендә "Башҡорт милли костюмы көнө" лә үҙ майҙанына тотош республиканан әллә күпме халыҡты йыйҙы. Марш-парадта ғына меңдән ашыу кеше ҡатнашты. Ошо уҡ көндө "Урал моңо" Халыҡ-ара төрки йәштәренең музыкаль ижады конкурс-фестивале еңеүселәрен билдәләне. "Этно төн" билдәле сит ил һәм Рәсәй музыкаль төркөмдәре сығышы менән ҡыҙыҡлы булды. Фестивалдең аҙаҡҡы кисендә иң яҡшы сығыштарҙан Гала-концерт ойошторолдо һәм амфитеатр төрлө милләттәрҙең моңона сорналды. Гәзиттең был һанында ошо саралар хаҡында тулыраҡ уҡый алаһығыҙ.

уйлыға - уй
МӘҒЛҮМӘТ СЫҒАНАҠТАРЫ ЛА ЗАМАН ТАЛАПТАРЫНА ЭЙӘРҺЕН

Башҡорт телендәге материалдарҙы һанлыға күсереү, эшкәртеү, таратыу менән мәшғүл проекттарға ярҙам итеү зарур. Был мираҫҡа "йәмғиәт байлығы" тигән статус бирелергә һәм уларҙы бөтә халыҡ файҙалана алырға тейеш.

тереклек мәктәбе
ТӘБИҒӘТ БЕҘҘЕ ҠУРСЫЙ, БЕҘ ГЕНӘ УНЫ АЯМАЙБЫҘ

Электр утһыҙ, газһыҙ ҡалыуҙы артыҡ ҡурҡыныс итеп күрмәйем мин. Заманында уларһыҙ ҙа йәшәгәндәр. Ә бына тәбиғәткә сыҡҡанда нимәләрҙелер мотлаҡ һалып алырға кәрәклекте күҙ уңында тоторға кәрәк.

тарихи хәҡиҡәт
ТЕЛ ЯҘМЫШЫ - ҮҘ ҠУЛЫБЫҘҘА

Башҡорт мәктәптәре һәм гимназиялары күбәйҙе, әммә башҡорт телендә аралашҡан уҡыусылар кәмене; башҡорт гәзит-журналдары ишәйҙе, ләкин уларҙы алдырып уҡыған ғаиләләрҙе "Ҡыҙыл китап"ҡа ғына индерергә ҡалды.

иғтибар: акция!
ҺӘР КЕМ УҠЫРҒА ТЕЙЕШЛЕ ЙӨҘ БАШҠОРТ КИТАБЫ

Ижады киләһе быуындарға үҙе туплаған ғилемде, фәһемде еткереү маҡсатына ярашлы барлыҡҡа килгән. М. Аҡмулла шиғырҙарын уҡыуҙың файҙаһы шунда: тура һүҙле, әсе телле Аҡмулланың һәр юлында хәҡиҡәт йәшеренгән.

заман башҡорто
ТОРМОШТО ТЫҢЛА УНДА ФАЙҘАЛЫ НӘМӘЛӘР БИК КҮП

Ул: "Мин башҡорт түгелмен, әммә мин башҡорттоң күңелен уның бейеүе аша аңлайым", - тигәйне. Ул беҙҙең сараға йыл һайын килә торғайны. "Байыҡ"ты урыҫтар ҙа, татарҙар ҙа, сыуаштар ҙа яратып ҡарай.

милләт балҡышы
ДОНЪЯ СӘНҒӘТЕНДӘ БЕҘҘЕҢ ДӘ ҮҘ УРЫНЫБЫҘ БАР

"Урал моңо" ысын мәғәнәһендә моң, йыр, ижад һәм йәшлек байрамына әүерелде. "Бында берәү ҙә ярышырға килмәй, беҙ бында үҙ мәҙәниәтебеҙ менән таныштырабыҙ", - тигәйне жюри ағзаһы Мансур Ташматов.

милләт балҡышы
МИЛЛИ КЕЙЕМЕБЕҘ РУХИӘТЕБЕҘ САҒЫЛЫШЫ

Ә Ишембай ағинәйҙәренең береһе кейгән юрматы ырыуы ханбикәһе кейеме айырым иғтибарға лайыҡ булды. 16-17-се быуаттағы был кейем өлгөһө дәүләт музейҙарында юҡ, уны Ишембайҙағы шәхси музейҙа ғына тап итергә мөмкин.

мосолман донъяһы
ЙӘННӘТ ҠАПҠАЛАРЫН АСҠАН, ЙӘҺӘННӘМ ҠАПҠАЛАРЫН ЯПҠАН АЙ

Ҡояш байып, ифтар ваҡыты ингәс тә, бер йотом һыу, бер хөрмә менән Раббыбыҙ көндөҙ күргән бар асығыу һәм һыуһау мәшәҡәттәребеҙҙе оноттора, яңы көс, дәрт менән бүләкләй.

милләт балҡышы
КҮҢЕЛ БАЙРАМЫ БУЛДЫ БЫЛ!

27 майҙа "Евразия йөрәге" Халыҡ-ара сәнғәт фестивале сиктәрендә "Ҡурай-фест" ҡурай байрамы үтте. Салауат Юлаев майҙанындағы тәбиғи амфитеатрҙа йәйелдерелгән күркәм тамашала ул көндө киске сәғәт 7-нән төн уртаһына тиклем ҡурай моңо өҙөлмәне. Фестивалде ҡарарға 10 меңләп кеше килгән тинеләр.