Республика баш ҡалаһын төрлө кимәлдәге ҡунаҡтар килеүе менән аптыратырлыҡ түгел. Әммә Бөйөк Устюгтағы резиденцияһынан Ҡыш бабайҙың үҙенең килеп төшөүе балалар өсөн генә түгел, хатта ололарға ла мөғжизәүи бер ваҡиға булды. Яңы йыл тылсымсыһы ил буйлап 48 көнлөк сәйәхәткә сыҡҡан һәм Башҡортостан уның маршрутындағы 20 ҡаланың 12-сеһе.

Быйыл көҙҙән алып илдең төрлө мөйөштәренән меңдәрсә бала Ҡыш бабай почтаһына үҙҙәре тураһында, Яңы йылға теләктәрен яҙып, хаттар ебәргән. Уларҙың ҡайһы берҙәренә, ысынлап та, бәхет йылмая - Ҡыш бабай улар менән шәхсән осрашып, теләктәрен үтәй. Өфөлә, мәҫәлән, ул ете йәшлек Настя Коптелова менән осрашҡан. Ҡыҙҙың ишетеү йәһәтенән проблемалары бар, шуға ҡарамаҫтан, ул музыка мәктәбендә шөғөлләнә. Уның хыялы - яңы ишетеү аппараты алыу була. Ә өләсәһе тәрбиәһендәге 10 йәшлек Ангелина Алимова 35-се размерлы коньки һорай. Ҡыш бабай һынлы Ҡыш бабай нисек уларҙың үтенесен ишетмәһен ти инде!
Журналистар менән осрашҡанда Ҡыш бабай: "Өфө балалары минән бүләккә йорт хайуандары һорай. Ә байлыҡ табырға хыялланған бер малайға тимер эҙләй торған аппарат кәрәк, кемдер донъя буйлап сәйәхәткә сығырға теләй. Күптәр төрлө гаджеттар, йәнһүрәт һәм боевиктарҙағы уйынсыҡтар тураһында хыяллана. Ә шулай ҙа балалар араһында әкиәттәр, ундағы геройҙар, изгелек модала булһын ине. Барығыҙға ла, хыялдарығыҙ күберәк булһын, тип теләйем. Донъяны битараф булмаған фантазерҙар үҙгәртә. Хәҙер минең иң ҙур теләгем - балаларҙы иларға мәжбүр иткән күңелһеҙлектәр бөтһөн, бөтөн балалар ҙа һау-сәләмәт, ғаиләләр тулы, донъяла тыныслыҡ булһын. Әйҙәгеҙ, үҙебеҙ бер-беребеҙ өсөн тылсымсы булайыҡ, һәр көн бер изге эш эшләйек, бер-беребеҙҙе ишетәйек, аңлайыҡ, дуҫ булайыҡ".
Ҡыш бабайҙың Өфөгә визиты "Ватан" этнопаркында байрам һәм Башҡорт ҡыш бабайы менән осрашыу, Яңы йыл шыршыһы уттарын ҡабыҙыу менән тамамланды. Ҡунаҡты бында Өфө ҡала округы хакимиәте башлығы Ирек Ялалов, БР Эшҡыуарлыҡ һәм туризм буйынса дәүләт комитеты рәйесе Вячеслав Ғиләжетдинов, шулай уҡ Башҡорт Ҡыш бабайы тәбрикләне.

"БАШИНФОРМ"

"Киске Өфө"нө уҡыйбыҙ
МИН НИҢӘ УНЫ ҺАЙЛАНЫМ?

Мин үҙем ғүмерем буйы матбуғат баҫмаларында эшләп, хаҡлы ялға сыҡҡан кеше булараҡ, гәзитһеҙ көнөмдө күҙ алдына ла килтерә алмайым, шуға күрә пенсиямдан арттырып, гәзит-журналдарға яҙылырға тырышам.

әйҙәгеҙ...
ЮЛ ҠАҒИҘӘЛӘРЕН БОҘМАЙЫҠ!

Ошо көндәрҙә БР буйынса Эске эштәр министрлығының Юл хәрәкәте хәүефһеҙлеге дәүләт инспекцияһы идаралығы начальнигы Динар Заһит улы ҒИЛМЕТДИНОВ журналистар менән осрашып, ағымдағы йыл йомғаҡтары, эшләнгән эштәр һәм идаралыҡ алдында торған пландар, бурыстар менән таныштырҙы.

уйлыға - уй
ЯҘМЫШТАРҘЫ ЯҢЫЛЫШТЫРМАЙЫҠ!

- Иремде ташлап, үҙ яғыма ҡайттым. Мине оҙата сыҡҡас, ҡапҡа бағанаһына һөйәлеп, илап ҡалды, бисарам. Йәшлектәге аҡылһыҙлығым арҡаһында нисәмә яҙмыш менән уйнаным. Әле булһа үкенәм, һылыу...

милләт балҡышы
БЫЛ УҠЫУ ЙОРТОНДА ҠУРАЙСЫЛАР ҘА БЕЛЕМ АЛА

Уралда ғына үҫкән ҡурайҙы беренсе тапҡыр башҡорт өҙөп алған һәм уйнаған. Традицион башҡарыу алымдары башҡорт халҡында ғына осрай, ә ул көйҙәр беҙгә ҡурайсынан-ҡурайсыға күсеп килеп еткән.

күңел мөһөрө
ТИМЕРСЕ ШӘҺҮРӘ

Тарихи сығанаҡтарҙан билдәле булыуынса, кешелек донъяһы "Тимер быуатҡа" аяҡ баҫҡан осорҙан баҡырҙан ҡула иретеү һөнәре ултыраҡ урындар янына - йорттарҙағы мейестәргә күскәс, тимерселек һөнәрен ҡатын-ҡыҙҙар ҙа үҙләштерә башлай.

иғтибар: акция!
ҺӘР КЕМ УҠЫРҒА ТЕЙЕШЛЕ ЙӨҘ БАШҠОРТ КИТАБЫ

Алтын бөртөкләп йыйылған кеүек, башҡорт әҙәбиәтенең иң аҫыл, алтынға бәрәбәр китаптарын/әҫәрҙәрен бөртөкләп барлай киләбеҙ. Әлегә бөтә быуындар уҡып белергә тейешле әҫәрҙәр исемлеген егерме бергә тиклем еткерҙек. Был юлы исемлеккә тағы бер нисә әҫәрҙе индерәбеҙ.

хәтер яңыртып...
ҠӘҘЕРЛЕ БҮЛӘК

Рәсәй киноһы йылында ошондай бер ҡыҙыҡлы мәғлүмәт менән уртаҡлашҡым килеп, ҡулыма ҡәләм алдым.