Ҡар шығырлай, ел шыбырлай
Ҡыштыр ҡыштың тауышын.
Ҡарҙар көлә күҙҙе сағып, -
Был матурлыҡ табышы.
Ап-аҡ ҡарҙар Ерҙе паклай,
Нурлай йәнде саф аҡлыҡ.
Яңы йылға ишек ҡағам,
Киләсәккә юл асыҡ.
Ер әйләнә, Йыһан үҙе
Ваҡыттың карабында.
Кешеләр булып ҡалайыҡ
Кешеләр араһында.
Йәшел шыршы балҡый йортта,
Уттарында нур көлтә.
Мең яҙмышлы мең йорттарға
Яңы йыл тәҙрә сиртә.

Фәнил БҮЛӘКОВ.

күҙмә-күҙ...
МИН КИҢ МӘҒЛҮМӘТ САРАЛАРЫ ЯҠЛЫМЫН..."

Торатауҙан тәбиғәт ҡомартҡыһы статусын тартып алыу өсөн хоҡуҡи нигеҙ юҡ. Тәбиғәтте һаҡлау тураһындағы законда ла, әйләнә-тирә мөхитте һаҡлау тураһындағы законда ла экология иҡтисадтан өҫтөнлөклө тип билдәләнгән.

әйтәгүр!
ЯҢЫ ЙЫЛ ҺҮҘЕ САБЫЙҘАР ТЕЛЕНДӘ ҺӘМ…

Ул һәйбәт бабай. Минең олатайыма оҡшаған. Өйөбөҙгә Ҡыш бабай килә, тиһәләр, олатайым тиҙ генә сығып китә. Ул бәләкәй сағында шыршы уйынсығын ярған, шуға Ҡыш бабайҙан ҡурҡа. Быны миңә өләсәйем әйтте.

тарих ауазы
ИБН ФАҘЛАН ЭҘЕНӘН

Изгеләр шишмәһе хаҡындағы был мәғлүмәт шуға ишара яһай: тимәк, Ҡондорса буйындағы ауылдарҙа боронғо башҡорттарҙың, йәғни был тарафтарҙа Ибн Фаҙлан күреп киткән мәжүси башҡорттарҙың вариҫтары йәшәй.

Өфө башҡорто
БАЙЛЫҒЫМ, ДАНЫМ, ДӘРӘЖӘМ – БАШҠОРТСА ҺӨЙЛӘШКӘН БАЛАЛАРЫМ!

Башҡортостандың баш ҡалаһы булараҡ, уның милли йөҙө булырға һәм ул һаҡланырға тейеш. Яңы төҙөлгән йорттар үҙенең стиле менән айырылып торһон, урамдар, парктар милли колорит менән эшләнһен, рух һаҡланһын ине.

милләт балҡышы
МӘСКӘҮ СӘХНӘЛӘРЕН ЯУЛАП...

Ҡатнашыусыларҙы ҡаҡланған ҡаҙылыҡ, ит, сәк-сәк, бауырһаҡ, ҡоймаҡ, буҙа, ҡымыҙҙан ауыҙ иттерҙек. Был ижад йорто тарихында бер милләттең ошондай ҙур күләмле сығышы беренсе тапҡыр ойошторола, тине етәкселәр.

афарин!
ҮҪМЕРҘӘР БЕР-БЕРЕҺЕНӘ "БИРЕШМӘ!" ТИП ӨНДӘШӘ ХӘҘЕР

Күптәр иғтибар иткәндер, 21 декабрҙән "Бирешмә!" тип аталған үҫмерҙәр өсөн беренсе башҡорт сериалы Башҡортостан юлдаш телевидениеһы экрандарына сыҡты.

күңел мөһөрө
ТУҒАН ТЕЛДӘ ҺӨЙЛӘШ ҺӘМ МӨҒЖИЗӘ ТЫУҘЫР!

"Халҡым теле миңә - хаҡлыҡ теле" темаһына эссе конкурсында I урынды Лиә Юлбарыҫова яуланы. "Башҡорт телендәге иң яҡшы фильм" конкурсында I урынға Алмаз Раяновтың документаль фильмы лайыҡ булды.

йыл йомғағы
РӘХМӘТ ҺҮҘЕБЕҘ

Рәхмәт! Йыл буйына өйөгөҙгә "Киске Өфө" гәзитенең сираттағы һаны килеүен көтөп алған, уны һәр хәрефен һөҙә-һөҙә уҡып сыҡҡан, мәғлүмәттәрҙе йә һоҡланып, йә күңел үҫтереп, йәиһә төңөлөп китеүҙән телендә тәнҡит һүҙе уралтҡан, әммә битараф ҡалмаған уҡыусыларыбыҙға рәхмәт.