Башҡортостан рапирасылары Артур Әхмәтхужин менән Тимур Сафин, шулай уҡ уларҙың командалашы Алексей Черемисинов Рио-де-Жанейролағы Олимпия уйындарында француздарҙы 45:41 иҫәбе менән еңеп, чемпион исемен яуланы.

Рәсәй спортсылары яулаған бишенсе алтындың геройҙары булды был егеттәр. Ошо төп миҙалдан тыш, Тимур Сафин шәхси турнирҙа бронза награда ла яуланы. Ошо көндәрҙә Артур Әхмәтхужин менән Тимур Сафин Өфөгә ҡайтты. "Өфө" халыҡ-ара аэропортында чемпиондарҙы тренерҙары, ата-әсәләре, туғандары, республиканың Йәштәр сәйәсәте һәм спорт министрлығы, Өфө ҡала округы хакимиәтенең спорт комитеты вәкилдәре, дуҫтары, көйәрмәндәр һәм йәш спортсылар ҡаршы алды.

тураһын әйткәндә...
ОСОН ОСҠА ЯЛҒАРҒАМЫ, ЛАЙЫҠЛЫ ЭШ ХАҠЫ ТАЛАП ИТЕРГӘМЕ?

Уҡытыусы әсә, ватан кеүек үк изге төшөнсәгә тиң. Бер ниндәй модернизация ла, инновациялар ҙа балаларға изгелек, намыҫ, кешелеклелек һәм илһөйәрлек тойғолары тәрбиәләүсе уҡытыусыны аҡса һуғыусыға әүерелдерә алмаясаҡ.

көнауаз
УҠЫТЫУСЫНЫ НИНДӘЙ ҺОРАУҘАР БОРСОЙ БӨГӨН?

"Башҡорт телен туған тел һәм дәүләт теле булараҡ уҡытыу рәсми рәүештә ҡабул ителгән закондарға ярашлы алып барыласаҡ", тигән һүҙҙәрҙән һуң уҡытыусылар өсөн тағы ла бер ҡыуаныслы яңылыҡ еткерелде.

башҡорт автономияһы тарихынан
ПОЛК МУЛЛАЛАРЫНЫҢ ҒӘСКӘРҘӘГЕ ТӘРТИПТЕ, ҺАЛДАТТАРҘЫҢ РУХЫН ҺАҠЛАҒАНЫ

Һуғыш шарттарында Ислам дине башҡорт ғәскәрендә тәртип, берҙәмлекте һаҡлаусы, һалдаттарҙың рухын нығытыусы факторҙарҙың береһе булып тора. Шуға күрә лә һәр башҡорт полкында муллалар эшмәкәрлек итә.

заман башҡорто
"ҺИН ХАЛҠЫҢДЫҢ МӘРТӘБӘҺЕН КҮТӘРЕРГӘ ТЕЙЕШ!"
Шулай тип дәртләндерә тренерҙары Гөлшатты

Татьяна Васильевна һәр ваҡыт: "Һин маҡсатына өлгәшергә ынтылған көслө тоҡомданһың, быны башҡаларға ла иҫбат итергә, үҙеңдең генә түгел, бөтә башҡорт халҡының данын, мәртәбәһен күтәрергә тейешһең", - тип сәмләндерә.

сәләмәтлек әлифбаһы
ҺӨЛӨК ҺӘМ ЭНӘ - БЕР-БЕРЕҺЕН ТУЛЫЛАНДЫРЫУСЫ ДАУАЛАР

Һөлөк кеше организмына 100-ҙән ашыу әүҙем матдәләр ебәрә, тип һанала. Әммә иң мөһимдәре һәм һөҙөмтәлеләре: гирудин, бделлин, гиалуронидаза, дестабилаза. Һәр ферменттың үҙенең функцияһы бар. Гирудин, дестабилаза - ҡанды шыйығайта, бделлин - ялҡынһыныуға ҡаршы, гиалуронидаза - организмдың зарарланған өлөшөн тергеҙергә ярҙам итә.

афарин!
ҺАБАНТУЙҒА БЕЛЕМ АЛЫРҒА

Белемлегә йот юҡ, тигәндәй, йәйге ялын файҙалы итеп үткәрергә, белем алырға, тәжрибә тупларға, шәхси сифаттарын камиллаштырырға ниәт иткән иң әүҙем, алдынғы ҡарашлы, маҡсатҡа ынтылышлы йәштәр ошо көндәрҙә "Ташлы" ат спорты-һунарсылыҡ хужалығы биләмәһендә мәғариф һабантуйы үткәрҙе.