Бик матур байрам идеяһы уйлап тапты Башҡортостандың Эшҡыуарлыҡ һәм туризм буйынса дәүләт комитеты. Башҡортостанда Ҡыш бабайҙың ҡунаҡ тирмәһен булдырыу буйынса конкурс ойошторҙо, бәйгелә бәхетле билет Ишембай районының Урман-Бишҡаҙаҡ ауылына эләкте. Бер ай эсендә Торатау буйында Ҡыш бабайҙың ҡунаҡ тирмәһен һәм Яңы йыл шыршыһын ҡороп, биҙәп тә ҡуйҙылар. Бында Яңы йыл каникулдары ваҡытында Ҡыш бабай һәм уның ярҙамсылары килеүсе ҡунаҡтарҙың күңелен асасаҡ. Хәбәр итеүҙәренсә, республика туроператорҙары әҙерләгән төрлө туристик маршруттар исемлегендә Өфөнән Ишембайға Ҡыш бабайҙың тирмәһенә барыу ҙа ҡаралған. Шулай булғас, әйҙәгеҙ, Торатау буйындағы шыршы байрамына, тип саҡырырға ғына ҡала!

был айҙа
ИЖАД ЯЛҠЫНЛЫ ШӘХЕСТӘР ҺЫУЫҒАЙҘЫ ҺАЙЛАҒАН

Яңы йылдың тәүге айына аяҡ баҫабыҙ. Хәйерле, имен булһын йылыбыҙ. Календарҙа Яңы йыл байрамы тип билдәләнгән ошо уҡ көн Бөтөн донъя тыныслыҡ көнө тип тә нарыҡланған. Берәй эш башлар алдынан бисмиллабыҙҙы әйтәбеҙ бит.

ситтәр менән әңгәм
ҠУНАҠТАР МИЛЛИ КОЛОРИТТЫ ТОЙОРҒА ТЕЛӘЙ

Өфөләге йәмәғәт транспорты мәсьәләһе тулыһынса хәл ителгән, тип әйтмәҫ инем. Бигерәк тә киске сәғәттәрҙә. Мәҫәлән, киске ун берҙә Ленин урамындағы туҡталыштан Телеүҙәккә барыу өсөн ярты сәғәт автобус көттөм.

кеше һәм тәбиғәт
ИСЕМЕҢДЕ ТАШҠА ЯҘЫУ ҒӘҘӘТЕҢДЕ ҠУЙСЫ ӘЛЕ...

Мәмерйәгә килеп ингәс тә яҙыуҙарҙың күплегенән ҡаушап ҡалып, ярҙам итә алмаҫмын, тип уйлай. Әммә күҙ ҡурҡа, ҡул эшләй, тигән хәҡиҡәт еңә. Яйлап-яйлап Шүлгәнташтың беренсе оло залы тәүтормош халәтенә ҡайта башлай.

монолог
МАЙМЫЛ ЙЫЛЫНДА КЕШЕ БУЛЫП ҠАЛАЙЫҠ

Беҙҙең ғаиләлә мин генә түгел, ҡатыным Гөлнара (Г. Әмирова, Башҡортостандың атҡаҙанған артисы - Ред.) ла, ҡыҙыбыҙ Айсулпан да маймыл йылында тыуған. Эмиль улыбыҙ ғына йылҡы йылыныҡы.

ҡоролтай зыңғыры
АУЫЛДАРҘЫҢ КИЛӘСӘГЕ ҮҘЕБЕҘҘЕҢ ҠУЛДА

Элегерәк Өфөнөң ит комбинаты килә лә, итте арыу ғына хаҡҡа һатып ала торғайны. Бөгөн, мәҫәлән, ауыл биләмәһе башлығы кемдә күпме һата торған мал барлығын иҫәпләп, уларға хәбәр итһә, кешегә ниндәй ҙур ярҙам булыр ине.

балалар ҡоро
КҮРҺӘТ ӘЛЕ, ДУҪҠАЙЫМ, НИНДӘЙ ТӘРБИӘ АЛАҺЫҢ?

Һүҙҙең дөрөҫөн баланан ишет, тигән халыҡ аҡылына таянып, Шамонино ауылының "Ысыҡҡай" балалар баҡсаһы тәрбиәләнеүселәре менән ололарҙы ла "борсоған мәсьәләләр" тураһында әңгәмә ҡорҙоҡ.

сәләмәт бул!
АШАУ ӨСӨН ЙӘШӘМӘГЕҘ, ЙӘШӘҮ ӨСӨН АШАҒЫҘ

Һәр хәлдә, миңә ана шул асығыуҙың файҙаһы ныҡ ярҙам итте, сөнки асыҡҡан ваҡытта организм һәр төрлө шлак, тоҙҙарҙан таҙарына. Йәшәреп киткәндәй хис итәһең үҙеңде, еңеллек тоя башлайһың, хәл инеп ҡала.

әйҙәгеҙ...
ОШО КӘҢӘШТЕ ЛӘ ТЫҢЛАЙЫҠ!

Нәфсе тигәнде тыя белеү, үҙеңдә теләһә ниндәй әүрәткестәргә ылыҡмау сифаты тәрбиәләү бик мөһим. Юҡһа, ҡайһы берәүҙәр ҡулға төшкән аҡсаһын һыу шикелле тотоноп, киләһе эш хаҡын алғансы ауыҙҙарын "елгә асып" йөрөүсән.