"Киске Өфө" гәзитен беҙҙең Башҡорт дәүләт университеты тарих факультеты уҡытыусылары һәм студенттары ла яратып уҡый, үҙҙәре лә унда әленән-әле сығыш яһап тора. Мин үҙем иһә гәзитте сыға башлаған мәленән бирле, даими алдырам. Ул ҡыҫҡа ғына ваҡыт эсендә ысын мәғәнәһендә халыҡ гәзитенә әйләнеп өлгөрҙө. Темаларҙы асыуы, халыҡсанлығы менән уҡыусылар күңеленә хуш килде.

Әлбиттә, әүҙем уҡыусы булараҡ, гәзит мөхәрририәтенә тәҡдимдәрем дә бар, уларҙы мин яңғыратып та торам. Ҡайһы бер мәсьәләләрҙә ҡыйыуыраҡ булырға, тәнҡиткә күберәк урын бирергә кәрәк, тимен. Был фекерҙе үҙебеҙҙең башҡа баҫмаларға ҡарата ла әйтә киләм.
Дөйөм алғанда, "Киске Өфө" яҡшы тойғолар ғына ҡалдыра. Башҡортостан халҡын уға дәррәү яҙылырға өндәйем. Бөгөнгө көндә был үтә лә мөһим, кәрәкле эш, тип әйтер инем. Ни өсөн тигәндә, хәҙер дәүләт тарафынан баҫмаларға бүленгән субсидия күләме кәмене, шул арҡала гәзит-журналдар ауыр хәлдә ҡалды. Уларҙы бөлгөнлөктән халыҡтың дәррәү яҙылыуы ғына ҡотҡара аласаҡ. Милли баҫмаларыбыҙҙы иһә бары үҙ халҡыбыҙ ғына, үҙенең күрһәткән әүҙемлеге менән һаҡлап ҡала ала.

Марат ҠОЛШӘРИПОВ,
тарих фәндәре докторы, профессор.

йән әрнеүе
БАШҠОРТТО КЕМ БӨТӨРӘ? ҮҘЕБЕҘ!

Ҡәҙерле милләттәшем! Үҙ телен белмәгән башҡорттоң күбәйә барыуына ғәйеплене ситтән эҙләмә. Улар - һинең яҡын туғандарың, дуҫтарың, үҙең... Уйланайыҡ!

үәт бит әй!
ИНГЛИЗ ТЕЛЕН...
лагерҙа йөрөп өйрәнәләр

АҠШ-тың Мәскәү ҡалаһындағы илселегенең инглиз теле бүлеге, АҠШ-тың Екатеринбург ҡалаһындағы генераль консуллығы, БР Мәғариф министрлығы, Өфө ҡала округы хакимиәте һәм Совет районының мәғариф бүлеге ярҙамында Америка-башҡорт интерколледжы әҙерләгән "АССЕSS/ДОСТУП" халыҡ-ара гуманитар белем биреү программаһы баш ҡалабыҙ Өфөлә сираттағы йәйге лагерын асты.

балалар ҡоро
РӘМИ ҒАРИПОВ РУХЫ...
капитандар тәрбиәләй

БДИ һынауҙары шулай етди, ҡаты формала үтергә тейеш булыуы менән килешәм. Сөнки бынан алдағы йылдарҙа сосораҡ уҡыусыларҙың төрлө юлын табып, имтихандарҙы юғары балға тапшырыуға өлгәшеүе тураһында ишетәбеҙ.

тарихи хәҡиҡәт
ХАЛЫҠТЫҢ ҮҘАҢЫ КҮТӘРЕЛЕҮГӘ...
революция осоро ла сәбәпсе

Беҙҙең байҙарыбыҙ күп түгел, үҙ эштәрен асыусылар ҙа һирәк. Ләкин ошо йүнәлештә әүҙемерәк булырға ине. Сөнки бер быуат элек булған тарихи ваҡиғалар беҙгә һабаҡ булырға тейеш, беҙгә аҡыллыраҡ уйлап эш итергә кәрәк.

диалог
САЛАУАТТЫҢ НӘҪЕЛ ТАМЫРҘАРЫ...
аҡтамырҙай ҡалҡты ҡабаттан

Унда Кинйәбикә Салауаттың улы Сөләймәндең ҡыҙы тип күрһәтелгән. Гөлсафия - уның тыуасары (праправнучка) булып сыға. Вельмир Иштимер улы Ҡаратаулыла Гөлсафияның ейәнсәрҙәре йәшәүен әйтте.

ижадхана
ҮҘ ҺӨНӘРЕҢӘ БИРЕЛГӘНЛЕК -
хаҡ яҙғаның шул була

Ә инде үҙе сәнғәт донъяһына әйҙәгән талиптар һәм мәктәп уҡыусылары өсөн ул ысын мәғәнәһендә кумир, һәр яҡлап та өлгө булырҙай остаз! Кем хаҡында шулай матур һүҙҙәр һөйләй икән, тип аптырамағыҙ тағы: Сибай дәүләт филармонияһында (бөгөнгө Сибай концерт-театр берекмәһе) сағыу сығыштары менән танылыу алған бейеүсе Азат Нәбиуллин ул.

сәнғәт көндәлеге
САЛАУАТ ЙЫЙЫНЫ…
5 июлдә була

Милли батырыбыҙ, сәсән, шағир-импровизатор, 1773-1775 йылдарҙағы Крәҫтиәндәр һуғышы полководецы Салауат Юлаевтың тыуыуына 260 йыл тулыуға арналған "Салауат йыйыны" республика фольклор байрамы 5 июлгә күсерелде. Ул йылдағыса Салауат районы Малаяҙ ауылы эргәһендә үтәсәк.