Өфө буйлап атлап киләм,
Таныш миңә һәр урам.
Бөтә кеше туған кеүек,
Һаулыҡ һорашып уҙам.

Ғүмер ебен һиндә һүтәм,
Күңелгә яҡын ҡалам.
Таңдарыңды, кистәреңде
Моңло йырҙарға һалам.

Урам буйлап атлап киләм,
Иңгә йондоҙҙар яуа.
Бәхеттән ҡанатланғанда
Бейек тә түгел һауа.

Йәшлек эҙҙәрем һаҡлаған
Урамдар буйлап үтәм.
Йәш, һылыу ҡыҙҙарға ҡарап,
Гүйә, йәшәреп китәм.

Ағас өйҙәрең янынан
Эттәр өрә ауылса.
Ауылдарҙан килеп, һиндә
Йәштәр һәләтен аса.

Егеттәре ҡыйыу, етеҙ,
Урал батыр тоҡомло.
Ҡыҙҙар - Һомай нәҫелдәре,
Сибәрлектә юҡ тиңе.

Шул йәштәргә ҡараниһәм,
Йәшәреп китәм кеүек.
Баш ҡалам да янып йәшәй
Йәштәрсә балҡып, көлөп.

Күңелең киң, барыһын да
Ҡосағыңа алаһың.
Донъялағы иң матур бер
Ҡала булып ҡалаһың.

Өфөләргә тип килдем дә
Ғүмерлеккә бәйләндем.
Һиндә тыуып үҫмәһәм дә,
Яҙмышыма әйләндең.

Зөһрә ҠОТЛОГИЛДИНА.

уйлыға - уй
САЛАУАТЛЫ, ТИМӘК, ДОҒАЛЫ ИЛ

Салауат - мәғәнәһе яғынан да, ошо исемде данға күмгән батырыбыҙ булғаны өсөн дә бик ҡәҙерле беҙгә. Ошо олуғ исемде ваҡламайыраҡ, уның ҡәҙерен һаҡлабыраҡ йәшәһәк ине. Ҡыйыулыҡ, рухи юғарылыҡ, илһөйәрлек өлгөһө бит ул!

... ғәҙәттәре күркәм
БАЛА КҮҢЕЛЕН КҮРЕП...

Мәктәпкәсә йәштәге балалар һүрәт төшөрөү, аппликация яһау, таланттар ярышында ҡатнашты. Уҡыусыларҙы ҡул көрәше, уҡ атыу ҡыҙыҡһындырҙы, шахмат, шашка, төрлө ҡул эштәре серҙәренә төшөнөргә теләүселәр ҙә күп булды.

афарин!
ӘКИӘТ ҺӨЙЛӘП ТУҒАН ТЕЛ МӨҒЖИЗӘҺЕ ТЫУҘЫРҘЫЛАР

"Был конкурс минең кеүек малай-ҡыҙҙарға сәхнәнән ҡурҡмаҫҡа, матур һөйләшергә, ә әкиәттәр - насарлыҡтан һәйбәтте айырырға, насар булһа, сәхнәләге күренеште ҡабатламаҫҡа өйрәтә", - тип һөйләне 10 йәшлек Луиза.

ырыуың кем?
ЮРМАТЫЛАР БЕҘ!

Юрматы ырыуы көньяҡ-көнсығыш башҡорттары төркөмөнә ҡарай. Уларҙың бөгөнгө вариҫтары башлыса Башҡортостандың Ишембай һәм Ғафури, Мәләүез, Стәрлебаш, Стәрлетамаҡ, Федоровка райондарында йәшәй.

диалог
АУЫЛ ЭШҠЫУАРҘАРЫ – ЕҢЕЛ БУЛМАҒАН ЮЛ КЕШЕЛӘРЕ УЛАР

Беҙҙә эшҡыуарлыҡты үҫтереү өсөн бөтөн шарттар ҙа тыуыҙырыла. Ә реаль ысынбарлыҡта был мөмкинлектәрҙе ҡуллана алмау өсөн бөтөн ҡаршылыҡтары ла булдырыла һымаҡ. Бына шундай көлкө лә, ҡыҙғаныс та хәл.

Өфө башҡорто
ОЛОҒАЯ КИЛӘ БАШҠОРТЛОҠҠА НЫҒЫРАҠ ТАРТЫЛАМ

Йәш ваҡытта ниндәй милләттән икәнемде айырмайҙар ине. Хәҙер йәштәр мине урыҫ тип уйлай, ә бына урамда ололар осраһа, хатта ауылдан килгән булһалар ҙа, башҡортса һүҙ ҡушалар.

тәбиғәт мөғжизәләре
ҠОШТАРҘАН ӨЙРӘНӘЙЕК!

Беҙ ҙә балаларҙы йылы оябыҙҙа артыҡ оҙаҡ тотмай, үҙ йүндәрен үҙҙәре күреп өйрәнһен өсөн хәстәрлек күрергә тейешбеҙ! Оло тормош юлына сығарыр өсөн ышаныслы, тоғро иптәш һайларға кәрәк!

ҡыҫҡа әңгәмә
ЕҢЕҮСЕ - СИБАЙҘАН!

Күптән түгел Октябрьский ҡалаһында Ғата Сөләймәнов исемендәге Ҡурай байрамы еңеүсеһе билдәләнде. Республиканың 10 ҡалаһы һәм 19 районынан, шулай уҡ Силәбе һәм Ҡурған өлкәләренән килгән 324 бәйгесе араһынан Шамил КҮСӘМИШЕВ иң оҫтаһы тип танылды. Ошо уңайҙан Шамил Шакир улы менән әңгәмәләшеп алдыҡ.