Варшава, Белград, Бухарест, Будапешт ҡалаларын азат итеп, ярты Европаны урап ҡайтҡан атайым Ишбулды Әйүп улы Искәндәров һәм Харьков өсөн яу яланында ятып ҡалған ҡартатайым Камалетдин Шәмсетдин улы Баһауетдинов рухына арнайым.

Офоҡтарҙы ҡаҡты Еңеү саңы -
Йөрәгемдә атты Еңеү таңы!
Тамырҙарым буйлап ярһып аҡты
Һалдат атайымдың Еңеү ҡаны.

Изге ул ҡан илтте Еңеү заңын,
Еңеү тантанаһын,
Еңеү шаңын -
Оло майҙандарға һыймайынса,
Ауыл-ҡалаларҙың белмәй һанын,

Атлай ине Еңеү вариҫтары,
Иҫкә алып Еңеү тарихтарын:
Окоптарҙа,
Днепр,
Вислаларҙа,
Яулағанда Берлин рейх(ы)стагын,

Кемдәр ауған, кемдәр ятып ҡалған,
Кемдәр Европала яу ҡайтарған,
Еңеү байрағында - шулар ҡаны,
Дейеү тамағына ул ҡаҙалған!

Атай, олатайҙар - беҙҙең сафта,
Һаман, һаман тора улар һаҡта:
- Онотмағыҙ беҙҙең Еңеүҙе! - тип
Дәһшәт менән әйтә ошо хаҡта.

Офоҡтарҙы ҡаға Еңеү саңы -
Йөрәктәрҙә ата Еңеү таңы.
Ил тамыры буйлап ярһып аға
Һалдат атайҙарҙың Еңеү ҡаны.

Тамара ЮЛДАШЕВА.

хәтеркитап
КҮҘҘӘН ҮТКӘРӘЙЕК

112-се Башҡорт кавалерия дивизияһы Ҡыҙыл Армияның 78 яугиры Советтар Союзы Геройы исеменә лайыҡ һәм биш кешеһе Дан орденының тулы кавалеры булған берҙән-бер кавалерия берләшмәһе була.

хуплайым
КАЛЕНДАРҘА БАШҠОРТ АТЫ КӨНӨ БУЛҺЫН!

Башҡорт атын үҫтереүгә, һаҡлауға иғтибар бирелә башланы. Был бик ваҡытлы, тип уйлайым. Сөнки бөгөн башҡорт атын юҡҡа сығарырға маташыусыларҙан бигерәк, уны үҙҙәренеке тип раҫларға тырышҡандар ҙа бар.

көнауаз
ТӘБИҒӘТ ОРАН ҺАЛА

Стәрлетамаҡ предприятиеһы, асылда, Рәсәй территорияһында монополист. Шул уҡ ваҡытта унда етештереү өлкәһендә бер ниндәй ҙә яңылыҡ юҡ: улар фәҡәт тәбиғәттән байлыҡ ала ғына. Әгәр был артабан да шулай дауам итһә, беҙгә лә, балаларыбыҙға ла бер ниндәй яҡшы нәмә лә ҡалмаясаҡ.

уйлыға - уй
ХӘҠИҠӘТ БЕР НИСӘҮ БУЛМАЙ...

Украина, Балтик буйы неофашистарының һуңғы йылдарҙа айырыуса әүҙемлек күрһәтеүе лә уларҙың әлеге хөкүмәтенең хуплауынандыр ҙа. Тыңлауһыҙ бала һымаҡ, әле булһа "ут менән шаярыуҙарын" ҡуймайҙар.

башҡорт тарихы йылы
ЫҠ БУЙЫ БАШҠОРТТАРЫ

Иҫәп буйынса ун беренсе йыйын булған Ыҡ буйы башҡорт ырыуҙары ҡоро ла алдағылары кеүек үҙ маҡсатына өлгәште, халыҡты дәртләндерҙе, сәмләндерҙе, бер күскә тупланы, тип ышаныслы әйтергә мөмкин.

йөрәк һүҙем
ТАРИХТЫҢ УТЛЫ МӨҺӨРӨ

Бөйөк байрамды ҡаршылап, ошо уңайҙан билдәле шағирә һәм журналист, Ш. Хоҙайбирҙин премияһы лауреаты Зөһрә Ҡотлогилдинаның "Һуғыш балалары - тарих яралары", "Һуғыш яралаған бала саҡ", "Һуғыш балалары һөйләй" китаптар серияһы нисек барлыҡҡа килеү тарихы менән танышайыҡ.

Сәйфи ҠУДАШ
ДОН ДАЛАҺЫНДА

Бүләктәрҙең бөтәһендә лә халыҡтың көсө һәм ҡайнар мөхәббәте бар. Бында иң ҡәҙерле ҡунаҡтарға ғына йәки туйҙарҙа ғына бешерелә торған бауырһаҡтан алып, Башҡортостан ҡырҙарында бешкән еләк ҡағына тиклем бар.

тарих һөйләйем
ӘҘӘМ ЫШАНМАҪЛЫҠ СӘЙӘХӘТ

Ниҙәр генә күрмәй юлсылар. Яу үткән ерҙәр ҡорт төшкән ағас һымаҡ йырғысланған. Мал-тыуар траншеяларға төшөп китә. Донъяның аҫты-өҫкә килгән, ер аҡтарылып, ил-йорт емерелеп, үртәлеп, һуғыш ҡоралдары туҙып ята.

йәшел дауахана
МАЙ АЙЫНЫҢ ШИФАЛЫ ҮЛӘНДӘРЕ

Кесерткән төрлө ҡанһырап торған яралар, геморрой, бөйөрҙә, үт ҡыуығында таш булғанда, тын ҡыҫылғанда, бауыр һәм үт юлдары ауырыуҙары, эс ҡатҡанда, туберкулез, ҡурылдай астмаһы, аллегрия ваҡытында ҡулланыла.

йөрәк һүҙе
ИРҘӘР ҘӘ ИЛАЙ

Һуғыш тураһында һөйләргә яратманы ул. Бары тик өҙә-йолҡа ишеткәндәрем буйынса ла бала саҡтан уның ҡот осҡос фажиғә булыуын күҙаллай инем.