ТЕМӘС – АРҘАҠЛЫ
ШӘХЕСТӘР ТӨЙӘГЕ...
Тормошобоҙҙо халыҡ ижадынан тыш күҙ алдына ла килтереп булмай: кәсепселек, яҙма ижад йәиһә мәҙәни юҫыҡта булһынмы - борондан ата-бабаларыбыҙҙан килгән йолаларҙы һаҡларға тырышабыҙ, уларға үҙебеҙсә яңылыҡ индерәбеҙ, биҙәктәр һалабыҙ. Һәр хәлдә, ул беҙҙең йәшәү рәүешебеҙгә әүерелгән.
2 октябрҙә Сибай ҡала округында башланып, 3 октябрҙә Темәс ауылында дауам иткән мәҙәниәт хеҙмәткәрҙәренең республика кәңәшмәһе ошо темаға арналды һәм "Патриотик тәрбиә һәм милләт-ара килешеүҙе формалаштырыуҙың бер факторы булараҡ халыҡ ижадын һаҡлау һәм үҫтереү" тип аталды. Унда республика Башлығы Рөстәм Хәмитов, Рәсәй Дәүләт халыҡ ижады йорто директоры Тамара Пуртова, БР мәҙәниәт министры Әминә Шафиҡова, Башҡортостан Республикаһы халыҡтары ассамблеяһы рәйесе, РФ Дәүләт Думаһы депутаты Зөһрә Рәхмәтуллина, шулай уҡ Башҡортостан Республикаһының муниципаль район хакимиәттәре һәм ҡала округтары башлыҡтары, мәҙәниәт бүлектәре начальниктары ҡатнашты.
Дауамын уҡырға.
уйлыға - уй
ҠАРАБОЙҘАЙ ЯУЫ - КҮГӘРСЕНГӘ КӨС
"Йыл һайын миллиард тоннанан ашыу аҙыҡ продукттары сүп-сар контейнерҙарына ташлана, - ти мәжлес алдынан сығыш яһап, БМО-ның Генераль секретары Пан Ги Мун, - донъяла бик күп асығыусылар барҙа, был - оятһыҙлыҡ".
йәштәргә әйтер һүҙем...
ОЛО ҺҮҘЕН ТЫҢЛАҒАН - ҠЫРЫН ЯТЫП ЙЫРЛАҒАН
Ғалимыбыҙ Зиннур Ураҡсин әйтмешләй: "Башҡортҡа ла сәйәси дипломатияға, ҡатлы-ҡатлы фекерҙәрҙе асырға өйрәнергә кәрәк. Башҡорт йөрәкле, донъя күләмендә фекер йөрөтөрлөк сәйәсмәндәребеҙ, дипломаттарыбыҙ үҫһен ине".
монолог
ҮҘӘК МЕНӘН КИЛЕШЕҮ ТӨҘӨП, ВӘКӘЛӘТТӘРҘЕ ЯҢЫНАН ҠАРАУ ҮҘ СИРАТЫН КӨТӘ
В. Путиндың ШОС, БРИКС дәүләттәре башлыҡтарының саммиты ваҡытында: "Рус телен һәм башҡорт телен өйрәнегеҙ", - тигән һүҙҙәрен барыһы ла тиҙ генә онотто ла ҡуйҙы. Уны лозунг итеп күтәрергә кәрәк.
ижадхана
КӨНДӨҘ УТ ЯНДЫРЫП ДРАМАТУРГТАР ЭҘЛӘЙБЕҘ
Романда фекереңде уҡыусыға еткерер өсөн 1000 бит яҙырға була, пьесала һәр һүҙ ҡәҙерле. Һинең ике сәғәт ваҡытың бар, шул мәлдә тамашасының күңел төпкөлдәренә үтеп инеп, уның тойғоларын уятып өлгөрөргә бурыслыһың.
тәүбә
МИН ЭСЕҮЕМДЕ ТАШЛАНЫМ
Мин 16 йыл хәмер ҡоло булғанмын икән, күңеллелек кисереүгә нәфсемде тыя алмай, алдағы 16 йыллыҡ ғүмеремдә кисерәсәк шатлыҡтарымды үтескә алып торғанмын. Үҙ-үҙемдән шатлығымды урлағанмын була бит был.
|
