Башҡортостандың йыйылма командаһы Ташкентта йөҙ шаҡмаҡлы шашка буйынса донъя чемпионатында уңышлы сығыш яһаны һәм барлыҡ алтын миҙалдарҙы яуланы.

Ярыштарҙы ШОС һәм БРИКС илдәренең халыҡ-ара ассоциацияһы нигеҙендә булдырылған Халыҡ-ара шашка ассоциацияһы ойошторҙо. Чемпионатта туғыҙ илдән: Рәсәй, Үзбәкстан, Ҡаҙағстан, Тажикстан, Төркмәнстан, Ҡырғыҙстан, Иран, Афғанстан, Һиндостандан 120-нән ашыу спортсы ҡатнаша. Илебеҙҙән - ике йыйылма команда, береһе тулыһынса тиерлек Башҡортостан спортсыларынан тора, икенсеһе - Саха (Яҡут) Республикаһынан.
Беҙҙең команда составында: Александр Георгиев, Айнур Шәйбәков, Муродулло Амриллаев, Марсель Шәрәфетдинов, Тамерлан Әхмәров, Анатолий Татаренко һәм Александр Гетманский. Ҡатын-ҡыҙҙар командаһында: Тамара Танһыҡҡужина, Айгөл Иҙрисова, Әлиә Әминева, Айгизә Мөхәмәтйәнова, Агата Парахина, Кристина Осипова һәм Елена Мильшина.
Шашкасылар һуңғы өс йылда тәүге тапҡыр халыҡ-ара турнирҙа ҡатнаша. "Был ваҡиғаны өс йыл көттөк, сөнки спортсыларыбыҙ, хаҡлы рәүештә танылған лидерҙар булһа ла, донъя чемпиондары исемен яҡлау мөмкинлегенән мәхрүм ителде. Беҙҙекеләр юғары кимәлде раҫланы һәм команда чемпионатында алты алтын миҙалдың барыһын да алды", - тине Рәсәйҙең шашка буйынса йыйылма командаһының баш тренеры Юрий Черток.
Әйткәндәй, Башҡортостан шашкасылары күптән түгел Мәскәү өлкәһендә үткән Халыҡ-ара шашка буйынса Рәсәйҙең команда чемпионатында ла дүрт миҙал яулағайны. Республиканың ҡатын-ҡыҙҙар йыйылма командаһы ике алтын миҙал алды. Команда составында Айгөл Иҙрисова, Кристина Осипова һәм Агата Парахина сығыш яһаны. Ир-егеттәр командаһы ла алтын һәм көмөш миҙал яулап, яҡшы һөҙөмтәләр күрһәтте. Уның составында: Александр Георгиев, Муродулло Амриллаев, Айнур Шәйбәков, Марсель Шәрәфетдинов һәм Владимир Мильшин. Чемпионат йомғаҡтары буйынса донъя команда чемпионатына милли йыйылма составы билдәләнде.

һай-һай-һай!
АТАЙСАЛҒА - ИЗГЕ ҒӘМӘЛДӘР

Ҡасандыр һеҙҙең атайлы-әсәйле, бәхетле мәлдәрегеҙҙең шаһиты булған йорт әле буш тора, яйлап емерелә бара. Минең фекеремсә, уны һатырға кәрәкмәй, сөнки һеҙ уны төҙөгән атай-әсәйегеҙҙең яҡты иҫтәлеген дә һатаһығыҙ.

бынағайыш
АҠЫЛ ТЕҮӘЛЛЕГЕ БИР, ХОҘАЙЫМ!

Йәмғиәт һәм граждандар именлегенә ни тиклем хәүеф янай бөгөн ундай агрессив психикалы сирлеләрҙән! Былтыр ғына ла Башҡортостанда 7305 кешегә психик ауырыу диагнозы ҡуйылған.

донъя шаңдауы
ТӨП МАҠСАТ КӨСӨНДӘ ҠАЛА

Дональд Трамп менән Владимир Путин ике сәғәттән ашыу Украина конфликтын көйләү буйынса телефондан һөйләште. Был һөйләшеүҙән һуң Трамп Украина конфликты буйынса тыныслыҡ булдырыуға өмөт белдерҙе.

...ғәҙәттәре күркәм
ЛЕНИН ПАРКЫНДА ҠУРАЙҒА ҺӘЙКӘЛ БУЛЫРҒА ТЕЙЕШ!

Паркка терәлеп ултырған беҙҙең театрҙы ғына алғанда ла, 400-ҙән ашыу кеше эшләгән коллектив өсөн бөтөнләй транспорт ҡуйыу мөмкинлеге юҡ. Спектаклгә килгән 500 тамашасы хаҡында әйтеп тораһы ла түгел.

һай-һай-һай!
МИЛЛИ ИДЕЯҒА ӘЙЛӘНҺЕН "АЙЫҠ АУЫЛ" ТИГӘН СӘЛӘМӘТЛЕК, ИМАН, ИМЕНЛЕК БӘЙГЕҺЕ

"Төп маҡсат - ватандаштарыбыҙҙың, яҡташтарыбыҙҙың һаулығы. Республикала ялған хәмер эсеп үлеү осраҡтары, енәйәтселек һәм социаль етемлек кимәле кәмей", - тип билдәләне Толкачев.

тарихи хәҡиҡәт
ЫРЫМБУР ГУБЕРНАТОРҘАРЫ ҺӘМ БАШҠОРТТАР

Яңы ғына хәрби министр итеп тәғәйенләнгән генерал-адъютант Милютин башҡорт ғәскәрен үҙгәртеп ҡороу хаҡында рәсми хат менән Безакҡа мөрәжәғәт итә, ул ғәскәрҙең әлеге хәлендә файҙаһыҙ булыуы хаҡында яҙа.

тарихыңдан дан тап!
БАШҠОРТ ТАРХАНДАРЫ ҺӘМ ДВОРЯНДАРЫ

Башҡорт тархандары һанының XVIII быуаттың икенсе яртыһында кәмей барыуы батша хөкүмәтенең 1754 йылда дөйөм һалымды бөтөрөп, тоҙҙо ҡаҙнанан һатып алыу хаҡында сығарған указына ла ныҡ бәйле, ахырыһы.

ҡыҙыҡлы әңгәмә
ИЗГЕЛЕК - ЕҢЕҮСЕ КӨС!

Сибай сәнғәт колледжында ысын мәғәнәһендә сәсәндәр мәктәбе эшләй. Урал аръяғында барлыҡҡа килгән был Үҙәк донъя кимәлендә билдәле булған башҡорт халыҡ эпостарын юғары кимәлдә башҡарыусыларҙы әҙерләй.

һәр кем ҡолағына
"ТАМЫРҺЫҘ КЕШЕЛӘР ОҘАҠ ЙӘШӘМӘЙ", ЙӘҒНИ, ХИРУРГ УГЛОВ НӘСИХӘТТӘРЕНӘН

Оҙаҡ йәшәү сере быуаттар буйына кешелекте ҡыҙыҡһындырған, оҙон ғүмерлеләргә бөтәһе лә һоҡланып та, хатта бер аҙ көнләшеп тә ҡарай һәм үҙенә шундай һорау бирә: бының сере ниҙә һәм ундай бәхеткә эйә булыуҙың сәбәптәре ҡайҙан?

Гөлсирә Ғиззәтуллина
АЛТАУ ҺӘМ ҺУҢҒЫ ГРАНАТА - 7

Һинең дә улыңды табабыҙ, туған. Үлем көтөп ултырғанда мин үҙемә нәҙер итеп әйттем. Үҙем, шәхсән үҙем табып, атаһының ҡаһарманлығын аңлатып бирәсәкмен.

яҙыусыға өс һорау
ХЫЯНАТҺЫҘ МИЛЛӘТБЕҘ БЕҘ...

Белмәйенсә тороп, башҡаларҙың башын бутау, яңылыштырыу, ысынлап та, оят ғәмәл. Үҙең белмәгәнде яҙып алдашырға, уйҙырма менән уҡыусының башын бутарға ярамай. Бигерәк тә тәбиғәт тураһында ижад иткәндә.

мөһим хәбәр
САЛАУАТ ҺӘЙКӘЛЕ - ДОНЪЯ МИРАҪЫ

"Салауат Юлаев һәйкәле беҙҙең республиканың үҙенсәлекле байлығы, - тине Радий Фәрит улы. - Ул үҙенә күрә бер символ, халыҡтың рухы. Һәйкәл беҙҙең гербта ла һүрәтләнгән. Хәҙер монумент авария хәлендә - был беҙҙе бик борсой".